《情困之時，我遇上了自稱情性的情聖》: [Case 05－已讀不回] PART 12
「我咁著好唔好睇丫？」Nikki著上件白色貼身V領衫，下面只係著住條白色底褲，喺我面前轉一轉身...
『好睇...好睇...』我就仍然坐喺張皮凳仔上，欣賞住Nikki試衫...
「咁呢條裙呢？」Nikki換上一條黑色貼身長褲，上面只係戴住個白色Bra，喺我面前擺下擺下...
『好睇...好睇...』我就呆呆滯滯咁點點頭...
欣賞住Nikki試衫唔係話好悶...仲係一種好好既享受添...
之不過...我就硬係覺得好似怪怪地咁囉...
唔敢喺Nikki面前流露出喜悅之情囉...
因為我會覺得如果我而家面上有喜悅之情既話，Nikki應該會覺得好猥瑣囉...
我唔想再俾Nikki誤以為我係一個鹹濕佬囉...（頭先睇Nikki自慰睇到扯晒旗仲喺佢面前拎出黎丁丁都差D射埋都叫誤以為？！）
繼續欣賞住Nikki試衫...
一件又一件…一條又一條...換上換落...換上換落...
我就係唔明，點解Nikk除左試連身裙之外，次次唔係上身只戴住個Bra，就係下身只著住條底褲...
點解唔成Set咁試呢？
唉～算啦～都係唔好理咁多～
反正咁樣既，得閒又可以睇下Nikki對豐乳，得閒又可以睇下Nikki條底褲，仲有美腿睇添～
做男人既，又有幾何可以咁樣欣賞住女仔試衫丫～
你女朋友都會嫌你太變態啦～
我都係唔好諗咁多，繼續欣賞住Nikki試衫～一件一件～一條一條咁試～
「你都好似幾鍾意睇女仔試衫喎～」當Nikki試過最後一條連身裙之後，就著返自己D衫。
『下...呃...OK咁啦...』唔通我係咁變態又話你知咩...
「咁我多D黎搵你買衫～俾你睇多D喇～」Nikki向我打左個眼色之後，開門出返去...
下...唔駛咁多謝喇掛...
「搞...試完喇？」一出到去姐，阿儀就陰陰嘴咁笑住問...
「嗯～搞完喇～」Nikki又輕輕淫笑住咁講...
無丫無丫～我地邊有搞到姐...
「呢道呢D我全部都要晒～」同Nikki行到埋Counter道...
我就自動自覺咁拎出銀包...
睇左咁耐真人Show，唔駛Pay咩？
Nikki撳一撳住我隻手：「我都無諗過要你俾～」
下下？呢個世界真係有3Lunch架咩？！
「我就係要你個員工折就得喇～～～」Nikki向我打左個眼色...
下下下？真係連戲飛錢都唔駛俾咁好？！
「多謝晒～」阿儀幫Nikki入好晒D貨品後...
「拜拜喇靚靚姐姐～拜拜喇Timothy～丫！係丫～你放左工之後得唔得閒丫？一齊食糖水好嘛～」Nikki拉住我隻搖下搖下...
『我...我收好夜架喎...』雖然話禮貌上都要請Nikki食返餐...但太夜又唔係咁好意思...
「我就係知你會收得夜先叫你食糖水咋嘛～」Nikki又向我打左個眼色...
『哦...你唔怕太夜我都好樂意...』我都好樂意同Nikki...食下糖水既...（只係食下糖水咁簡單？！）
「嗯～咁你放左工就Whatsapp我啦～拜～」Nikki揮一揮手，轉身步出門外...
我望住Nikki既背影...越行越遠...越行越遠...直至消失於眼內...
放工Whatsapp Nikki…
唔...
「等我睇下有無射到周圍都係先～～～」阿儀一個箭步就衝到入去試身室入面...
『我都無射到！』我都無射到...我頭先都無射到出黎...
頭先既我...唔係單單因為怕射到周圍都係，又或者怕好大陣精味...
頭先望住Nikki黎丁...丁到就黎要射精之時...我腦裏面...突然閃出珮琳既面容...
無錯喇...我係諗起珮琳...所以唔想射出黎...
唔記得喺邊道睇過一個才子講過，話男人一生就只有一公升精液...射晒就無...
所以如果當你遇上最愛既女人之後，你就唔好再打咁多丁...唔好浪費自己D精...（咁喺未遇上之前呢？係唔係可以喪打喪射？！）
要留返俾你最深愛既女人...最值得珍惜既女人...
初初睇到既時候，我當堂嚇左一跳！然後就得啖笑～
但而家諗深一層...又唔係無道理既...
對女仔黎講，你好愛嗰個男人，先會想俾佢條巨棒進入你體內...
用陰道裏面既愛液，滋潤嗰條又粗又長又大又黑既陰莖...
好讓又粗又長又大又黑既陰莖，喺你狹窄而幼嫩既陰道裏自由奔放地進進出出...
試問一個女仔可以為你流出咁多寶貴既淫水，你又點能夠浪費你有限既精液喺D唔識既女優、無生命既丁圖、不設實際既FF、有性無愛既Player、為錢出賣肉體既援交妹身上呢？
嘩～呢一刻既我，真係好似聖人一樣～（講到～）
下一秒，我又係唔係真係可以咁正氣凜然呢？
「扮咩野丫你～我頭先喺出面聽到你地喺入面有D奇怪既叫聲架～」阿儀喺個試身室裏面四周摷...
『邊有姐？佢問我佢著得好唔好睇咋嘛！我咪“嗯嗯...哦哦...”咁樣答囉！』我拉下拉下阿儀隻手，嘗試拉返佢出去...
「係咩係咩？我仲好似聽到佢叫你插佢架喎～」阿儀Fing一Fing開我，繼續喺個試身室裏面摷下摷下...
『痴線啦！邊有姐？』Nikki邊有叫我插佢姐...係叫我丁佢同射出黎咋嘛…
「係咩係咩？嘩！仲唔俾我搵到？呢條咩毛黎架？」
『咩毛呀？頭髮黎架！』
「咁孿都叫頭髮？！明明就係D奇怪既體毛黎架喇！係你定佢既？」
『唔係呢...唔係呢...』
「肯定係！肯定係！」
阿儀喺個試身室入面地毯式搜索左一陣，我地都出返黎做野。
『Welcome To 5CM～』工作...
「下次再黎睇過～」好唔專心咁工作...
『Welcome To 5CM～』諗住Nikki咁工作...
「下次再黎睇過～」諗到放埋工，我都係諗唔通...
諗唔通Nikki呢個?妹仔想點？
係唔係只係想玩下？
搵個男人黎玩下？
乜我個樣好似好好玩咩？
點解唔搵D好玩D架呢？
點睇我都唔係最好玩嗰種MK仔啦...
過多幾年都變叔叔啦...
乜而家D?妹仔鍾意同D叔叔玩架咩？
叔叔又有乜咁好玩呢？
唉～唔撚明...真係唔撚明～
「喂～等等同個?妹仔玩得開心D喇喎～」等阿儀放工執埋D野，仲要俾佢恥笑我...
『玩？玩乜鬼丫玩？玩手指丫？』我覺得我係俾人玩多囉...
「玩咩都好啦～有得玩唔通唔玩咩？」阿儀拍一拍我背脊...
『痴線啦...唔係你諗到咁架...』唔好亂諗野好唔好...
「諗咩野丫？想諗D咩野丫？個?妹都咁主動咯～仲可以亂諗D乜呀又～～～」阿儀拎起個袋仔行出店舖...
『主咩動丫？我地真係純粹朋友黎咋...』我拉一拉埋道閘...鎖埋門...
「係咩係咩？純粹砲友咋嘛？」阿儀仲要樣衰衰咁淫笑...
『唔好講得咁難聽好唔好...』我唔係D呃蝦條既死MK囉...
「扮咩正義撚姐？男歡女愛實熟正常事～你又唔駛咁抗拒既～」阿儀搭一搭住我肩頭...
『男咩歡女咩愛姐？我有珮琳架喇！』我唔係D咁隨便既人囉OK？！
「你搵到人喇咩？」
『未喎～』
「佢搵返你喇咩？」
『都未喎～』
「咁咪收得皮囉～都咁耐啦～人地都無睬過你～好明顯就係不辭而別～逃避式分手啦～你唔係咁笨實仲Get唔到丫嘛？」阿儀拍一拍我肩頭...
『邊係呢...唔好亂講啦...珮琳唔係咁無擔帶架...』珮琳唔係咁...珮琳唔係咁架...
「你唔係話佢久唔久都會玩失蹤架咩？」阿儀冷眼望一望我...
『係…係就係久唔久都會失蹤下既...』當我地每次鬧交之時...
「咁既女仔...有擔帶極都有限啦～」阿儀合埋對眼擰擰頭...
咁...咁...咁咁咁咁咁咁咁咁咁咁咁咁...
「好喇～我行嗰邊搭車喇～記得買套丫～拜～」阿儀背住我揮揮手...
無啦啦買乜春套丫又...痴線...
喺褲袋拎出手機，打一打開Whatsapp...
係唔係真係搵Nikki食糖水呢？
俾阿儀講一講...我又有少少心動...驚驚地先岩！
驚乜鬼姐？食個糖水姐...又唔係要做乜野...
唔好俾阿儀誤導左先得架！
我快快手手喺個Whatsapp道撳撳撳撳撳...“我放工喇”
唔駛幾秒...
*噹*一聲響，Nikki Send左段錄音過黎...
「嗯～半個鐘你返唔返到黎？」Nikki把聲好似瞓左喺床上咁...
“OK既”
*噹*一聲響，Nikki又Send左段錄音過黎...
「咁半個鐘後我樓下等啦～」Nikki把聲幾時都係咁淫...
“OK 半個鐘後見”
半個鐘後？緊係無咁快啦～
由荃灣入屯門，有車都要三十五分鐘～仲要行過去...最快都四十分鐘～
而我，當然唔會咁蠢話要四十分鐘先返到啦～
因為我知道，Nikki一定會遲～仲要遲好多添...
好難得咁順利咁一去到巴士站就有車～
好難得屯門公路咁順暢～
好難得我真係三十九分鐘就去到Nikki屋企樓下～
我一個人戇鳩鳩食住西北風咁等～
一等就等左十五分鐘...
真係食風都食到飽...
「Sorry～Sorry～換衫換耐左～」等多五分鐘之後，Nikki從後攬一攬住我...
『唔緊要～都係等左一陣姐～』雖然話Nikki著左件大褸，但我背脊都感覺到佢胸前一對豐乳...
又令我諗返起今日下午...同Nikki喺試身室入面...
「嗯～咁跟我黎喇～我帶你去食好野啦～」Nikki就拉住我行...
被Nikki拉住行，喺漆黑既街上，喺北風吹送下...
行左一陣，就黎到間糖水舖～
「呢間野小儀都有介紹過架～」Nikki一坐低，就指一指牆上張相～
『係喎～真係小儀黎架喎～』其實呢間野，我之前不時都會同珮琳黎食下...
不過見Nikki咁興奮咁，我又唔忍心潑佢冷水～
「D甜品真係好好味架～～～叫野食先～叫野食先～唔該～～～」Nikki就好似入左去糖果屋既小女孩，咁天真爛漫～
而家眼前既Nikki...好似無左種...無左嗰種...淫邪...
而事實上...Nikki都無再講D乜衰野去挑逗我...
「你返工會唔會好辛苦架？」
『一時時啦～睇下啦～如果話對住D大陸客既話咪辛苦D囉...』
「點解對住D大陸客會辛苦D呢？佢地唔係好有錢買好多野架咩？」
『吹就係咁吹～事實？脾氣臭又無貨賣～咁你呢？讀書辛唔辛苦丫？』
「我丫？唔算太辛苦啦～我讀書都唔叻～好Hea咁讀架咋～」
『你今年DSE架喇喎～俾心機D啦～唔係就好似我咁，要做Sales架喇～』
「做Sales幾好丫～又好搵～買衫又有折～」
『你睇我好我睇你好啦～』
「係唔係好好食呢？」
『嗯？』
「我話D甜品丫～」
『嗯！嗯～好食好食～』
「係唔係無介紹錯呢～」
『嗯嗯～真係無介紹錯呢～』
我地既言談之間，都係家常便飯～
好似好普通～好似好平常～好似好平淡...
平淡到...令我有少少...失落...
失落？
係…我認我係有少少失落...
我係有一絲絲期望過，我有機會要入去七仔買Dom Dom…
但直至到同Nikki食完糖水...送到Nikki返到屋企樓下...
「多謝你今晚請左我食糖水喎～」Nikki笑咪咪咁望住我...
『唔多謝～唔多謝～』我又尷尷尬尬咁擰擰頭...
「咁...我返上去喇～」Nikki揮一揮手...
『嗯...夜喇...早D抖喇...』我又同Nikki揮揮手...
「嗯～你都係丫～返去早D訓喇～拜拜～」
『嗯～拜拜～』
目送住Nikki入左大堂...入埋?...
仲諗住…有機會上Nikki屋企...飲杯啡咖添...
飲乜鬼啡咖丫？岩岩先食完糖水咋嘛～
唉～都好既～始終...我都唔想咁隨便～
我更唔想對唔住珮琳～
唉～你話我係聖人都係咁話架喇～
唉～
珮琳...
我毒自一人行去間七仔...
今晚就係得一個叫...Yuki既女仔喺舖面睇舖...
一個女仔睇舖？仲要係咁靚女添...會唔會有危險架...
不過我諗仲有員工喺房入面既...
都係唔好理人咁多…
我都一如既往，買支生力...坐喺張石凳上...
拎出部電話...
始終...
Send第一百四十三個Message...
Message發出後，我Lock返部電話...
我都係唔可以對你唔住...