《情困之時，我遇上了自稱情性的情聖》: [Case 02－痴情女子] PART 05
喺一個風和日麗既下午之中，我推住Stella行丫行～
身邊既珮琳就一直咁打量住我：「Carol丫...點解你今日既衣著...咁唔同咁架呢？」
「嘻嘻嘻～」Stella笑起上黎，「係我幫佢揀架～係唔係正先～」
珮琳繼續將注意力放到我身上：「正就係幾正既～不過...會唔會太性感呢～你睇下街上既男人，個個都鹹鹹濕濕咁，喺道?Carol對腳～」
珮琳都講得幾有道理...
今日既我，著得都真係幾性感下...
我著左一件米黃色既吊帶連身短裙～
條裙短到上大脾就不在話下～
裙邊仲要有三吋高既Lace...
真係大動作少少又或者大風少少，都會若隱若現咁透出底底來...
而上半身唔單止露晒Bra帶出黎，只要大動作少少，乳溝都無遮無掩咁展露人前...
我地行過既每一個地方，不論八歲定八十歲，總之係雄性既，都會?實我對腳又或者個胸...
雖然好似俾D唔識既麻甩佬視姦咁，但係不得不承認...
『咁樣著真係Work...』我點一點頭。
「唔？」珮琳一頭問號咁唔係好明我既意思。
「係唔係你既男神都有視姦你呢～」Stella笑到衰衰咁...
『唔好用視姦咁難聽得唔得喎～係留意～留意丫～』呢個Stella...成日都係咁唔知羞架～
「哦～原來係你個衰妹教壞我地個腐女Carol既～」珮琳拍一拍Stella膊頭。
『喂！咩腐女丫？我係文靜乖女咋！』珮琳點可以用腐女黎形容我架...
「嗱～我都話架啦～每個男人都係鹹濕～唔鹹濕嗰個一定唔係男人～咁你男神點視姦你姐？講黎聽下～講黎聽下～」Stella雙眼發晒光，等聽甜故咁...
『都話唔係視姦！係留意！係留意丫！Chris佢...又真係...留意左我好多既...』
應該點講好呢...
返工始終都唔可以著得太隨便，一定唔可以小背心加短褲仔架喇！
又唔可以一下子就著得太暴露...
喺Stella幫我揀嗰堆衫之下，都有好幾件性感得黎又帶點青春，青春得黎又帶點優雅既～
好似我而家手上呢件...粉藍色碎花U領連身裙咁，個領又唔算開得好低，唔會露太多胸～裙又唔算太短，岩岩唔過膝，又可以露出一對小腿～
唔...岩岩第一日改變形象...就呢件啦～
我緊緊張張咁換上件粉藍色碎花U領連身裙後，再化返個淡妝，喺塊全身鏡前左擰擰，右擰擰咁...
唔好話我自戀，咁樣睇自己又真係幾靚女既～
不過自己覺得自己靚女係唔夠架！最重要都係吸引到Chris既注意...
唔知Chris見到我咁著，會有咩反應呢？
咩反應都好，最怕就係無反應...
如果真係無反應...咁點算好呢？
我著好鞋，拎埋個手袋仔出門口，一路行去搭車，心裏就一路盤算著...
盤算著如果Chris對我既改變無任何反應既話，咁點算呢？
係唔係應該做多D舉動，吸引佢既注意呢？
刻意喺佢面前彎低身？
拉高少少條裙？
但咁樣做，會唔會令人覺得太過放盪呢？
會唔會令Chris誤會我喺嗰D淫娃盪婦架？！
當我仲滿腦子都係問號既同時，我已經落左車，仲行到公司大廈門前。
望一望手腕上既手錶...
八點三十九分...
唔...應該差唔多喇...
我企喺升降機門前等...一直等...
一班又班識與唔識既人入?...我都係一直企喺道等...
我要等既，唔係載我上公司既升降機...
我要等既，係一個可以帶我走上幸福路上既人...
當我目送升降機門第六次關上之時...
「Carol？」一把既溫柔且成熟既男聲傳入我深心！
『早晨～Chris～』無錯...我就係等緊你...
其實我喺呢個月黎，都有留意到Chris既上班習慣。
Chris每日總會早十五分鐘返到公司。
所以我尋晚就決定左，要遲D返黎（我平日係早半個鐘返到公司...），喺公司樓下就要“偶遇”Chris～
「早...早晨...」Chris對眼由我塊面...掃到落我胸前...一路掃到落我裙邊...掃到落我一對小腿...
果然！Chris留意到我既衣著有唔同！
只見Chris仲係呆呆地咁...
係唔係俾我對小腿誘惑住？
我輕輕拉一拉高條裙，大腿都要走出黎喇...
Chris見我有所舉動，終於有D反應：「係呢～你今日好唔同...」
『嗯～咁樣著...清爽D丫嘛～』我向Chris送上微笑。
「嗯嗯...好清爽呢～」Chris有D尷尬。
果然！令到Chris有D尷尬！
睇黎Stella個衰妹講既野真係無錯～
『咁我著得好唔好睇丫？』Facebook上D女性專頁經常講，趁男仔被你迷惑到痴痴迷迷之時，要乘勝追擊！
「好睇...好好睇...」Chris對眼仲係痴痴迷迷咁望實我。
成功喇～成功喇！
Chris俾我吸引住喇～
如果一個男仔，痴痴迷迷咁望實個女仔既話，十之八九已經動心～
「有?喇...」Chris好有紳士風度咁讓我入?。
『唔該～』同時我亦感覺到身邊其他男人都俾我吸引住。
個個對眼唔係望住我手臂，就係望住我個胸...
唔係望住我個胸，就係眼甘甘咁?實我對腳...
呢點就係要吸引男神既副作用...
女仔著得小布D、性感D、暴露D，俾自己鍾意既人欣賞固然之開心～
但同時招惹街上既麻甩佬鹹濕既目光，咁就令人討厭不安...
望到班麻甩佬?自己?到流晒口水咁...
有D仲?到條西褲凸起左個三角...
真係好核突…
就好似俾一個麻甩佬強姦咁...
仲要擔心唔知會唔會俾人偷影...拎入洗手間唔知做D乜...
依...真係好核突喔...
入到?後，我都企左埋角落。
Chris亦企喺我身邊，掩護我～
有Chris既保護之下，我本來驚恐不安既心情突然平靜落黎～
而且仲有一種...安全感...
喺Chris身邊...總有一種安全感呢～
喺呢種安全感驅使之下，我不自覺咁靠近Chris...
越靠越近...越貼越埋...
我既手臂都貼到落Chris道～
而Chris隻手背都掃到我條裙邊～
我見Chris並無太大舉動，就再大膽D，搖一搖對腳，用條裙去掃一掃Chris手背～
我咁做法，會唔會過份挑逗呢？
會唔會好唔知羞呢？
不過Chris又好似唔多為意咁...
唔...都係唔好咁過份～做女仔始終都要有返D矜持！
『咁我返埋位做野先喇～』當我同Chris行到入公司之後，我故意行前兩步，回一回頭望一望Chris。
我咁做係為左可以俾Chris欣賞我背後既美～
「嗯～加油～」Chris點一點頭，成個人硬晒咁企左喺道。
『嗯～』我再點一點頭，向Chris送上微笑後，慢慢行返埋位～
我耳聽後方，聽下Chris既腳步聲。
而腳步聲遲遲都未出現～
好明顯...Chris係望緊我...企定定咁望住我...望住我既...動人背影～
「照咁睇...你個Chris真係對你產生左性趣咁喎～」我、Stella仲有珮琳落左巴士之後，珮琳就陰陰嘴咁笑...
『興趣！興趣呀！好心你就發好D音啦！』街黎架嘛！俾街外人聽到唔好架嘛！
Stella又陰陰嘴咁笑笑口：「係咯係咯～都話左著得少布D～性感D～賣下腿～就吸引到男人既鹹濕目光架啦～」
Stella仲要揭一揭起我條裙...
一對雪白既大脾就展露喺人前...
差D仲露埋條白色底底出黎！
『喂丫！俾人睇到喇！』我立即撳返低條裙...
「嘻嘻～怕咩羞姐～俾人睇到條底底咋嘛～白色喎白色喎～白色夠純情丫～」Stella鹹鹹濕濕咁望住我對腳...
『你自己無咩～變態～』我又揭一揭起Stella條裙～
「喂～」Stella咪又係立即撳住～
把口就講到幾開放，內心咪又係咁保守～
「咁你呢段時間一直Keep住著得咁性感喇喎？」珮琳好有性趣咁繼續追問。
『嗯...都係架～我仲越著越少布～條裙就越著越短～我有日著條仲短過呢條既絲質短裙仔～Chris對眼就一直喺我個屁股道～』我伸一伸脷，覺得自己咁做都真係有D衰～
珮琳攬一攬住我條腰，意淫淫咁望住我：「你個衰妹丫～估唔到原來你都係咁淫架喎～小心你個Chris偷影你，拎入廁所丁你丫～」
『唔好講到咁變態啦～Chris唔係咁既人黎架！』講到Chris好似個變態佬咁...
Stella又意淫淫望住我：「Chris唔係咩人丫？唔係男人丫？定係佢唔得架？嘻嘻嘻～」
『咩唔係男人丫？Chris係百分百既真男人！仲要係好好男人！所以唔會好似你地講到咁！』我深信Chris唔會偷偷喺人地背後丁人囉！
珮琳看破紅塵咁既樣擰擰頭：「好男人唔駛射咩？射唔出就真係要睇醫生喇～唉～全世界既男人都係鹹濕架啦～」
『係丫？咁你個男朋友又點丫？』我趁機轉移視線，唔想俾佢地再侮辱Chris！
「佢丫？唉～唔好提喇...」珮琳面色一沈，擰擰頭。
「講黎聽下啦～講黎聽下啦～俾個機會我地關心下你啦～」Stella捉住珮琳隻手搖下搖下，嗲下嗲下～
「唉...佢丫...佢咪就係衰鹹濕囉～」珮琳面紅紅咁擰擰頭。
「佢鹹濕其他女仔呀？！」Stella有D大反應，碌大對大眼睛。
「唔係唔係…佢鹹濕我姐...」珮琳塊面就更加紅。
『咁鹹濕你都好正常姐～唔通你想佢唔鹹濕你，去鹹濕其他女仔咩～』我恥笑一下珮琳～
等你仲成話開口埋口講鹹濕野丫喇～
「哎呀～咁有時人地唔想，佢又夾硬黎...」珮琳谷一谷起塊面豬登。
「咁你唔開口話俾人聽，人地又點知你幾時想，幾時唔想姐～」Stella又意淫淫咁望住珮琳。
「我想要既時候，已經表現得好明顯架喇！係佢自己Get唔到咋嘛…」珮琳仲係谷住塊面豬登。
『點明顯法先？』我又意淫淫咁望住珮琳。
「咪嗲下佢丫...攬下佢丫...扮晒唔覺意咁摸下佢囉...但佢就硬係唔知人地想要既！蠢到死！」珮琳塊面越谷越紅～
「咁都叫明顯丫？你D女性本能真係內斂咯～」Stella意淫淫咁笑笑口，擰擰頭～
「佢鈍咁都算喇～到我唔想既時候，佢就夾硬黎...好似強姦咁...我就最鬼憎...」珮琳皺晒眉頭咁。
『可能呢樣係佢想要既情趣呢～嘿嘿嘿～』男人都係D變態生物嘛～珮琳佢自己都成日講架啦～
「係咯係咯～定係因為你太闊，佢覺得無Feel～所以先想玩強姦誘惑咋？嘻嘻嘻...」Stella個衰妹就越笑越淫～
「話我闊？！不如話佢幼啦！哼！」珮琳講得有D大聲。
『喂喂～唔好咁大聲啦～俾人望住喇～』我細細聲喺佢地耳邊講。
望一望四周，已經有唔少麻甩佬同阿叔阿伯眼甘甘咁望住我地...
咁大聲講呢D野，真係有D失禮...
「唉～唔好再講佢喇！講起就扯火！我係點都唔會原諒佢架喇！」珮琳雙手叉住條小蠻腰，擰擰頭。
「聽住先啦～你丫～拍左咁多次拖，呢個可以話拍得最長既一次～話唔定，佢真係你既真命天子呢～」Stella捉住珮琳隻手搖下搖下。
「如果佢係我既真命天子既話，咁就真係死得喇...佢又經常唔知我諗乜...又黐身喎...我比較鍾意自由架嘛！真係都唔知點解可以同到佢一齊咁耐架...」珮琳摸一摸自己個頭。
「呢D咪叫做命中注定囉～」Stella笑一笑，點點頭。
『命中注定？』我同珮琳異口同聲，同時發問。
「嗯～命中注定就係有一日，喺你唔為意既時候，喺一個平常既地方，遇上一個既熟悉，又陌生既人～好似一直都等梗佢出現，但你又唔知道呢個人係點既樣～直至到佢出現喺你面前，你才恍然大悟...就係佢喇～」Stella一雙期待既眼神。
我同珮琳諗左一諗，摸一摸Stella既秀髮：『嗯～命中注定呢～』
我明白...Stella所期待既命中注定...
我相信...Stella所期待既比起我對Chris既更深更深...
昔日陪伴Stella走過中學生涯。
雖然Stella身邊總有一大班朋友，男男女女數之不盡。
各式各樣任何類型既男仔都會爭相照顧Stella，琳瑯滿目，應有盡有。
縱使有好幾個型男靚仔同時向Stella發出猛烈追求攻勢，但就係唔聽見Stella講過對邊個邊個男仔有意思...
從來都無聽過...一句都無聽過...
或者...Stella就係一直等梗...等梗一個...命中注定的那一個他...