《情困之時，我遇上了自稱情性的情聖》: [Case 01－毒男女神] PART 12
自落雨送阿雪返屋企後，都差唔多過左一個星期。
呢一個星期，我都有芒住阿雪既Facebook...
可能你會覺得我好變態...但我唔係好似你地班跟蹤狂、追蹤狂、狗公咁，娘娘一Post野，有圖無字又好，有字無圖都好，第一時間搶頭香！
呢D戇鳩行為我係唔會做既！
我只係想知阿雪有無換走我幫佢影嗰張相姐...
而呢一個星期，阿雪都Keep住用我幫佢影嗰張相做頭像～
而且仲有成二百幾人LIKES添～
真係好有滿足感呢～
而D Comments都好正架～
好似呢句咁“邊個影得咁有Feel丫？男朋友仔丫？”～真係睇到我心都甜埋丫～
呢句都好正“只有男朋友先可以捉到呢一刻最美既回憶～”～我都覺得只有全心全意愛一個人，先可以捉到最完美既一刻～
當然我就絕對係嗰一個人啦～
而阿雪既回覆，都好似好怕羞咁喎～
好似呢句咁“邊係呢～我都無拖拍～”～
仲有呢句“有人鍾意我先算啦～”～
好明顯就係怕怕羞羞咁啦～
阿雪怕羞...阿雪怕羞...
都好正常既～女仔係容易怕羞D架喇～
而容易怕羞既女仔，先特別可愛～
咁可愛既阿雪，我又點可能唔越黎越愛？
我真係好愛阿雪呢～
但...又唔知應該點去表露俾阿雪知，我有幾愛佢喎...
我諗左好耐架喇！都足足諗左差唔多一個星期...都係諗唔到...
諗下諗下...我就諗起情性！
無錯喇！就係話可以為你解開所有情困既情性！
我諗都應該要再搵佢幫幫手...請教下佢點樣同阿雪表白先得喇！
於是，我就再次透過Facebook約情性，佢又再次約我黎呢到間Whirling Coffee。
坐喺呢間以白色為主既Coffee店...差唔多都有兩個月無黎，呢道都係無乜點變～
都係得咁少位…都係有好幾十張大大小小既黑白相...黑白相都係有標價錢...價錢都仲係咁鬼死貴…
當然就唔少得最重要既靚靚姐姐啦～
靚靚姐姐對腳仍然係咁白～仍然係咁長～條粉紅色短裙就仍然係咁短～
一杯咖啡既價錢，坐定定就喺齋?靚靚姐姐對腳，都抵晒啦～
「你要既Latte～請慢用～」靚靚姐姐放低左杯咖啡，向我點一點頭後...
『唔...唔該...』我面紅紅咁點一點頭...
靚靚姐姐向我打左一個眼色後，轉一轉身，條粉紅色短裙飄一飄起後離開...
唔知點解，靚靚姐姐呢一個眼色...好似話俾我知佢知我?梗佢對腳...
可能係我心虛掛...
不過其實我又好想知道，一個成年姐姐知道自己俾人?，會有乜野感覺呢？
我總係覺得，女仔唔係想俾人?既話，就唔會著得咁少布～
又要背心仔...又要短裙仔...熱褲仔...
冬天得幾度既時候，仲要著黑絲黎引人注意...
姐姐～你咁樣我真係好難唔?架喎～
但又唔知點解，你?佢咩？佢又會怒啤你！又會話你死變態！
講真嗰句...我真係唔係好明女仔諗乜架呢...
「你又早到左喎。」當我仲望住靚靚姐姐對腳發呆之時，一把成熟既聲音打斷我思緒！
我望一望返面前，古天樂再一次出現！
雖然話今次已經係第二次見情性，但視覺仍然震撼！
情性既攝人魅力，真係會令人為之心動！
『嗯嗯...我習慣約人都會早十至十五分鐘到...』仲搞到我唔係好敢正視情性添...
「有品德既年青人～係呢，今次想我點幫你？」情性翹一翹腳，挨一挨落張梳化。
聽到情性咁問，我二話不說，單刀直入：『我想同阿雪表白！我應該點做？』
情性好似俾我呢句突如其來既說話嚇左一嚇咁，眼定定望住我...
我咁講...有問題嘛？
「你要既Eespresso～」靚靚姐姐放低杯咖啡後，帶住微笑轉身離開。
情性拎起杯咖啡，飲左一口：「直接同佢講。」
聽到情性咁樣答，到我呆左一呆...
下？直接同佢講？
講乜丫？
「你直接同佢講你愛佢就得啦。」情性點一點頭。
直接同阿雪講我愛佢？！
咁...
『會唔會太唐突丫？萬一…』我都仲未將我要講既說話講完...
「你都清楚你係愛佢既，咁仲有乜野好擔憂呢？」情性打量左我幾眼...
有乜野好擔憂...
ER…
呢層...當然係被拒絕啦...
萬一表白完，阿雪拒絕我既話...咁就乜都無架喇...
「你係清楚你愛阿雪，同時都要俾阿雪清楚你愛佢。唔係既話，只會係單戀...」情性再飲一飲杯咖啡...
唔俾阿雪清楚知道自己愛佢既話...只會係單戀...
「如果你將呢顆愛收係深心一世既話，你一世都唔會同到阿雪一齊...」
我一世都唔會同到阿雪一齊...
「你只會不斷咁睇住阿雪同另一個...下一個...再一個...無數咁多個“他”一齊...」
我只會睇住阿雪同其他人一齊...
「你無辦法阻止...你無辦法唔接受親眼睇住阿雪同其他人一齊...佢地既幸福...你自己既心痛...如果你唔同阿雪一齊既話...」
如果我唔同阿雪一齊既話...就要接受佢同其他人一齊...
「你接受得到呢種痛嘛？」
我...我...我接受唔到...
「你接受得到呢種萬箭穿心既痛嘛？」
『我...我...我接受唔到...』
「如果你接受唔到...你就要...」
如果我接受唔到...
『我就要...』
「你就要向阿雪...」
我就要向阿雪...
「你就要向阿雪表...」
我就要向阿雪...表...
『表...白...我就要向阿雪表白！』我好大聲咁嗌左出黎！
我要向阿雪表白...我要向阿雪表白！
「嗯～無錯喇～你要向阿雪表白！就搵一個重要既日子...浪漫既時刻，向阿雪坦坦白白表露出你對佢既心意～」情性再飲一飲杯咖啡，點一點頭。
重要既日子...浪漫既時刻？！
「今次之後，我地應該無必要再見喇～因為...你得既～我知你一定得～」情性拍一拍我膊頭，離開Coffee店...
我...一定得？
聽完情性講之後，我一條友喺條街上面呆下呆下...
我一定得？
我真係得？
我都唔知...我都唔知可以點做先得...
表白喎...真係話咁易咩？
真係講兩講就得架喇咩？！
唉...好多野都係咁架啦～講就兇狠，做就碌撚！
一陣真係衰左既話，分分鐘就連傾計既機會都無...
玩下手...見到面都會避開添呀！
到左嗰陣時，真係後悔莫及喇...
“等不到想等愛侶 便已擁抱到熟睡 經不起錯對 但已找到樂趣”
當我仲喺道鑽梗牛角尖之時，我部電話響起“你們的幸福”...
拎部電話出黎睇一睇...
Cyrus？
我解一解鎖：『喂？搵我咩事？』
「GAY～係邊丫～」由聽筒傳黎討厭既基聲基氣...
『喺港島…』喺好耐之前，我已經再無刻意去糾正Cyrus既錯誤...
因為我可以肯定條仆街係有心叫錯我個名！
「嘩！毒撚做乜走到去港島咁遠？」Cyrus顯得相當驚訝。
『你唔好理啦...搵我有乜事丫？』唉...都唔想解釋咁多…
尤其係對住Cyrus...
一個無黎正經既人，同佢解釋咁多即係浪費自己時間...
「無丫～今晚無飯食～又無人約～想搵你陪我食晚飯咋嘛～」Cyrus輕輕鬆鬆咁講。
『屌你呀！無人約先搵我黎攝時間？！你當我係牙籤丫？！』呢條仆街仔丫！真係厚顏無恥過民建聯架喎！
「咁你係牙籤仔呀嘛～嘻嘻～唔好嬲啦～喺我人生最無聊既時候，第一時間諗起你，你話係唔係夠晒兄弟先！」Cyrus認真咁講...
好似好有道理咁喎...
但道理喺邊呢？
「咁你陪唔陪我姐？」Cyrus扭下計...
『好喇好喇...反正我都無野做...我而家返黎陪你食飯喇...』今晚父母都要開OT，阿哥又唔知去左邊道溝女...我都係一個人架姐...
「你知道嘛～你是最好的～咁你返到黎打俾我啦～」聽到Cyrus咁講，真係骨都痺埋...
『OK啦...OK啦...』
「Bye～」
『Bye…』
坐車返去期間，天色都開始暗...
望住呢個夕陽後最藍既天空...心裏總有一種感覺...
我唔識得去形容呢種感覺...可能係因為我經歷太少...
或者再長大D...經歷再多D...我就識得用更多四字成語去描繪我而家既心情。
但...我唔係好想...
因為...我總係覺得，呢種唔係一種好既感覺...
就只有唔好既經歷，先會醞釀出此刻既心情...
『我到撚左喇！你條仆街幾時先到呀？！』我而家返左入屯門，企左喺太興出面等梗Cyrus條仆街！
「轉個彎就到啦～你拎定位先啦～」由耳筒傳過黎Cyrus把聲相當輕佻！
『屌你咩！仲要我拎埋位！你快D跑過黎呀！』Cyrus真係十足十大爺咁樣架喎！
「OKOK～跑梗～跑梗～係咁係咁～」仲要Cut鳩埋我線添！
唉...我都唔明...點解我會有D咁既兄弟...
仲要咁鬼死親密…
親密？！
「兩個呀嘛？坐呢道啦！」我一入到去，個火爆阿姐就拖左我埋一兩角既兩人檯道坐...
又係呢個火爆阿姐...
點解而家間間餐廳都係請埋呢D火爆阿姐？
係唔係除左D火爆阿姐之外，就再請唔到人？
再望下四周...好多情侶一雙一對...
個個都好似喺道卿卿我我梗咁...
呢個餵梗佢女朋友食飯...佢女朋友跛架？自己無手食呀？
嗰個就兩份飲一杯凍撚死...係唔係窮到咁呀？咁窮就返屋企玩煮飯仔啦！
老老柒柒，邊個話其實毒撚一個更開心？
我真係好唔鍾意一個人食飯既感覺！
一個人坐喺間餐廳，又唔知食乜好...
等野食黎又唔知望乜好…
又唔知點解，平日一班人都會自己低頭望手機～
但一到左呢D一個人既時候，手機都好似無野好睇咁...
到有野食喇，就自己食自己...
又無人同你講野...又無人俾你望下...到最後，快快手手食完就走...
真係好無癮...
唔好話一個人食飯丫...我而家就係一個人坐喺間餐廳道，等Cyrus條仆街仔都等到躁狂啦！
唉...你話如果有個女朋友，時時刻刻伴在身旁幾咁好呢...
「喂～GAY～諗梗乜丫？」喺我仲遊梗魂既同時，Cyrus坐到我面前。
『諗梗你條仆街仲要轉幾多個彎先到...』真係仲好意思問我架喎！
「Sorry囉～英雄係成日都會遲到～你睇下蜘蛛俠就知啦～要拯救世界架嘛～唔該～」Cyrus拎起個餐牌，完全無諗過要尊重下我...
個火爆阿姐施施然咁行過黎：「要咩呀？」
「要個B餐凍檸賓～」Cyrus好快就諗好食乜...
『ER…要個A餐...凍撚死...』唉...同Cyrus食...咩餐都差唔多架姐...
個火爆阿姐單都唔覆，就轉身行左去...
都唔明點解，D阿姐仲惡撚過D老細...
「喂喂～講D野俾你聽丫...」Cyrus古古惑惑咁探個頭埋黎，「我食左師妹丫～仲要拍埋片添～嘻嘻嘻...」
『你又去食女丫？人地夠秤未架？』呢條仆街Cyrus，喺學校周鳩圍食女！
「話明係師妹，就緊係未夠秤架啦～嘻嘻嘻...」Cyrus笑淫淫...
『你再喺咁落去，遲早就俾人拉架喇！』呢個Cyrus，總係唔識死！
「車～邊有咁易丫～就好似有邊個未偷過野？又有幾多個俾人拉過？只要唔俾人知，無事既～嘻嘻嘻...」Cyrus繼續笑淫淫...
『到時你俾人捉左，我一定會黎探你既～』睇你有幾折墮都好～
「到時先算啦～你知道嘛…D師妹真係好撚淫...」Cyrus都仲未講完...
『得喇得喇...唔駛講喇...』我無俾Cyrus繼續講落去...
「點解丫？好精彩架喎～」Cyrus仲係興致勃勃咁既樣...
『我無興趣聽丫...』上次唔係因為聽左你條仆街講同Nikki搞野，搞到我差D就做錯事...
「我見係兄弟先同你分享下咋～」Cyrus仲係一面陶醉咁既樣...
『有咩留返拜山先講啦～』唔想再有下一次同樣既事發生...
因為我真係無信心，下一次仲可以咁理性...
「凍檸賓呀！凍撚死呀！」個火爆阿姐放左兩杯飲品落檯後，施施然咁行左去...
「車～唔想聽就算～慳返D口水～留返俾自己回味～係呢，你今日去港島嗰邊做乜丫？」Cyrus篤下篤下杯凍檸賓。
唔...應唔應該同Cyrus講好呢？
又應該點同Cyrus講好呢？
好唔好直接同佢講我去搵情性取經？
講俾Cyrus聽既話，佢一定會覺得我好白痴架喎...
『去左諗點樣同阿雪表白丫...』跳過情性呢Part，直接話想同阿雪表白仲好...
「下？！你諗住同阿雪表白呀？！」Cyrus驚訝到差D連口中既凍檸賓都噴埋出黎...
『係丫…有問題咩？』駛唔駛咁大反應丫？
「緊係有問題啦！你條死毒撚！見到阿雪都口震震～仲表乜鬼白姐？標童就有你份～哈哈哈～」Cyrus指住我黎笑...
『笑啦笑啦...笑撚死佢啦～』都預撚左條仆街架喇...
「好好好～唔笑唔笑～咁你打算幾時表白丫？」Cyrus仲係陰陰嘴笑…
『我就係未搵到一個岩既時機...』Cyrus既恥笑都唔係無奶油既...
搵唔到岩既時機，我根本就開不了口...
「岩既時機...講開又真係有一個好似幾岩既時機...下個月月頭...就係阿雪既生日...」Cyrus認真咁望一望我...
下個月月頭...係...阿雪既...生日？！
「A餐呀！B餐呀！兩條HEHE面貼面咁想點呀？」個火爆阿姐放低左兩個餐之後，口噏噏咁行左去...
『下個月月頭係阿雪生日？！』我碌大對眼，望住Cyrus！
「嗯！下個月既一號就係阿雪既生日！阿雪無將佢既生日日期Set喺Facebook道，所以就係得同佢熟既人先知！」Cyrus點一點頭...
『咁你點會知架？！你同阿雪好熟呀而家？！你想點呀？你想對阿雪點呀？！』我扯住Cyrus既衣領！
「喂喂喂！你冷靜D先！你冷靜D先！我同阿雪緊係熟啦！大佬呀！我同阿雪由中一到而家都同班架！唔熟就有鬼啦！不過我對佢真係無興趣！一來兄弟既女人我係唔會掂！二來我對淫Kay真係無性趣～」Cyrus以一對真誠既眼神望住我...
『淫咩Kay呀？！好撚熟呀？！叫黃小姐！』我再扯多兩扯Cyrus既衣領！
「OKOK～黃小姐～黃小姐～咁得啦？」Cyrus怕左我...
『嗯！算你啦！繼續！』我放返開Cyrus...
「繼咩聰？謝繼聰呀？」Cyrus扒左兩啖飯入口...
『繼續講阿雪既生日丫！』喺道扮傻！
「嗯～喺阿雪生日嗰日，你就同佢表白～咁咪搞掂晒囉～」Cyrus繼續食佢既B餐...
『一定得架喇？唔得咪死得？』真係講就易！
「你又講得岩丫～咁結果都係得兩個架姐～一係得，一係死得～死得又唔一定係最差架喎～可能你以後可以名正言順咁做佢隻兵呢～」Cyrus古古惑惑咁笑...
『阿雪唔係呢D咁既人黎架！佢唔收兵架！』阿雪係一個好好既女仔！唔係死港女！
「咁就仲好～死左一了百了～唔駛成日心掛掛～」Cyrus好似唔多在乎咁...
『以後見到面都面阻阻...甚至可能會避開我添架喎！』我就好緊張！
我...我唔想...就連朋友既關係...都保唔住...
「咁咪岩晒囉～一刀兩斷嘛～唔係點重新做人呀？喂！究竟你搞清楚未架？你係想同人地一齊？定係只係想喺人地身邊咋？」Cyrus用把刀指一指我...
『我...』我諗左一諗...
暗戀左阿雪五年喇...我當然就係想同阿雪一齊啦...
但係...如果到最後...阿雪都唔接受我既愛意既話...我都想可以Keep住喺佢身邊...
「喂～你要記住～愛情係無後備科案架！唔係話“衰撚左，做返朋友啦”～無架！你唔破斧沈舟，又點覓得有情人呢？」Cyrus繼續用把刀隊下隊下...
Cyrus講得好似好有道理咁...
有好多野要成功既話，都係要本死無大害！
尤其是愛情...
喺愛情既世界，往往都係一就一，二就二…
如果三心兩意，到最後都係兩手空空，一無所有...
之前睇過好多有關愛情既Facebook專頁，D專家都係咁講...
「老老實實講一句，如果係愛既就做情侶，無Friend做架喇！如果想做Friend既，就唔好再愛落去！唔係既話，只會辛苦自己，傷左自己！」Cyrus繼續食飯...
如果係愛既話，就唔好再做朋友...
如果想做朋友，就唔好再去愛...
由始至終，我都係愛阿雪，想同佢一齊...
我對阿雪既感覺，唔存在友情呢...
所以縱使表白失敗，俾我可以繼續同阿雪以朋友身分聯繫，但我都係放唔低...
我都會繼續愛阿雪...
愛到有一日，可能會再一次表白...
然後又再失敗...
又再以朋友既身分聯繫...又再一次表白...又再一次失敗...
無限輪迴...
『你講得岩...一係放膽去愛，一係轉身離開...』愛情係無後路...
「咁你揀放膽去愛？定係轉身離開呀？」Cyrus打量左我幾眼...
『放膽去愛！』我已經暗戀左阿雪五年喇！
如果再唔把握機會，真係會白白錯過中學生應該談戀愛既美好時刻！
“啪啪啪啪啪啪啪啪啪啪啪啪”Cyrus大力拍掌：「你終於長大喇～GAY～」
唔知點解，睇住Cyrus咁樣拍手掌法，總係覺得佢喺道譏諷梗我咁既...
『喂喂喂…你唔好拍住先啦...特別既日子，我地就搵到喇...但...唔係就咁捉住阿雪同佢講我鍾意左佢好耐咁呀化？！』我冷眼望住Cyrus...
「屌你咩～點溝女都要我幫你諗埋呀？幫你溝埋幫你扑埋好唔好？」Cyrus回返一個冷眼俾我...
『咁…一人計短…二人計長…萬無一失呀嘛…』如果我溝女咁有計，就唔駛毒自過活咁多年啦...
「功課都唔做下，就係識問人～正廢柴！有無睇過藍天情聖團丫？」Cyrus用把刀指下指下...
『又情聖？！』呢個世界，係唔係有咁多情聖呀？
「咩又呀？你識好多情聖咩？你係識咁多情聖，仲駛乜問我呀？」Cyrus冷眼望一望我...
『講你就講啦！』扮晒蟹咁！
「藍天情聖團最後嗰幕就係夜晚捉個女仔去沙灘漫步～喺咁浪漫既氣氛之下，行去一個預先整好既心形坑道～我地會預先喺坑裏面加入白電油～你行到去就好型咁拎起個打火機，點著佢！一個藍色火焰既心心就會出現喺你地面前！呢個時候，阿雪一定好愕然！」Cyrus理直氣壯咁點點頭...
『And Then？』我都聽到有D緊張...緊張到要噏英文！
但點解當中好似有D問題，我係忽略左咁既？
「呢個時候，緊係立即捉實佢既膊頭，情深深咁望住佢雙眼，同佢講...“我愛你”！」Cyrus雙手搭住我膊頭，情深深咁望住我講“我愛你”...
『屌你好撚基呀！！！』我一手就Fing開Cyrus！
「嗱～男人老狗都咁有Feel既話，喺咁浪漫既環境～咁有情調既時刻，無女唔受溝囉～」Cyrus舉起一隻中指...
『講就係咁講姐...但係唔係真係可以咁順利架？』我始終都仲係有D保留...
可能話晒都係盡地一煲，視死如歸！
衰撚左就乜都無架喇喎...
「屌你唔撚信就算鳩數～」Cyrus飲一飲杯凍檸賓，無我咁好氣...
『信信信...咁點樣無啦啦同阿雪行沙灘先得架？』中間好似Skip左好多野咁...
「嗱～其實我地之前都傾過下，點樣同阿雪慶祝架喇～阿雪就話自從學校旅行之後，都無再燒過野食，想一大班人一齊燒下喎～而家加埋你入黎咪搞掂囉～」Cyrus點下點下頭...
『一大班人？咁咪會有好多人知我鍾意阿雪囉？』係囉！頭先Cyrus話“我地會預先”既我地...唔怪得好似怪怪地啦！
「車～我地嗰班成班一早就知你鍾意阿雪架啦～」Cyrus若無其事咁點點頭...
『下？！你地嗰班成班都知？！係唔係你條仆街爆響口？！』我立即拎起把刀，指住Cyrus條頸！
「喂喂喂…你冷靜D先～我無爆到出去～係你條仆街自己成日視姦阿雪，又唔知自己個樣衰，十足十色狼咁！我地嗰班咪估到囉～」Cyrus揮下揮下雙手...
『咁撚大鑊？！我都唔係好揚姐...咁阿雪知唔知呀？』俾阿雪知道既話，咩計都唔駛諗啦！
「阿雪知唔知咩丫？知唔知你視姦佢？定係你鍾意佢丫？有人同佢講過下，但佢話你唔似鍾意佢囉～」Cyrus若無其事咁擰擰頭...
阿雪唔覺得我係鍾意佢？
咁講法...係我掩飾得好？定係阿雪根本就無將我放在眼內？
「總之呢～你而家就唔駛諗咁多～當日既一切佈局，有我地成班去安排～我地一定會全力Support你架喎～」Cyrus用上一對真誠既眼神望住我...
『你地...你地對我真係好...』講真一句，呢一刻真係有少少感動...
一直以黎，我以為只係我孤身作戰...
自己為自己加油...
自己喺心裏堅持住愛阿雪...
但原來...身邊一直都有人會Support我！
我真係好滾動！
不過...呢種滾動之下...總係好似...好似充滿住...陰毛？