《情困之時，我遇上了自稱情性的情聖》: [Case 02－痴情女子] PART 08
「照你咁講...」情性飲一口Espresso，「你都應該死心架啦...點解仲要搵我呢？」
『因為Chris岩岩俾佢既未婚妻悔婚...』見情性問得咁直接，我都直接咁講出重點。
「悔婚？！」情性聽到我咁答，佢既反應同我初初喺阿Ling口中得知既時候，一模一樣咁錯愕。
『嗯...就係因為咁...』我點一點頭。
「你係想把握呢個機會？」情性繼續直接問。
『嗯...』的確...我確係有一點點咁既意思...
「你係想趁住呢個機會...乘虛而入吧？」情性雙眼有D陰濕...
『唔係唔係！可唔可以...講得好聽一D...』乘虛而入...會唔會太過份...
「你應該要好好正視一下自己既內心～」情性又飲一口Espresso。
好好正視一下自己既內心？
「就連呢一點都唔可以對自己坦白，仲點可以向前走呢？」情性一對炯炯有神既雙眼盯住我...
對自己坦白？
「唔好話要向前走...就連要踏前一步...都難！」情性擰一擰頭。
踏前一步…都難？
「有時候，愛情就係要狠一點～」情性點一點頭。
愛情要...狠一點？
我好似...從來都...無狠過一次...
不論係初中時期既暗戀...高中時期既單戀...大學時期既初戀...
每一次...都好似差一點點...
就係差一點點...狠...
暗戀既時候，唔敢狠狠咁話俾對方聽，自己既心意...
單戀既時候，就算對方知道自己既心意，又唔敢狠狠咁表白一次...
到左初戀...一切都盡在對方手中...不論心靈...還是肉體...
甚麼呼之則來，揮之則去...
喺床上纏綿過後，就連擁抱都沒有...
這種感覺多難受...
只係...我從來都無狠狠咁要求過甚麼...
甚麼都沒有...一直任人擺佈...
任何時候...任何位置...任何情況...我都好似...好似...一直都好似...
『我諗...我明白...』一直以黎，我都好似只係處於被動...
從來都無主動爭取過D乜...
「明白係唔夠既～」情性緊握雙手，「要有所覺悟～」
有所覺悟？
「有所覺悟之後，就要有所改變～」情性點一點頭。
有所覺悟之後，就要有所改變？
「唔改變而家既你，你只會一直錯過...再一直錯過...又再一直錯過～」情性一對帶點無奈既眼神望住我。
一直錯過...再一直錯過...又再一直錯過...
「改變而家既你～唔好再任人擺佈...要主動出擊！」情性用上“I WANT YOU！”既神態指住我...
主動出擊？
『但...我可以點樣主動出擊？』突然之間咁樣俾人指一指住，我真係諗唔到方法喎...
「嗯？你係女仔黎架嘛～難道仲要我教？」情性露出陰險既笑容...
點解我硬係覺得情性呢種笑容有D不懷好意咁架呢？
「男追女隔座山，女追男隔層紗～你應該好好利用自己既天賦～去得到更多...更多…甚至乎更多更多～」情性放低一句話之後，起身離開...
我目送情性離開咖啡店之後...一個人坐左喺道諗...
好好利用自己既天賦？
情性既意思係...
再望一望坐喺隔離檯嗰兩個男仔...
兩個男仔手中都拎住部電話，不停咁對住背住佢地既店員小姐對長腿猛影...
面上仲要露出猥瑣既淫笑…
男人係唔係個個都係咁鹹濕？！
鹹濕？
唔通情性又要我賣弄性感去誘惑Chris？
之前已經試過...但就係因為知道Chris有女朋友，所以之後都無再著性感衣著返工喇...
不過...而家Chris已經回復單身...
但係試過一次之後，下一次又會唔會落搭呢？
落搭？
點解我會用落搭黎形容架...
講到好似心懷不軌咁...
唔...又唔係喎...呢點諗法都可以話係主動既一種姐...
主動一點...狠一點丫嘛～
但實際黎講，又應該要點做先岩呢？
女仔要主動D...狠一D...
哎呀～～～好煩丫～～～
面到愛情既我，真係頭都痛埋喇～～～
好喇好喇～呢個時候梗係要搵下好姊妹架啦～
我立即拎出電話，打開“姊妹淘”個群組～
“Stella～珮琳～你地而家得唔得閒丫？”
好姊妹～好姊妹～快D睇Whatsapp啦～
過左一陣...
*噹* “Stella:岩岩曉揚推左我出去曬太陽～做咩事？”
哦...Stella同曉揚拍梗拖喎...
*噹* “珮琳:岩岩打發左Timothy返去～而家一個人瞓左喺床上～做咩事？”
哦...係唔係即係話岩岩搞完野呢？
珮琳真大食呢～呢期唔係聽到佢話上Timothy屋企，就係Timothy上佢屋企～
纏綿到呢～～～
算～都係講返D正經野先～
“我有D野想搵你地傾下...”
*噹* “Stella:想傾D咩？係唔係關於你個男神丫～”
果然係好姊妹～我擺一擺條尾都知我想點～
*噹* “珮琳:哦？係唔係濕晒忍唔住喇？嘻嘻～”
呢個珮琳丫！總係要講得咁核突...咁色色架喎！
“係丫～係有D關於男神既事...想同你地商量下...”
*噹* “珮琳:我都話你姣婆守唔到生寡架啦～我屋企方便喎～不如上黎我屋企傾啦～”
咩姐...我邊係姣婆喎...
*噹* “Stella:嗯～咁好啦～我叫曉揚送我過去珮琳屋企啦～”
你地兩個真係好～我幾時都話好姊妹對我係最好～
“嗯～咁喺珮琳屋企等啦～”
*噹* “珮琳:OK～不過唔好咁快～俾D時間我沖個涼先～”
“依～搞完野唔立即沖涼～唔衛生～”
*噹* “珮琳:咩姐～頭先佢話想一齊沖，我唔想俾佢再搞多次先等佢沖完踢埋佢走再回一回氣先去沖咋嘛～”
*噹* “Stella:依～等等唔上你張床丫～”
*噹* “珮琳:我張床好乾淨囉好唔好？”
“緊係啦～因為都射晒喺你身上嘛～”
*噹* “珮琳:好喇好喇～我而家去沖涼喇～你地一個鐘後先好上黎丫～”
*噹* “Stella:OK啦～”
“OK～”
每個女仔，總會有兩、三個好姊妹～
喺你傷心時會攬住你～
喺你疑惑時會陪伴你～
喺你迷失時會引導你～
喺你自甘墮落時會鬧醒你～
我好慶幸～慶幸我身邊有Stella同珮琳呢兩個好姊妹呢～
「乜你咁遲架～Stella都早到過你丫～」一上到珮琳屋企，就見到著住件白色大Tee既珮琳。
白色大Tee相當之薄，薄到透出珮琳胸前兩粒乳尖...
真空？！
而下身...我諗佢都係無著架喇～
「過左去港島嗰邊丫嘛～你著成咁，唔怕俾人睇蝕架？」我跟住珮琳行，已經見到Stella坐左喺珮琳張床道。
「怕乜姐～都無人見到架啦～頭先曉揚送Stella上黎既時候，佢眼尾都唔望下我驕人既上圍...只係對我點左幾下頭，放低一句“有勞照顧Stella喇”就走左喇...真無癮～都唔知曉揚係唔係性無能～」珮琳亦坐到床上，篤下Stella手臂。
「緊係唔係啦～只係曉揚只會對佢愛既人有興趣～其他既佢都唔會放入眼內～嘻嘻嘻～」Stella自信咁笑笑口。
『巴閉喇巴閉喇～你頭先唔係話唔會上珮琳張床架咩？而家又咁放心咁坐喺佢張床上面既？』我行近床邊，但都唔敢坐上去。
因為都唔知會唔會坐左喺D黏狀物上面...
「放心放心～頭先我坐上黎之前，已經Check得好仔細～確保無D不明既液體同奇怪既毛髮先坐上黎～你都可以放心坐～」Stella拍一拍佢身邊既位置。
『係唔係真架～』我疑疑惑惑咁坐到Stella身邊。
「你地兩個丫～咁睇我既？我好乾淨囉好唔好～」珮琳谷一谷起塊面豬登。
「我點知你地會唔性起上黎周圍射架～」Stella意淫淫咁打量一下珮琳。
「哎呀呀～你個衰妹丫～幾時變得咁鹹濕架？唔好蝦我失憶喎～有好多野我都記得架喎～」珮琳篤一篤Stella對小饅頭。
「喂丫～唔好話喎～呢一年黎...我真係感覺到...有D性慾喎...」Stella怕怕地羞咁撳一撳住自己對小饅頭。
『真係架？你下半身有感覺丫？』我立即搭一搭住Stella膊頭！
「嗯嗯...」Stella仲係怕怕地羞咁點一點頭，「唔可以話有好大既感覺既...有D咁啦...」
「咁則係話有好轉啦！有無同醫生講丫？」珮琳亦立即搭一搭住Stella膊頭！
「嗯嗯...醫生話都幾神奇...雖然話以往都有類似既個案，但少之有少...而呢種係極良好既轉變，有望會繼續好轉～仲有好大機會連對腳都會有感覺～甚至可以行到路～」Stella帶住微笑點點頭。
『太好啦～醫生咁講得，都有好大機會行到！黃大仙真係靈～』我捉實Stella對手～
「嗯嗯～黃大仙真係好靈呢～」Stella展露天真既笑容～
「嗯嗯...黃大仙緊係靈喇～話我有血光之災就真係有血光之災...仲要昏迷左咁耐...」珮琳扁扁地嘴…
『你而家咪無事醒返啦～唔怕啦唔怕啦～咩都過左去啦～』我攬一攬住珮琳，安慰一下佢。
「係姐～但係...有好野都唔記得左...又唔知自己唔記得左D乜...就好似從來都無發生過咁...」珮琳都係扁扁地嘴。
「唔怕啦唔怕啦～」Stella捉一捉住珮琳對手，「而家既你咪幾好～你知道嘛，你以前成日同男朋友鬧交架～而家你地幾咁恩愛～仲成日唔係你上佢道搞搞，就係佢上你道搞搞～」
Stella又講得岩喎～
自從珮琳醒返，慢慢康復過黎之後，就真係未聽過珮琳話同佢男朋友鬧交～
而且感情非常穩定！
「唉～遲下可能仲日日都有得搞添丫～」珮琳無奈咁擰擰頭。
『哦？點解丫？你唔係大食成咁丫嘛？』我恥笑一下珮琳～
「定係你個Timothy大食成咁丫？」Stella又恥笑一下珮琳～
「唔係唔係～唔關大唔大食既事啦～係呢道D租金太貴...我就快頂唔順喇...」珮琳繼續無奈咁擰擰頭。
『租金太貴？』係喎…我從來都無諗過呢個問題...
珮琳住梗呢道，係同區最新而且呎價最貴既地方...
以現時樓價炒到失控既地步，租金都一定有返咁上下...
「係丫…岩岩租呢道都係萬五蚊租，下年就話要加到萬九…點租得起喎...所以咪諗住叫Timothy搬埋過黎～佢幫我交晒D租去囉～」珮琳古古惑惑咁笑一笑～
『嘩～你都算大想頭喇～要Timothy交晒D租～咁你咪好發？！不過你都應該一早要佢搬過黎照顧你啦～咪住先...如果Timothy搬黎你道住...咁我地咪無左個地方傾心事囉...』論地方，珮琳屋企已經係最好架喇...
起碼好過我嗰邊...
我租梗嗰間屋又細又舊又唔方便...
「唔怕唔怕～」珮琳揮揮手，「當我地要傾心事既時候，我就一腳踢Timothy出門口～佢阻唔到我地既～」
真係咁恨？
「係先好講丫～」Stella淫邪邪咁望住珮琳，「唔好到時要我地睇住你地兩個真人Show完先招呼我地丫～」
「係丫係丫～俾你地睇下Timothy有幾咁厲害丫～」珮琳仲係得得戚戚咁。
『你好變態丫珮琳～』我忍唔住要拍一拍珮琳大脾。
「有咩咁變態姐～正常性交活動黎咋嘛～」珮琳靠一靠埋黎，舔一舔個嘴仔...
『依～你真係好變態丫～』我推一推開珮琳～
Stella捉一捉住我地兩個：「好喇好喇～講返正經野先啦～Carol話想傾有關男神既事，係唔係諗通左喇？」
『嗯...』我都仲未講出我想講既野...
「點丫？要表白喇？都話你春心蕩漾架啦～」珮琳就打斷左我既說話。
『咩春心蕩漾姐...我頭先搵左情性...問左佢既意見...』我都仲未講出我想講既野...
「你真係去左搵情性丫？點呀？佢幫唔幫到你丫？」Stella就打斷左我既說話。
『我都唔知幫唔幫到丫...』老實講句，聽完情性講之後，我都仲未有具體既方向...
「咁佢同你講左D乜丫？」珮琳好有興趣咁追問。
『佢叫我主動出擊喎...我諗佢係叫我好似之前Stella教我咁，著得性感D...吸引Chris既注意啦...』我諗係咁掛...
「唔係唔係…」Stella擰一擰頭…
唔係？
「我都認為唔係咁...」珮琳亦都擰一擰頭…
唔係咁？
「應該係更主動...」Stella諗左一諗...
更主動？
「更主動去...色誘佢！」珮琳又諗左一諗...
更主動去...色誘Chris？！