《情困之時，我遇上了自稱情性的情聖》: [Case 08－無法進入] PART 05
如是者，我同Catherine相遇返都過左兩年～
而呢兩年，我同Catherine既關係係點？
係情侶？係SP？
咁又唔係！！！
S咩P姐？！
呢個世界邊有咁多SP架？！
唔好講到Catherine咁濫先得架！
Catherine唔係一般女仔黎架！！！
咁即係情侶啦？
我...我都想...
之不過...又邊有咁理想丫？
我同Catherine喺呢一年來，係一直都有約出黎行下街～睇下戲～食下飯～
而且仲係會Keep住飲下酒～
其實都唔係飲下咁簡單...
係次次都飲到醉死...（多數都係Catherine醉死...我好少會醉到不醒人事...）
好多時都係我送佢返屋企...
好多時都係我照顧佢...
有陣時飲到成身都係酒氣，我仲會幫Catherine換下衫...抹下身...
嗱嗱嗱嗱嗱！你地唔好誤會呀！我無對Catherine做D曳曳野架！！！
我對Catherine係好規矩！規規矩矩架！
就算我幫Catherine除衫既時候，見到佢咩顏色咩款式既Bra同底褲都好，我都無起色心架！！！
就算係幫Catherine抹身，我都無摸到D重要部位架！！！
而且我都有同Catherine講返...
而Catherine佢都唔介意～
仲多謝我咁照顧佢添～
我真係出於純綷照顧之心！絕無半點色色之情！
係咯…或者就係因為絕無半點色色之情，所以我同Catherine好似無乜進展咁...
無乜進展...
唉...
究竟點樣先可以有進展呢？
呢段期間，除左話我有Keep住同Catherine聯絡之外，我都有留意佢既Facebook同Instagram～
留意下佢既生活～
留意下佢既近況～
留意下佢有無拖拍～
要關心一個人，明查暗訪是必須的！
而喺呢段期間，我留意到Catherine佢...佢係有唔少男性朋友圍住佢黎轉...
D相又成日都係同成班男性朋友去飲野...
而D男性朋友次次都唔同口面...
仲要成日都攬頭攬頸咁...
好似好親熱咁...
但就唔聽佢講過話有拖拍咁...
係咯…雖然話有咁多男仔圍住Catherine黎轉...
但就唔聽見佢話有拖拍喎...
應該話...我問親佢有拖拍未，佢都會答：「無丫～」
都差唔多成年有多喇...
呢年幾以來，每次問起Catherine有無拖拍，佢都只會答“無丫～”...
點解呢？
明明呢年幾都有好多男仔圍住Catherine轉架...
明明就應該有唔少人想溝Catherine架...
明明就算唔係想拍長拖，都會想拍散拖架...
明明就算唔係想拍散拖，都想搵Catherine黎做SP架...
點解就係唔聽見Catherine話佢自己有拖拍架呢？
可能Catherine眼角高掛～
可能Catherine玩到厭左掛～
可能Catherine想抖抖掛～
唔知呢～真係唔知～
有陣時，女仔既心真係幾難明...幾難估...
而佢問返起我之時，我都係答佢：『我都無丫～』
係咯…其實我都係無拖拍既...
以我呢D年初四咁既樣，又點會咁容易有拖拍丫？
其一啦...
其二就係...我都唔想去拍拖...
應該話...我都睇唔上其他女仔...
喺呢段期間，其實喺我身邊都出現過唔少女仔...
有D係同事...
有D係客…
有D對我都唔多唔少有D好感...
但我就...
我就神女有心，襄王無夢囉...
我唔係眼角高丫！我亦都唔係吊高黎賣呀！
D女仲要唔係豬扒黎架！
有幾個都真係幾得架！
斯斯文文既又有～
可可愛愛既又有～
波大大既都有添！
不過...我就係唔想開始...
點解會咁？
點解有女都唔食？
係男人都應該美女廚房，食左先講！
但我...我真係...
我真係仲好愛Catherine...
係丫…我真係好愛Catherine...
自我再遇返Catherine開始...我就知道...我真係仲好愛佢...
我總係睇唔上其他女仔...
就算其他女仔對我點好...
送到埋嘴邊都好...
我就係張不開口...
我就係食唔落...
我就係...只想可以...可以再同Catherine一齊...
我真係好想可以再同Catherine一齊...
之但係...就硬係好似搵唔到機會...搵唔到機會再喺埋一齊...
就算呢兩年我地越黎越Close...但就係唔可以再進一步...
點解會咁架呢？
點解硬係好似差緊D咁架呢？
究竟差緊D乜呢？
點解好似當想行近多一步，就遠多一步咁架呢？
我都唔知點解...
或者男女之間，就好似跳Cha Cha咁啦...
唉...
為左我同Catherine跳Cha Cha既動作可以快D停止，所以我喺上個星期就已經決定左今個聖誕要同Catherine一齊過！
好突然呢？
係丫～要打破僵局就係要突然D架啦！
殺對方一個措手不及丫嘛～
不過講開又講，呢兩年黎，我都未試過約Catherine一齊過唔同既節日...
唔知我咁突然約佢過聖誕...佢又肯唔肯呢？
唉！唔好諗咁多喇！幾大就幾大！燒賣就燒賣啦！
『喂～你而家清唔清醒架？』我一打去俾Catherine，第一時間就問佢清唔清醒先！
你知架啦，Catherine成日都醉到不醒人事咁...都唔知佢有無聽到既...
「好清醒丫～我仲未醉架～」Catherine好似好精神咁...
『係唔係真架？』你知架啦...D人越話自己清醒，就越係醉架喇嘛…
有邊個醉酒佬話自己醉先得架？
「真係好清醒丫～要我醉？邊有咁早喎～」Catherine得得戚戚咁講...
睇黎真係清醒喎...
『係喇係喇...我想問你...聖誕有無人約丫？有無街去丫？有無P開丫？得唔得閒丫？』咁就單刀直入啦！
「聖誕丫？做咩丫？想約我丫？」Catherine都好直接咁問返我...
『係丫～唔想又同班毒撚過咁Dry丫嘛～咪約你囉～』對唔住丫朋友們...
我知我係衰仔...
但你地都想我幸福脫毒架係唔係先？
「得我同你丫？」Catherine問一問...
『係丫～得我同你咋～』唔係唔俾面丫化...
「唔...」Catherine諗左一諗，「OK丫～」
『嗯～咁就約定你聖誕出黎架啦～』
「嗯～約定你聖誕啦～」
YES！得左！
我終於都可以喺D重要既日子同Catherine約會！
約會～期待已久既約會～
就喺今日～
就喺聖誕既今日～
終於俾我等到今日！
我一個人，企喺街上等下等下～
搖下搖下個身～
擺下擺下個人～
震下震下咁等～
今日都算幾凍～
難得今個聖誕都真係幾凍～
呢幾年既聖誕，總係好暖...
暖到好似...春天咁～
但就到春天呢，就好鬼死凍～
仲試過零度添～
天氣好反常...真係好反常...
難得今年既聖誕會凍～難得有一個冬天既聖誕～
今年聖誕...應該係一個美好聖誕～
繼續一邊震，一邊企喺西鐵站等～
見到好多情侶行過～
有D拖到實一實～有D攬到實一實～
聖誕節真係一個大放閃光彈既佳節呢～
早幾年無拖拍，同班毒撚過聖誕，真係好撚Dry！
睇住D情侶喺面前卿卿我我咁...真係好想衝埋去拆鳩散晒佢地！
好心啦！呢D節日就留返俾D毒撚啦！
你地呢D死情侶就返屋企啪啪啪啪啪啪啪啪啪啪啪好啦！
唔好出黎獻世啦！
真係好撚扯火！
不過今年就唔同喇～
今年再唔係同班毒撚過喇～
今年有女女陪我過聖誕喇～
雖然話唔係同女朋友過...
但就係同我最深愛既人一齊過～
我最深愛既人...Catherine...
「喂～咁早到丫～」當我回想起Catherine之時，一把嬌俏既聲音就喺我耳邊出現！
我望一望身邊：『黎左喇？Merry Christmas丫～』
「Merry Christmas丫～」Catherine笑得好甜～
我打量一下Catherine...
Catherine今日著上一件有帽既黑色毛毛外套...
下身係一條紅色既格仔短裙...
一對透透地既黑絲...
一對紅色雪靴...
『好靚呢...』Catherine真係好靚女呢...
「嗯？」Catherine碌大對眼仔望住我...
『哦！無無...你今日...好靚丫～』不自覺咁講左出口添...
「有幾丫～咪又係咁上下～」Catherine笑笑口，擰擰頭～
『哈哈...丫！係丫～我買左禮物俾你～』為免尷尬，我都係轉移一下話題...
我打一打開個大袋...
「嗯～我都有買到禮物俾你～」Catherine都打一打開個大袋...
我地同時拎出枝禮物～
我望一望Catherine手上...
Catherine又望一望我手上...
我地對望一下，同時講左句：「哈哈～乜咁橋既～」
我地兩個手上都拎住支Black Label～
真係…又會咁橋既～
「做咩丫？送支酒俾我～你想把我灌醉丫？」Catherine古古惑惑咁笑笑口，接過我支酒～
『我唔駛灌你，你成日都醉架啦～咁你又做乜送支酒俾我丫？』我又古古惑惑咁笑笑口，接過Catherine支酒～
「等我第時上你道都有酒飲丫嘛～」Catherine袋好我送既聖誕禮物～
『你喺我屋企醉左既話，我唔會送你返去架喎～』我亦都袋好Catherine送俾我既聖誕禮物～
「咁咪瞓你張床囉～」Catherine就向住閘口行過去～
『嘩～一齊瞓丫？』我亦都跟住Catherine行去閘口～
「你就想丫～你瞓地下啦～」Catherine古古惑惑咁笑笑口～
『我係主～你係客～點會要個主人瞓地下架？』我皺住眉頭擰擰頭～
「過門都係客～你點可以要個客人瞓地下架～」Catherine入一入閘～
『係喇係喇～你瞓我張床～我瞓地下喇～』我都入一入閘～
同Catherine行上扶手電梯，我都企喺Catherine身後～
我好自然咁望左落去Catherine對腳...
一對著上黑絲既美腿...
望一望住Catherine對美腿...好似...好似無乜點變過咁...
好似同中學既時候...同Catherine拍拖時候既佢...無乜點變過咁...
都係一樣咁幼...都係一樣咁修長...都係一樣咁有線條...
其實都唔單止係對腳...
其實...Catherine既身形...Catherine個樣...都無乜點變...
除左話染左一頭灰銀既秀髮...
除左話頸後紋左隻蝴蝶...
除左總係散發住Wild既氣息之外...
就好似...無乜點變過...
Wild既氣息...
無錯...
就連我都覺得...Catherine好似...Wild左...
遇返Catherine呢兩年...
喺呢兩年既相處之間...
的確係好唔同...
同初戀時候既Catherine好唔同...
初戀時候既Catherine...總係...怕怕羞羞咁...
總係會...收收埋埋咁...
好多時都係因為怕羞而唔敢表露自己既情感...
唔敢表達自己既意見...
仲經常只會點點頭...
我話乜...佢都會點點頭話好...
但而家既Catherine...
而家面前既Catherine...
總係好似...好似...
「喂～做乜眼甘甘咁望住人地對腳丫～鹹濕仔～」Catherine釁一釁隻腳仔...
我望住Catherine隻腳仔搖一搖...
『呀！唔係丫唔係丫！我唔係鹹濕丫！我...我只係諗梗你好似無乜點變姐...』仆街喇...被Catherine察覺到我鹹濕添...
「我無乜點變？」Catherine疑惑咁望一望我。
『嗯...你既身形同個樣都好似...同中學時既你無乜點變咁...』我再望清楚Catherine塊面...
Catherine個樣真係...好似初戀時既一樣...
最唔同既都係…一頭灰銀既秀髮...
「哈～係咩？咁係好事定壞事？」Catherine疑惑咁笑一笑…
『唔...我諗係好事掛～哈哈...』你咁問...我都唔知係好定壞...
始終...中學既時候...你有愛過我...亦有拋棄過我...
「但你好似...好似唔同左～」Catherine認真咁望住我...
『我...好似...唔同左？』我疑惑咁望一望Catherine...
我同Catherine就喺月台上四目相對...
望左好耐...好似望左好耐咁...
耐到好似...西鐵停駛左咁...
而且四周仲好似...好似無晒人咁...
好似...剩係得返我同Catherine咁...
只有我同Catherine...
全個世界就只有我同Catherine...
突然...
“呼”一聲響...
「列車即將駛入一號月台...」
靜止左既時空，再次運行…
「有車喇～」Catherine行近閘門兩步...
『嗯～』我都行前兩步...
我好似唔同左？
Catherine口中既唔同...係點樣唔同法呢？
係外在既唔同？
定抑或係內在既唔同呢？
唔同係好事？
定抑或係壞事呢？
入到車廂中，雖然話好多人，但好彩既係，我同Catherine都有位坐～
我同Catherine就坐定定，同一大班唔識既街外人，出去尖沙咀過聖誕～
「喂～你都幾搞笑架喎～」Catherine坐喺我身邊，撞一撞我。
『我？有乜咁搞笑丫？』我好搞笑咩？
邊道搞笑呢？
「約我去睇燈飾唔搞笑丫？」Catherine Keep住撞下撞下我...
撞下又撞下...撞下又撞下...
『聖誕緊係去睇燈飾架啦～』唔係幾時睇丫？
「聖誕唔係應該去飲野架咩？」Catherine笑一笑。
『飲野你時時都飲架啦～難得有燈飾睇下，緊係去睇下燈飾架啦～』平日仲飲唔夠咩～
「嗯...睇燈飾...都真係有好多年無睇過燈飾...」Catherine諗下諗下...又踢下踢下對腳仔...
一對著上黑絲既腳...
透透地既黑絲...
透透地既黑絲...
「喂～」Catherine古古惑惑咁笑一笑，望住我...
『下下...哦哦...係咯係咯...你都好多年無去睇過燈飾啦～起碼都有兩年啦～』呢兩年睇你個Facebook，聖誕都係去同人落老蘭飲野～
仲要係同成班仔去飲...
飲完又轉場...
轉完場又飲...
飲足成晚...
攬足成晚...
影足成晚...
喺咁Post相上Facebook...
「你又知？哦！你睇我個Facebook！都叫你唔好成日留意我咯～」Catherine合埋對眼，帶住微笑擰擰頭。
『我邊有成日留意你姐？係你洗板我都未出聲丫～』講就咁講姐...
事實上...我唔止係留意你...仲好在意你...
我真係好...擔心你呢...
一個女仔...成日都飲到咁醉...
成日都..同D唔識唔熟既男仔飲到咁醉...
真係好危險...
我唔想你有危險！
但我又唔知可以點...
始終...我都唔係你既邊個邊個...
我有乜資格...去管你咁多...
「嘩～勁多人囉～」Catherine一出港鐵，就彈下跳下咁～
『聖誕緊係多人架啦～』聖誕都唔多人既話，香港收得皮啦～
「黎黎黎～同我黎張自拍先～」Catherine喺件褸袋拎出手機...
蹬一蹬起對腳...攬一攬住我條頸...
我就尷尷尬尬又怕怕羞羞咁笑一笑…
「搞掂～Upload上Facebook先～今個聖誕有個傻佬話要同我去睇燈飾...」Catherine就拎住部手機撳撳撳...
『你咁樣Upload上去...我會唔會有日行行下街俾你D兵打到變豬頭都唔知發生咩事架？仲有丫！邊個係傻佬丫？』你知架啦...Catherine都唔少兵架嘛…
喺Catherine個Facebook入面，有成九千幾個Friends...
而有接近八千幾個，都係男性...
年齡介乎喺十六至六十歲...
真係老中青樣樣都有...
「邊道有兵姐～」Catherine仲係繼續喺部手機上撳撳撳撳撳...
『嘩…咁多仔都話無兵...你睇下你D Posts丫～你睇下你D相丫～閒閒地都有千幾個Likes～仲要個個都係男黎既！你睇下丫～你睇下丫～你一Post上去咋嘛～立即就有個叫...Simon Chan既男仔Like你張相喇～』我?住Catherine部電話...
屌你老母...十個Simon，九個西人，尤其係姓陳！
『你睇下你睇下～幾快有人留言添丫～睇睇寫乜先...做乜同條...柒頭睇燈飾？！我我我...』我屌你老母我邊撚道柒呀？！
你條仆街死MK就死MK啦！我屌你老母！
「哈哈哈～～～人地都係講下笑咋嘛～～～佢地個個都係咁架啦～喂～做乜咁認真？」Catherine古古惑惑咁望住我，笑一笑…
『我...我...我...我邊係認真姐～我先唔會同呢D死MK一般見識！』D死MK只係識呃蝦條架姐！
「哈哈哈～～～係喇係喇～～～佢地係死MK～佢地係死MK～」Catherine笑得好甜～
『佢...佢地？又有人留言喇？睇睇先...咩話？！仲話我係戇鳩仔？！懵撚？！死傻西？！我我我我...』我都仲未將“屌你老母”講出口...
「你唔係～你唔係～我地行啦～去影相丫～」Catherine就拉住我行...
同Catherine行下睇下～
「呢個呢個～」
又睇下影下～
「我要同聖誕老人影相～」
Catherine都好鍾意影相～
「影得我對腳要長D架～」Catherine伸長對腳仔～
『著黑絲本身就會顯得對腳長D架啦～』我望住芒入面既Catherine...
望住佢對黑絲美腿...
「咁你即係話我對腳本身唔夠長，要借黑絲黎PS啦？！」Catherine叉一叉住條纖腰，谷一谷起塊面豬登～
『唔係唔係～你對腳本身就好長～好修長添～』我望住芒入面...Catherine對修長美腿...流晒口水...
「嗯～嗯～丫～熊仔丫～我要同熊仔影～我要同熊仔影～」Catherine又跑去攬實隻白色熊仔，隻腳仲要剔一剔起...
好靚呢...Catherine真係好靚呢...
而家既Catherine...唔止係靚...仲好似...有返D童真...
好似…純品左…
純品左既Catherine...
「點丫點丫？影成點丫？」Catherine走到埋黎，拎一拎佢部喺我手上既電話～
『好長丫～你對腳好長丫～』我再偷偷望一望Catherine對黑絲美腿...
「長就係長喇...之不過...點解咁暗架呢？」Catherine冷眼望一望住我...
『咁背光丫嘛～』背光係暗D架啦～
「咁可以就架嘛～」Catherine再冷眼望一望住我...
『咁就左對腳就唔長架喇～』長腿先係重點丫嘛～
「咁你即係話我對腳本身唔夠長！要就出黎既？」Catherine叉一叉住條纖腰，谷一谷起塊面豬登...
『我...我...我...我緊係唔係咁既意思啦～就算對腳本身係長，但都要角度就一就架嘛～』其實Catherine對腳已經好靚架喇～
「唉～算啦～你呢D毒撚，平時一定無乜機會同女仔影相～無乜經驗既我唔怪你啦～Upload上Facebook先～個傻佬幫我影到鬼咁暗...」Catherine笑住口咁撳撳撳撳撳部電話...
『咩...咩...咩...咩我呢D毒撚無乜機會同女仔影相丫？我...我...我...我之前同D Ex成日影架！仲影埋啪啪啪啪啪啪啪啪啪啪啪啪照添呀！』
「你D Ex丫？幾耐之前丫？拍左幾耐丫？」
『三…四年前囉...拍...拍左幾個月囉...』
「哦～三、四年前咁耐之前丫？拍得嗰幾個月咋？」
『咩...咩...咩咁耐之前丫？你夠好耐都無拖拍咯...我...我...我幾個月都叫長啦～你嗰D幾個星期貨仔...一個月都唔到...』
「係喇係喇係喇毒男～」
『我唔係毒男丫！』
「毒男毒男毒男毒男毒男毒男毒男毒男毒男毒男～」