《情困之時，我遇上了自稱情性的情聖》: [Case 06－青梅竹馬] PART 13

同Kelly喺美國小鎮大街既小鎮廣場既市鎮會堂換取生日紀念徽章之後，喺迪士尼公園行下睇下～

Kelly一直都係翹住我～翹實我～

我隻手臂久唔久都會撞到Kelly既波皮...

有意又好，無意都好啦...總係會感覺到少女乳房既彈性...

雖然話都隔住左件大褸...又隔住左D衫同Bra...



但少女既乳房就係特別D...

個質感係獨特D...

總之男人一掂到，就好似觸電咁...咁有Feel...

不過對女仔黎講，又會係乜野感覺架呢？

女仔俾男仔掂到個胸...又會有乜反應架呢？



係唔係其實都無乜特別架呢？

係唔係其實只係好似掂到手手腳腳咁架咋？

點解Kelly俾我掂左咁耐...撞到咁多次...碰左咁多下...都好似好平常咁架呢？

係囉...由細到大...由Kelly無波到有微波...我都經常有意無意咁掂到佢對乳房...

不過一直以黎，又唔見Kelly有乜反感咋喎...



應該話好似好平常咁...

Kelly唔係平時都有俾男仔掂到D重要部位掛？

Kelly唔係真係咁唔識得保護自己丫化？

所以話呢...Kelly咁大個人...都係要人咁擔心架...

俾Kelly翹住黎行，圍住成個迪士尼行左一圈之後...

「好喇～～～去玩機動遊戲喇～～～」Kelly就夾住我手臂搖下搖下...

我隻手臂就掃下掃下Kelly個波皮...

『嗯嗯...去玩機動遊戲...』Kelly個小饅頭...好有彈性呢...



講開又講，同Kelly黎迪士尼玩，佢都會有一個習慣～

就係習慣先行左一圈，再去玩～

而玩既野都有先後次序架喎～

Kelly係鍾意玩D輕鬆D～無咁刺激既先～

應該話Kelly一定要以呢個方式去玩先掂～

唔係既話，Kelly係會驚到喊～

真係架～Kelly真係會驚到喊架～



而且呢樣特性又唔係好多人知～

應該就係得我...仲有我地既家人先知～

Kelly真係試過有一次同姊妹團黎迪士尼玩～

班姊妹又唔知Kelly有呢種特性，一黎到就話要玩過山車～

Kelly又唔好意思反對...結果...

結果玩完個飛越太空山之後，Kelly就喺門口喊起上黎...

自此就算係Kelly話要同姊妹團去迪士尼，我都會跟埋佢去～

黎到我都會主動要求圍住成個迪士尼行一圈，再由最輕鬆既迷離大宅開始玩起～～～



班好姊妹緊係唔知點解啦～

但係Kelly又會唔會Get到...我做咁多野...都係為左佢架呢？

同Kelly行到黎迷離莊園，見到迷離大宅都唔係有好多人排隊～

「真係好喇～～～無乜人咋～～～應該等一轉就到我地喇～～～」Kelly好開心咁攬實我隻手臂彈下彈下...

壓扁晒...Kelly個小饅頭...俾我隻手臂...壓到扁晒...

好柔軟...好有彈性呢...

『嗯嗯...真係好...真係好...』保持冷靜...保持冷靜...



唔可以俾Kelly察覺到我有異樣...

唔可以俾Kelly察覺到我有D尷尬...

唔可似俾Kelly察覺到我已經扯扯地！

絕對唔可以...必定唔可以！

同Kelly一齊排，一齊等。

Kelly都顯得好開心又好興奮又好期待咁～

Kelly每次黎到迪士尼，都係咁有童真～

係唔係個個女仔都係咁架呢？

無論係乜野年紀，一黎到迪士尼就會變左個小妹妹架呢？

或者真係～

或者迪士尼就係有呢種魔力～

總係會令女仔回復童真既魔力～

排左唔駛五分鐘，就輪到我地～

陪住Kelly身邊，坐喺Kelly身旁，一直都係～一直都係～

任何時候都係～任何情況都係～

陪住Kelly身旁玩迷離大宅～

陪住Kelly行去幻想世界玩小飛象旋轉世界～

玩完小飛象旋轉世界之後，又陪住Kelly行去明日世界玩太空飛碟～

當然就唔少得要幸會一下Kelly最鍾意既史迪仔啦...

我望住隻藍色怪物...

「哈哈哈～～～史迪仔真係好得意呀～～～」Kelly就捉住我手臂搖下搖下...

唔得意…一D都唔得意…

「哈哈哈～～～史迪仔真係好可愛呀～～～」Kelly又捉住我手臂搖下搖下...

唔可愛...一D都唔可愛...

「哈哈哈～～～史迪仔真係好似你呀～～～」Kelly繼續捉住我手臂搖下搖下...

真心唔知隻藍色怪物邊忽似我...

史迪仔咁鬼樣衰！

唉...不過算啦...鬼叫Kelly佢D口味咁獨特...咁重咩...

佢話得意…佢話可愛...佢鍾意就好啦～～～

同Kelly一齊與外星實驗生物626進行親密接觸，作左好幾次愉快既現場跨星際對話...

係丫…Kelly話要玩多幾次...話要同隻飛斯接觸多D喎...

「我真係好鍾意史迪仔丫～～～」Kelly甜絲絲咁攬住我隻手臂...

又壓扁左...又壓到Kelly個小饅頭都扁晒...

『嗯...咁你應該好鍾意屯門史迪仔...』Kelly個小饅頭...好好Feel丫...

「點同丫...佢好樣衰囉好唔好？！」Kelly立即谷起塊面豬登，扮晒嬲嬲豬咁～

Kelly扮嬲個樣都真係好鬼死得意～

「佢只係孭住個史迪仔包包扮女人咋嘛！影衰晒史迪仔丫！」Kelly谷到塊面紅晒～

『哈哈哈～咁你又唔好咁話人～人地都有人地既自由既～』雖然我都唔係好識欣賞屯門史迪仔...

「咁係丫嘛～史迪仔咁可愛～」Kelly眼甘甘咁望左我一眼，再望返上綁喺手腕上，喺頭頂上飄下飄下既史迪仔氣球～

『嗯...可愛...』可愛...

望下望下...又好似真係順眼左好多...

好似又真係...幾可愛...

俾Kelly講下講下...講到我都覺得史迪仔都真係幾…幾可愛既...

扮起傻既時候，都真係幾得意...

而且仲...幾好笑添...

之不過...真係似我咩？

唔...

同Kelly玩左差唔多成個朝早～

「肚仔餓喇～肚仔餓喇～不如去食野先咯～」Kelly翹實我隻手臂搖下搖下...

又壓左埋去...

我隻手臂又壓左埋去Kelly個小饅頭道...

『嗯嗯...好丫好丫...我都已經Book左翠樂庭餐廳...我地而家行去就差唔多…』保持冷靜...

唔可以有太大異樣...

唔可以俾Kelly察覺到我又諗衰野...

「喂～你做乜心跳咁快架？」Kelly古古惑惑咁望住我...

『無丫…無丫…邊有丫...』我望住一對精靈既大眼睛...

死喇..俾Kelly察覺到我心跳加速添...

死喇死喇...俾Kelly知我有D緊張添...

死喇死喇死喇...實俾Kelly估到我係因為佢既小饅頭先會咁緊張...咁興奮...

死喇死喇死喇死喇...我應該要點樣同Kelly解釋好呢？！

「玩左一陣就爆心跳喇？咁弱架你～～～」Kelly指住我恥笑一下...

『係囉...係囉...玩左一陣就爆心跳喇...真係唔夠你玩...』呼...好彩姐...

好彩Kelly只係以為我玩到爆心跳姐...

好彩Kelly察覺唔到我係因為我隻手臂壓左埋去佢個小饅頭道感到興奮而心跳加速姐...

好彩姐...好彩姐...

「好弱架～好弱架～咁好啦～我地慢慢行去食野啦～等你心跳唔好咁快啦～」Kelly就翹住我黎行...

『哦...好丫好丫...你對我真係好喇...』唔好諗咁多喇...

唔好再亂諗野喇...

冷靜D...正經D...

Kelly就繼續翹住我...我地兩個就如一對小情侶咁...慢步行去翠樂庭餐廳...

當我同Kelly入到去翠樂庭餐廳，坐定定之後...

『你坐陣先～我幫你拎野食～』我就扮晒成個紳士咁，服侍Kelly～

「嗯～」Kelly都好甜咁笑一笑，點點頭～

其實每一年，我地都會Book翠樂庭餐廳同Kelly食自助餐～

兩家人一齊喺道食野～

都幾熱鬧架～

不過今年就有D唔同...

今年係只有我同Kelly...兩個人黎撐檯腳～

嗯...

只有我同Kelly兩個人黎撐檯腳...

我要好好服侍Kelly先得！

我喺間餐廳行左一圈...

拎齊晒Kelly鍾意食既野～

「嘩～～～全部都係我最鍾意食既野丫～～～」當我將碟載有牛肉、羊肉、刺身等等既碟放到Kelly面前之時，Kelly好開心咁拍拍雙手～

『嗯嗯～慢慢食～食完我再幫你出去拎～』我都坐定定，欣賞住Kelly...

「嗯嗯～咁我唔客氣喇～」Kelly就開始開餐～

一邊欣賞住Kelly既食姿，一邊食野，真係一種享受～

可以陪伴住深愛既人食野，又可以望住佢食野，呢種感覺...好幸福...

而且仲...我地仲有過咁多時間...咁漫長既時光...一齊共進早、午、晚餐...

而家諗一諗...好似浪費左...

好似浪費左好多光陰...

好似浪費左好多...好多好多可以更幸福既光陰...

假如我同Kelly...早多一年...兩年...五年...甚至十年前就一齊既話...會唔會更加幸福呢？

我地好似經常喺有意無意...不知不覺之間...錯過左好多好多…

好似從來都...無好好把握過...

總係會怕呢樣...怕嗰樣...

總係唔敢...又唔肯面對自己個心...

面對自己最真既一面...

明明就有好多機會...喺最佳既位置...最合適既時間...最美好既天氣...但偏偏就係要錯過左先黎後悔...

點解會咁呢？點解要咁呢？

點解愛情故事總係有咁多波折既呢？

點解一定係驚濤駭浪既愛情故事，先令人刻骨銘心呢？

點解唔可以順順利利呢？

點解要有咁多Sad End呢？

電影都做到爛...

西遊記都重播過好幾百萬次...

“曾經有一段真摯的愛情擺在我眼前，我沒有去珍惜，等到失去了才後悔莫及，塵世間最痛苦的事莫過於此，如果上天能給我一個再來一次的機會，我希望能對那個女孩說我愛你，如果非要給這愛加一個期限的話，我希望是一萬年。”

唉...

呢段台詞...真係睇幾多次都係咁Sad...

而去到邊一個年代...都係咁適用...

唉...

希望我唔會係周星馳啦...

「呀～～～史迪仔丫～～～」Kelly咬住舊三文魚刺身指向我後面...

我回頭望一望：『係喎～』

一隻藍色外星實驗生物就彈下跳下咁彈過黎我地呢邊～

「史迪仔～史迪仔～」當史迪仔彈到過黎Kelly身邊之時，Kelly就攬實左隻史迪仔...

史迪仔又攬到Kelly實一實...

喂喂喂！咪攬到咁實啦...人扮架咋...

喂喂喂！你隻人扮既史迪仔唔好攬得Kelly咁實好喎！係唔係想抽水呀仆街？！

「我想合照～我想合照～」Kelly攬住隻史迪仔扭下扭下咁...

史迪仔好似好High咁點點頭...

「好野～幫我同史迪仔合照～幫我同史迪仔合照～」Kelly已經攬住隻史迪仔望住我...

『哦哦...』我就由褲袋拎部手機出黎...

“咔嚓 咔嚓咔嚓咔嚓咔嚓咔嚓”幫Kelly同史迪仔影相...

Kelly好開心咁擺左好多唔同既姿勢...

仲要笑得好甜...好美...

「多謝晒你丫史迪仔～拜拜喇～」幫Kelly同史迪仔影左幾張合照，又連同我同埋佢地...兩人加一隻外星實驗生物合照左幾張之後，Kelly就同史迪仔揮揮手Say拜...

史迪仔同Kelly揮揮手後，就行左去第二道...

「好開心丫～又會咁好彩喺道見到史迪仔既～」Kelly仲係望住史迪仔既背影～

『係囉～因為你今日生日丫嘛～係好運D既～』我就眼定定望住眼前既Kelly～

Kelly笑得好甜呢～

「嗯嗯～生日真係好運D～俾部電話我睇～睇下你影得靚唔靚～」Kelly向我伸出雙手～

『緊係靚啦～我影架喎～』我就交部電話俾Kelly～

其實...呢個世界...邊有咁多咁岩得咁橋丫...

其實...係我預先安排架～

早喺上個星期，打電話黎Book位之時，我已經問過可唔可以喺我地黎到之後，安排一隻史迪仔黎同我地影相～

當個服務員聽到我話當日喺Kelly生日之後，就幫我安排好喺差唔多時間就叫隻史迪仔彈入黎～

一切都喺我既安排之內～

只係...估唔到隻史迪仔咁狠死...攬到Kelly咁鬼實姐！

如果我早知隻史迪仔係咁鹹濕既話，我就唔安排好過喇！

「嗯～影得唔錯～算你啦～」Kelly甜絲絲咁望住個芒...

『咩唔錯丫？係好好丫～』

「係喇係喇～好好喇得未～」

同Kelly食左兩個鐘既自助餐之後...

再同Kelly散左一陣間步...

都差唔多有巡遊睇喇～

Kelly就緊係好心急咁，走定去霸返個頭位先啦～

Kelly翹實我，彈下彈下咁～

巡遊開始之時，Kelly都一直留意史迪仔喺邊～

當史迪仔喺Kelly面前行過...

「史迪仔丫～史迪仔丫～HI～～～」Kelly好雀躍咁彈下彈下同史迪仔揮手～

史迪仔都向住我地彈彈跳跳咁同我地Say Hi～

望住身邊既Kelly...真係咁多年都好似無變過咁～

都仲係咁天真～都仲係咁可愛～都仲係咁細路女～

係咯…都咁大個人喇...仲成個細路女咁～

不過有陣時...女仔似返個細路女咁...又真係幾得意...幾吸引既～

童真丫嘛～

無機心丫嘛～

唔似得而家D死港女乜都話要錢錢錢錢錢...

讀咩科...做邊行...搵幾多…住邊頭…居屋定私樓...

好彩既係…我身邊既Kelly絕對唔係呢D死港女～

佢最多都係…有時會粗魯D～有時會傻更更D～有時大頭蝦D姐～

同Kelly睇完巡遊～又行下食下～食下玩下咁～

不知不覺原來都已經天黑...

「喂喂～係唔係食左野先睇煙花丫？不過我而家仲有D飽飽地喎...」Kelly搖下搖下我隻手臂，谷一谷起塊面豬登...

『唔係唔係～今次我地睇完煙花先～之後返去我親自下廚～』我拍一拍自己個胸口～

「哦？你親自下廚？得唔得架？會唔會食死人架？咁多年黎...都未聽過話你識煮野食既...」Kelly諗下諗下咁...好似對我好無信心咁...

『咩唔得呀？！都不知幾得呀！』我練左好多次架喇！

「唔...好啦～信住你先啦～咁我地再行下～買下野～就睇煙花啦～」Kelly繼續翹住我黎行～

呢個Kelly丫...成日睇小我...

我要喺今日之後...令你另眼相看！

同Kelly行多一陣～再買多一陣野～我已經成手都係野～

Kelly要買起野上黎...真係阻止唔到佢...

不過都無所謂啦～只要佢開心就得啦～

我左手一大袋...右手一大袋...俾Kelly翹住去霸返個靚位睇煙花～

“啪 啪 啪 啪 啪 啪 啪 啪”

「好靚丫～」五光十色既煙花就喺我地眼前閃亮～

『真係好靚呢～』有人話過...睇煙花一定係要同深愛既人睇～

好慶幸我睇過咁多次煙花，都有Kelly喺身邊陪伴～

每次都係Kelly翹住我...

每次都係Kelly最貼近我...

每次都係同Kelly一齊幸幸福福咁睇住D煙花升上半空...睇住佢爆～

好光～好亮～好溫暖～

唔知喺我身邊既Kelly...又會唔會同我一樣有咁既感覺呢？

「話時話...今年係第一年得我同你一齊過生日咋喎～」睇完煙花後，Kelly就翹住我，向住出口方向行過去。

『嗯...咁...你今日開唔開心丫？』我打量一下Kelly...

「唔...開心丫～好開心～今日真係玩得好開心～」Kelly甜絲絲咁笑一笑～

『嗯～最緊要就係你開心～』我望一望住Kelly...望住佢甜美既笑容...

Kelly搖下搖下隻手，手腕上既史迪仔氣球就擺下擺～

喺夜晚既迪士尼街道上行...同Kelly慢慢行...

Kelly今日玩得好開心...

唔知等等返去到...會唔會更加驚喜呢？

當Kelly見到佢間房...我為佢精心佈置既房間...

向Kelly示愛...

唔知Kelly又會唔會...接受我呢？

講起上黎...開始有D緊張...

而家先黎緊張...

行到入地鐵站緊張...坐地鐵好緊張...

無錯喇...越係接近屋企...就越緊張...

唔好咁緊張...要自然D...要自然D先容易成功架嘛！

我一路嘗試放鬆心情...放鬆心情咁上樓...放鬆心情咁入到Kelly屋企...

仲係好緊張...好鬼緊張...

「放D野入房先啦～」Kelly翹住我入佢間閨房...

好緊張...對腳好重丫...好重呀！

我一步一步...被Kelly拉到埋去佢間閨房...拉到埋去房門前...

Kelly呆左咁...望入去...

Kelly好驚訝咁...望住隻生日熊...望住D玫瑰...

呢個時候...我好自然咁放低手上既野...好自然咁行去隻生日熊道...拎起束九十九支紅玫瑰...行返埋Kelly面前...

『Kelly…其實我...我一直都好鍾意你...之前成日話“我鍾意陽光型運動型性感型開朗型活潑型總之唔係張嘉靖個臭八婆型”都係假既...我真係...真係好愛你...我可唔可以...』我都仲未將“做你男朋友”講出口...

「等等先！我今朝明明收左D內衣褲放左喺床上...而家就變左個大心心...哦！你！」我都唔等Kelly講落去...

『我無丫～我無丫～我好正經咁幫你收返入櫃咋！！！』我好緊張咁解釋！

「真係既？唔...好喇...信住你先啦...」Kelly半信半疑咁望住我...

『咁我可唔以...』我又再一次未將“做你男朋友”講出口...

「蛋膠呢？」又俾Kelly打斷左...

『蛋...膠...』仆街喇...乜柒都準備好，就係唔記得買蛋膠添！

「生日都無蛋膠...你叫我點應承你喎...」Kelly谷一谷起塊面豬登...

『呃...』咁...咁又係...

「仲呃喎…咁喇…你而家同我去買返個天使蛋膠返黎...我就...我就同你一齊啦～」Kelly甜絲絲咁笑一笑…

『好...好好！你等我！我立即出去買！』我一交束玫瑰俾Kelly之後，一支箭咁衝出門口！

只要買到個天使蛋膠...只要買到個天使蛋膠就可以同Kelly一齊！

呢件看似好容易既事，我落到樓先知有幾難...

因為...我行過咁多間餅店...都已經閂晒門！

太夜喇...而家太夜喇！

D餅店都閂晒門喇！

咁我點買天使蛋膠返去俾Kelly呀？！

唉...都係怪我自己衰粗心...

竟然漏左最重要嗰樣...

唉...

正當我灰晒心咁喺條街上行下行下...再搵下搵下之時...

我見到有間餅店未閂門！

我就懷住希望衝入去，問個店員姐姐：『請問...請問有無天使蛋膠丫...』

個店員姐姐俾我嚇左一嚇...再笑一笑咁答：「對唔住丫...最後一個天使...蛋膠俾岩岩對情侶買左...」

『岩岩對情侶？』邊有咁岩架...CCTVB咩？！

「係丫…岩岩先拎走左咋嘛…個女仔仲要係坐輪椅既...」我無等店員姐姐講完...

『唔該晒！』就一支箭咁跑出去！

一對情侶...個女仔仲要係坐輪椅...坐輪椅既...

我一跑到去轉角，就見到有個男仔推住架輪椅...

輪椅上坐左個女仔...

『先生...小姐...等等！』我立即跑上前！

「哦？」個男仔同坐喺輪椅上既女仔都擰轉頭，望一望我...

『先生...小姐...可唔可以...可唔可以讓個蛋膠...蛋糕俾我...』我望住個女仔手上盒天使蛋膠...

「呃...呢個蛋糕...係用黎慶祝我同女朋友拍拖一週年紀念架喎...」個男仔摸一摸個頭...

『唔該你地啦...唔該你地做下好心讓個蛋糕俾我啦...我可唔可以同深愛既人一齊...就睇呢個蛋糕架喇...求下你地啦...』我上氣唔接下氣咁...

「呃...之但係...」個男仔仲未講完...

「嗯～咁你拎去啦～」坐喺輪椅上既女仔就遞左盒蛋糕俾我！

『多…多謝你丫...多謝你丫！』我連忙點頭道謝！

「唔駛客氣～我都想成人之美丫嘛～我會叫佢親手整個俾我架喇～」個女仔向我打左個眼色...再指一指住佢身後既男朋友...

「親…親手？咁夜仲邊道有材料丫？」個男仔面有難色...

「我唔理～我唔理～你舖頭應該有架！」個女仔谷一谷起塊面豬登，抬頭望住個男仔～

「呃...七仔那有麵粉呢...」個男仔有D頭痕咁...

「我唔理～我唔理～我唔理～我唔理～我唔理～我唔理～」個女仔谷起塊面豬登擰擰頭～

「呃...好啦好啦～我聽晒你話～」個男仔就摸一摸個女仔D秀髮～

「嗯～咁我地都祝你...成功抱得美人歸～」

『多謝你地～你地真係大好人～』

同呢一對戀人揮過手，道過別，我就攬實盒天使蛋膠，立即狗衝上Kelly屋企！

『嗄…嗄...有蛋膠喇...仲要係天使蛋膠丫...』Kelly一打開門，我就遞盒蛋膠俾佢睇...

「哈～你真係丫～又估唔到真係俾你搵到～」Kelly甜絲絲咁接過盒蛋膠...

『咁...咁...』咁即係...

「唔...見到咁有我心...好啦～就同你一齊啦～」Kelly靠一靠近...輕輕錫一錫我面頰...

Kelly同我...一齊...

我終於都可以同Kelly...一齊...

咁多年…過左咁多年...

原來...只要“係鍾意人就上啦仆街”就可以同深愛既人一齊...

我終於都同Kelly開始了...

「不過都係要定返個試用期先！唔...就一個月啦～一個月內，你既表現OK既話，先可以正式對外公佈...我同你拍拖架～」

『下...仲要一個月試用丫？』

「咁係唔係唔想丫？」

『唔係…唔係…好想…好想～』

「咁仲唔快D去煮野食俾我食？好肚餓喇～」

『係係～立即去～』

「食完野之後，你要幫我執返好晒我間房呀！搞成咁...你叫我今晚點瞓？」

『無問題～無問題～我執～我執～咁今晚...執完房...我可唔可以...』

「咦～鹹濕～鹹濕喔～」

Case 06 ｜ Close File