《情困之時，我遇上了自稱情性的情聖》: [Case 10－完美男友] PART 10
今日係聖誕節～
我本來就應該又期待，又興奮～
之不過，除左又期待又興奮既心情之外，我仲有D...忐忑...
因為呢幾日...發生左一件...大事...
就喺前幾日，本來就係迦迦既結婚大日子～
我地一班兄弟姊妹都好盡力咁幫迦迦個婚禮搞得好好睇睇～
所有所有都跟得好足～
照足晒劇本去發展～
無任何既甩漏～
又難得我嗰日特別好記性～
諗住可以俾到個難忘既完美婚禮迦迦啦～
點知...難忘就難忘喇...只係唔係我地想像咁完美姐...
究竟發生左咩事？
其實我都真係唔係好知發生左咩事...
只係知道...喺迦迦同Chris正要簽紙作為合法夫婦之時，台上上演左一幕阿牛囉...
不過又唔係有人要上台搶新娘喎！
係新娘悔婚！
迦迦竟然喺台上講左一句：「各位來賓，今晚既婚宴要取消...好對唔住...」
然後黎一個九十度角鞠躬之後，就拖住左伴郎...高暉隻手，遠走高飛...
遠走高飛...
我地都唔知佢地兩個去左邊...
只係知呢幾日黎，佢地兩個部電話都熄左...
Facebook無更新...
上過高暉屋企，無人應門...
Chris話迦迦都無返過去...所有迦迦既野都仲喺佢地既新居道...除左本Passport...
遠走高飛...睇黎仲係要頭也不回，走得好急嗰隻...
至於Chris喇喎...嗰晚睇佢都好似無乜野咁...
受左咁大刺激都無乜野咁？
我都真係唔知...我地亦都唔敢問咁多…
只係知...嗰晚Chris仲可以好自然咁打點一切...
平常心咁去面對各方親友送上既尷尬目光...
平常都好似...一早就已經有心理準備...
早就知道會有咁既情況發生...
意料中事一樣...
意料中事？
或者Chris真係太過冷靜...
或者我地在場既親友，無一個可以好似Chris咁冷靜...
尤其係我...
迦迦呢一下超乎想像既舉動，衝擊到我既心靈...
一個愛左你咁多年...對你不離不棄既人...你終於都接受左佢...你終於都肯嫁俾佢...
但就係唔知乜野原因之下，你喺個婚禮上拖住另一個男仔一走了之...
而呢個男仔，仲要係愛你既人既好兄弟...
太複雜...實在太複雜！
感情既野，係唔係真係咁複雜呢？
愛一個人又係唔係咁複雜呢？
係唔係複雜到話變就變呢？
我同東日之間，又會唔會話變就變呢？
定係已經變左都唔知呢？
我都唔知...我只係有D驚...有D亂...有D迷惘...
我唔敢諗我同東日既感情，會唔會經歷唔到風浪...
我唔敢諗...但我又控制唔到我唔諗...
我無辦法唔諗起...東日同個女仔去酒店...
我呢幾日都有試過Chok下東日...探下口風...
但係我點Chok點探，東日佢都總係好似無乜異樣咁...
係東日太識掩飾？定係我Chok得唔夠有技巧？
或者只係我太多心姐...
我太多心...我太多心喇～
而家唔可以咁多心架喇～
因為都係時候要準備下～
準備下同東日出去慶祝聖誕～
今日我都好早起醒～知醒唔賴床～
因為要用多少少時間，妝扮一下～
我沖好個靚涼～梳洗好～著返上次Timothy喺舖頭幫我揀嗰件透透地既白色絲質上衣～再著埋條深紅色既超迷你短裙仔～加多對透透地既黑絲～
然後就要化返個妝～
由細到大，都真係無乜幾何會化妝～
化妝呢家野，我真係唔識架喇～
不過好彩既係，之前要做伴娘既關係，都跟過個化妝師學左少少～
個化妝師話如果想自己化既話呢，唔好急～最緊要俾多D時間～慢慢黎～畫下畫下掃下掃下搽下搽下就搞掂架喇喎～
我就只好花多D時間同心機～對住塊鏡慢慢畫～慢慢掃～慢慢搽啦～
對住塊鏡慢慢咁搞都搞左成個鐘...
講真一句，喺自己塊面上妝仲難過幫D模型上色...
不過唔緊要啦～同東日過第一個聖誕喎～緊係要扮得好好睇睇靚靚女女架嘛～
我搽埋唇膏～照一照全身鏡～再偷偷地將條親手織既頸巾，放入個袋裏面之後，就行到去埋梳化嗰邊～行到埋坐喺梳化上既東日面前：『搞掂喇～』
「你...你今日...好靚丫...」東日對眼發光咁望住我～
『係咩係咩？』我再喺東日面前轉一個圈～
東日對眼就由我腳趾掃到上我小腿...又由我小腿掃到上我大脾...再由我大脾掃到條短裙邊...再由我條短裙邊掃到我條腰…我個胸...我條頸...我個嘴...我對眼...
「真係好靚…我既女朋友...真係好靚...」東日行埋我身邊，摸一摸我個冬菇頭～
『我既男朋友都好靚仔～』我就摸住東日既面頰，錫一錫東日個嘴～
東日就攬實左我，擁吻起黎～
每次同東日擁吻，總係好溫暖～好窩心～
東日既體溫、力度同味道，都令我覺得好有安全感～
任何時候...只要剩返我同東日兩個...就好安全...好安全...
同東日擁吻多一陣～
「差唔多係時候起行喇～」東日就拖實我～
『嗯嗯～我地去邊先丫～？』我就拖住東日出門口～
「去左食野先啦～醫飽左個肚仔先有氣有力架嘛～」東日摸一摸我個肚仔～
『哈哈～好痕喔～』我俾東日摸到笑起上黎～
坐上東日架Mini Cooper，好快就黎到九龍區既酒店～
「我地今日食Lunch Buffet～」東日拖住我行左入黎酒店既Buffet～仲幫我拉一拉張凳～
『唔該～』我就好小心咁掃一掃個屁股...撳一撳住條短裙仔...
著住條短裙仔真係要超級小心...
雖然話我已經著左條黑絲...
但條黑絲真係實在太過薄身喇...俾人見到裙底既話，都係會見到我條白色底褲...
而事實上，就喺我黎酒店既路程上，我不時都會走走地光...
好似話一落到樓，我好似平時咁轉一轉身姐，條裙都差D要飛起上黎...
好彩既係件絲質上衣夠大件，包得住個屁股～
唔係既話，實俾樓下個鹹濕看更睇到我裙下春光...
不過都唔好話，樓下個鹹濕看更一見到我咁樣著姐，佢就用上一對鹹濕眼黎視姦我！
由我出𨋢就喪𥄫我對黑絲...
仲俾我見到佢𥄫我𥄫到下面都好似凸起左咁...
咦…真係好核突丫…
都唔知佢會唔會翻睇返細路電視黎J我添架...
咦...所以話做女仔真係好慘...總會有機會俾D三九唔識七既人J...
諗一諗起佢地點樣望住你D相...望住你D片...腦海中FF住你黎J...
咦...真係勁嘔心！
而當我坐上東日架車既時候，我又好習慣咁擘大對脾咁坐上去...
雖然話有道車門擋住，而且又無人經過...但俾幫我開門既東日見到我咁失儀態，都唔係咁好啦...
不過好彩～就算俾東日見到我咁失儀，佢都無乜異樣～
可能係東日都已經習慣左我咁失儀掛～哈哈哈...
而當我坐住東日架車黎到酒店之時，我今次就醒目喇～
我係雙腳夾實，撳一撳住條裙咁落車～
不過雖然係咁小心，但D途人都係望住我對腳...望住我條短裙仔...望入我裙底...
尤其係D死人大陸佬！
佢地真係當我係旅遊景點咁觀光！
不過都算好架喇～只係用對鹹濕眼望...唔係用相機喪影...
而當我拖住東日隻手行入黎既時候，我都唔敢太大動作～又唔敢行得太過大步～
我都係細細步咁行...好小心咁行...
因為我怕行得大步D，都會俾人睇到我裙底...
而事實上，都真係有唔少男性生物𥄫住我對腳...
就連而家入到黎酒店既Buffet...坐定定...周圍既男性生物都喺道𥄫實我...
就好似等梗我起身...等梗我去拎野食...等梗我走光咁...
「你坐定定～今日就等我黎服侍你～」東日摸一摸我個冬菇頭～
『唔該～』我就乖乖地，坐定定～
或者係因為東日知道我係一個粗枝大葉既人～
或者係因為東日察覺得到周圍既男人都等梗我走光～
所以就讓我坐定定～唔駛走黎走去～唔駛蝕低俾其他人～
我望住東日既背影～
望住東日幫我拎野食～
東日就連背影都好有安全感～
總係吸引住我視線～
令我唔再介意其他鹹濕佬既目光～
之但係...就俾我察覺到另一種更唔舒服既目光...
係一種傾慕既目光...
係由其他女仔發出既傾慕目光...
幾個女仔...望住東日既傾慕眼神...
又係東日既Fans？
又係認得出東日？
係都唔出奇…東日今日無戴帽又無戴黑超…
D Fans實一眼認得出啦...
唉...
「黎～有野食～」東日拎左兩碟食物過黎～
『好野～有得食～』我都係收拾心情～唔好理咁多～盡情享受同東日撐檯腳既幸福時光～
之不過，世事又點會盡得人意丫？
「請問...你係唔係嗰個作家...冬甩丫？」有兩個睇起上黎只有十五、六歲既小妹妹怕怕羞羞咁行左過黎...
兩個都斯斯文文咁...
兩個都面紅紅咁...
兩個望住東日時候既眼神，都係充滿住傾慕之情...
「係丫～我就係冬甩～你地好丫～」東日就好有禮貌咁對住呢兩個小妹妹笑...
其中一個小妹妹好開心咁合實對手講：「真係你丫～估唔到可以喺道遇到你呢～」
另一個小妹妹又好開心咁接住講：「我地都係你既忠實Fans黎架～可唔可以...幫我地簽個名...影張合照呢？」
又係要簽名～
又係要合照～
慣架喇～慣架喇～
都已經好多次啦～
次次都係咁架啦～
有邊次唔係丫～
東日一俾D女Fans認出丫，就又攬又捱黐到埋一埋咁影合照架啦～
真係唔好話你睇到悶，我自己都講到厭～
唉～算啦～鬼叫自己係同個名人一齊咩～
「Sorry丫～今日全日我都想俾晒我女朋友～陪住我女朋友～如果真係想要簽名同合照既話，下個星期六丫～下個星期六部電影會做宣傳～到時我都會出席～我應承你地俾多D時間你地簽名同合照好嘛？」東日帶住微笑咁婉拒兩位小妹妹...
東日佢竟然會...因為我...因為我而拒絕...
「嗯嗯～咁好啦～我地下個星期六一定會到架～到時先再問你攞簽名同合照啦～」兩個小妹妹都好似比頭先更興奮...
可以得到自己偶像既承諾，緊係會開心D既～
「嗯～咁約定你地喇～到時見～」東日同兩位小妹妹揮揮手。
「嗯～到時見～」兩位小妹妹都同東日揮揮手道別。
望住兩個小妹妹好開心咁返返埋自己個位之後...
「有你最鍾意食既青口啦～生蠔啦～仲有長腳蟹啦～」東日將D野食分到隻碟仔道～
『嘩～青口丫～生蠔丫～長腳蟹丫～正呀喂～』最正既都係東日話今日全日都係俾晒我既～
今日全日都係～
只屬於我既東日～
唔...真係...可以？
喺全程都有東日服侍之下，好幸福咁食完個Lunch Buffet～
『食飽飽Luu～跟住我地去邊丫？』我拖住東日隻手，搖下搖下咁行出酒店～
「我知道今日Times Square有海賊王展～我地而家就去捉喬巴拎懸賞金囉～」東日摸一摸我個冬菇頭～
『好丫好丫～我想去好耐架喇～』呢期唔係返工就係織頸巾，都無時間過去睇海賊王展～
「咁我地就...」東日揸實個拳頭～
『出發！』我同東日一齊揸實個拳頭向天一舉！
拖住東日行去Times Square，沿路上我都大步大步咁行～
完全無理會過會唔會走光～
又無理會過街上既人有無𥄫我對黑絲～
因為我真係好心急～好心急咁去搵勁可愛既喬巴～
『好大架千陽號呀！！！』我一黎到Times Square，就見到架勁大架既千陽號！！！
「嘩～真係好大架～」東日見到架咁大架既千陽號都嚇到呆左～
『我地上去搵左喬巴先～我地上去搵左喬巴先～』我就拖住東日隻手，衝上千陽號～
我地一上夾板姐，就已經見到勁可愛既喬巴企左喺道～
『係喬巴～係喬巴～勁可愛丫～』我捉實東日隻手搖下搖下～
「嗯嗯～真係勁可愛～不過勁多人同佢影相～我地快D去排隊先～」東日就拖住我去排隊～
真係有勁多人排梗隊等同喬巴影相～
而我可以拖實我深愛既人一齊排隊等影相，係非常之幸福既事～
以往有呢D展，我都只可以同Timothy個死仔黎睇～
唔係話同Timothy黎睇唔好～係無咁有Feel姐～
至少我唔會好似而家拖實東日咁拖實Timothy囉～
最多都係攬頭攬頸～
個感覺真係好唔同～
我好享受呢一刻同東日一齊等既感覺～
兩個人一條心做同一件事～
但好理所當然既係，呢種只屬於我地兩個人既快樂時光，好快又俾街外既人破壞左...
「請問...你係唔係愛情小說作家冬甩丫？」後面傳黎一把少女聲...
我回頭望一望，係一對同我地咁上下年紀既年青男女...
個女仔既面容我諗就唔需要我多加形容喇～
而個男既就口黑面黑咁望住東日～
唔駛問阿貴，都估到個男仔係個女仔既男朋友～而且仲要勁葡萄～
成身酸味大到呢～真係隔住個芒都聞得到～
「嗯～我就係冬甩～你好丫～」東日又對住個女仔展露親切殷勤既笑容～
個女仔又面都紅晒咁望住東日講：「真係你丫？太好喇～我係你既忠實Fans黎架～我好鍾意你寫既小說架～估唔到可以喺道遇到你～一陣可唔可以同我同埋隻喬巴合照丫～」
又係咁喇～又係咁喇～
又係要合照喇！
仲話要同喬巴添！
雖然而家無鏡照唔到我而家個樣係點...
但我諗我塊面都係同個女仔個男朋友塊面一樣咁黑囉！
「Sorry丫～今日全日我都想俾晒我女朋友～陪住我女朋友～如果真係想要合照既話，下個星期六丫～下個星期六部電影會做宣傳～到時我都會出席～我應承你俾多D時間你簽名同合照好嘛？」東日帶住微笑咁婉拒左個女仔～
但個女仔仲係好似唔係咁甘心咁：「但喺...無喬巴喎...」
「哈哈～我最多帶定隻喬巴去同你影～」東日尷尷尬尬咁笑笑。
個女仔聽到東日咁講，都只好無奈咁答：「咁...咁好啦...到時見啦～」
打發左個女仔之後，我同東日就同喬巴合照啦～
又同左魯夫合照啦～
同左好多好多唔同既人物合照啦～
影左好多相～玩左好耐～
『丫～走光丫！呢張又係...呢張又係...呢張都係...』當我睇返東日幫我影既相既時候，發現我經常走光囉！
「你條裙咁短，係好易走光架喇～不過唔緊要啦～D相都係得我同你睇咋嘛～無所謂既～」東日摸下摸下我個冬菇頭～
『都係既…』只係Post D無走光既上Facebook就得啦～
「好喇～我地再玩多陣～影多陣～」東日又拖住我喺千陽號上跑黎跑去～
同東日玩左好耐～其間都有唔少人認得出東日...
不時都有人走過黎問東日攞簽名...影合照...
呢種情況一直Keep住我地喺千陽號玩完之後...行去食野既路途上...食梗野之時...
一直都無停過...
多到我都唔想再刻意描述...
雖然東日都會一一婉拒～
之但係...我個心總係...
食完餐聖誕大餐之後，我拖住東日隻手，黎到海旁...
本來諗住海旁會少人D...唔駛再俾東日D Fans煩住...
之但係...聖誕又有邊道係少人架...
成個海旁都好多人...好多情侶...又有好多女仔喺道吹風...
行唔夠兩步...
「請問你係唔係愛情小說作家冬甩丫？」又有三個靚女走埋黎問...
又黎喇...
「嗯～我就係冬甩～你好丫～」東日又對住面前三個靚女展露親切殷勤既笑容...
又係咁喇...
「真係你丫？太好喇～幫我地影張相丫～」其中一個女仔仲要隊部手機俾我...
仲要我幫你地影？！
太過份喇！
我受夠喇！
我一個轉身就走左上！
我急急腳咁行...急急腳咁行...
「阿儀！阿儀！」東日喺後面追上黎...
我無理咁多，繼續抵住頭咁急急腳咁行...
「阿儀！阿儀！」東日捉一捉住我手臂...
『你都係去照顧你D女Fans啦...』我抵住頭，忍住淚水...
「我話過今日全日係俾晒我女朋友架嘛～」東日捉實我對手...
『你都係搵返佢地啦...』我繼續忍住淚水...
「我有你一個就夠架喇～」東日情深深咁望住我...
『咁你又同第二個女仔去酒店？！』我終於都忍唔住...喊住咁爆出黎！
我成眼都係淚水，不停咁流到落下巴尖...
東日呆左咁望住我好一陣之後，笑左一笑：「哈哈～俾你發現左添～」
東日再喺個袋裏面摷一摷…摷左…一條...
「其實呢～我係偷偷地去左跟個女仔學織頸巾～我知你唔鍾意戴頸巾～但又怕凍～所以就織條溫暖牌俾你囉～」東日拎住條白色頸巾...
呢次到我呆左...
原來...原來東日佢...
「十五～十四～十三…」身邊既人倒數起上黎...
東日拖實我隻手：「黎黎黎～倒數先～十～九～八…」
我又捉實冬日隻手：『五～四～三～二～一～Merry Christmas～』
原來...原來東日為左我...偷偷地去學織頸巾俾我～
等我仲諗住佢係...
「傻妹黎架～喊到對眼都紅晒～」東日將條頸巾箍到我頸上，再幫我抹一抹淚痕～
東日織既頸巾…好細緻…仲靚過我地公司賣梗嗰D...
『丫～係丫～其實呢...我都...』我喺個袋道摷一摷，摷左條黑色頸巾出黎，『偷偷地學織頸巾俾你丫～』
我幫東日戴一戴上～
東日摸一摸我親手織既頸巾：「多謝你丫～不過點解好似...穿晒窿咁既？」
『人地第一次織咋！仲笑人...真係難過砌模型好多囉...』織得起都算係咁啦...
「嗯嗯～唔笑唔笑～我真係好鍾意呢～多謝女朋友～」東日攬住左我～
『多謝男朋友～』我又攬實東日～
我地喺海旁擁吻起黎～
傻頭傻腦既我，都仲係唔明白咩係太空船論～
不過對於“你都唔好咁無自信”？
其實...計我話...應該係...對身邊既人要多點信心呢～
Case 10 ｜ Close File