《情困之時，我遇上了自稱情性的情聖》: [Case 01－毒男女神] PART 08
聽住班五音不全既同學甩晒Beat讀完歌詞後...
「好喇～跟住落黎就係期待已久既時間～有請阿Wing同GiGi為我地獻唱Fly Me To The Moon～」阿雪喺台上請阿Wing同GiGi出場後...行返落台...
個幕一打開，我就見到阿Wing翹住對腳坐喺張高凳道...
條校裙短到上大脾...一對雪白既大脾...差D就見到底底...
阿Wing手拎住結他...
結他聲開始響起...
“Fly me to the moon And let me play among the stars”
“Won't you let me see what spring is like On Jupiter and Mars”
電子琴同結他聲伴奏下，阿Wing把聲格外清脆...
“In other words, hold my hand!”
“In other words, darling, kiss me”
電子琴嗰邊既係...GiGi。
“Fill my heart with song, And let me sing forevermore”
一個玩電子琴，一個玩結他...
“Cos, you are all I long for All I worship and adore”
兩個完美既少女喺台上面，俘虜晒台下萬千色狼心...
“In other words. please be true!”
除左我...
“In other words, I love you!”
我既視線都仲喺台下既阿雪...
阿雪真係好迷人…
我覺得台下既阿雪，比起台上嗰兩位隔離校既校花更迷人...
唔知呢D係唔係叫做情人眼裏出西施呢？
我真係覺得阿Wing加上GiGi都唔夠一個阿雪咁吸引...
我真係好愛阿雪呢...
“In other words. please be true!”
“In other words, I love you!”
“Oh! Oh! I love you!”
“啪 啪 啪 啪 啪 啪 啪 啪 啪 啪”
「WOOOOOO～～～END CALL～END CALL～END CALL～」拍掌聲同尖叫聲此起彼落～
台上面既阿Wing同GiGi都尷尷尬尬咁笑笑口，揮揮手～
好心你地班色狼就唔好咁狼啦！
嚇到人地花容失色喇！
「好喇好喇～我知道大家都好鍾意阿Wing同GiGi～但佢地都係百忙中抽到少少時間為我地做嘉賓架咋～我地都係唔好阻住佢地喇好唔好丫？」阿雪上台打完場。
「好～～～」好彩D色狼都總算有返D品～
唔係既話就真係失禮死人～
「好喇～咁喺呢個時候，就要請我地既評判俾D意見我地D參賽者啦～」阿雪交一交支咪俾音樂科老師...
之後既野，大概都係D乜乜乜“其實咁多位參賽者都真係好出色～”、“戰況相當激烈～”、“真係好難揀得落手～”呢D咁既廢話～
你就緊係揀唔落手啦～個個都唱到一舊屎咁！
最慘仲要係自己D學生丫嘛～
都唔知話自己教得差，定係佢地無資質好喇～
「今年既歌唱比賽完滿結束～下年再見～拜～～～」阿雪同埋身邊舊番薯埋尾後，一班毒撚餓狼就狗衝上前！
為既就梗係阿Wing同GiGi啦～
個個都拎晒筆，要阿Wing同GiGi幫佢地喺身上件校服簽名喎～
有D仲要簽喺條褲道添...
真係一班死變態～
當GiGi摸住Cyrus胸口，幫佢簽返個名既時候，Cyrus直頭流晒口水咁望住GiGi！
望住Cyrus呢個鹹濕樣，頓時之間真係分唔清男人同狗公有乜野分別...
而我...我就更係無佢地咁變態啦～
我只係企喺遠處，望住阿雪...
阿雪企喺側邊，控制梗班色狼唔好獸性大發～
阿雪真係幾時都係咁迷人～
始終，無論喺我心裏定係眼裏，都只有阿雪...
放左學之後，我地既籃球隊同埋女子排球隊都要留喺學校練波～
而呢段時間，可以話係我一日裏面，最開心既時刻～
因為又可以留意住阿雪既一舉一動～
阿雪著住件粉紅色既短袖練習衫做緊熱身～
阿雪既一舉手，一投足，都好似蝴蝶喺花間中翩翩起舞～
真係靚到...
『哎呀！』我都仲未將“閉月羞花”諗埋出黎，我就食左個波餅...
「喂！專心D得唔得架你？！」周柏豪師兄指住我黎鬧...
仲要鬧得鬼咁大聲！
『專心緊囉！』我求求其其Hea下佢！
屌！慌你唔係見到我?緊阿雪，襯機一個波掉埋黎向我宣示主權咩！
仆你個街，我夠知你對阿雪有意思咯！
老老柒柒你係高過我少少型過我少少靚仔過我少少成熟過我少少大隻過我少少好波過我少少，但有一樣野你一定唔夠我黎既！
就係專一！
我對阿雪都不知幾專一！
由中一第一眼見到阿雪，我就鍾意佢到而家！
呢樣野你拍馬都追唔上呀！
不過...又講返轉頭...專一又有乜用呢？
好多時D毒撚都係好專一，結果唔係一句：「對不起，你是個好人。」就係：「一直以黎，我都當你係哥哥...」
屌！講到尾都係做人做得好，單身單到老...
再望一望已經熱完身，開始練梗波既阿雪...
無時無刻都帶住笑容，身上總會發出神聖既光芒...
我地之間既距離...點解好似...從來都無...拉近過咁架呢...
練完波...天都快要黑...
「喂！你呀望！收返晒D波先好走呀！」我又俾條仆街周柏豪點去執野...
屌你條仆街，就係識得指指點點，其他就乜撚都唔識！抵你唱死一世當兵歌！
黃色既燈照到落球場...照到落我身上...
我一個人就喺個球場上面，對住一地都係既籃球...執下執...執下執...
女排嗰邊D人都走晒喇...
阿雪既身影都消失左喇...
一個人喺夜幕下，真係有D寂寞...
唉～其實毒撚一個更開心～駛撚你講～～～
執下執下，幾經辛苦先執返晒D籃球...
我就推住一車籃球去體育室...
當我推到去體育室門前，我已經見到有D光由體育室裏面射出黎。
邊個咁無手尾呀？走又唔熄燈！好唔環保架嘛！
當我推到架車入去體育室之時，我俾眼前既畫面嚇到呆撚左！
我...我見到...我見到阿雪...
我見到阿雪喺體育室入面...
原來阿雪仲未走...
但當然，就算係毒撚如我，見到女神姐～都不至於嚇到目定口呆！
而嚇到我目定口呆既原因，係因為我見到阿雪著住白色既吊帶背心...白色既底底...用件校裙半遮半掩咁望住我！
點解我會睇到白色既吊帶背心...白色既底底...？因為阿雪係道換梗衫！
面對住雪白無瑕既阿雪，我地對望左幾秒，我都仲未識得反應過黎...
當阿雪再用力捉一捉梗佢件藍色校裙之時...
『對唔住呀！』我連架車都唔理，跑返出去出面！
我跑返出去之後，背靠牆身...
『嗄…嗄…嗄…嗄…嗄…』嚇撚死我喇...嚇撚死我喇...
點解...點解阿雪會喺體育室裏面換衫架呢？
死喇死喇...阿雪一定會覺得我係死變態佬，?佢換衫...
仆街喇呢次...仆街喇呢次...我唔係有心架...我真係唔係有心架！！！
我都唔知原來阿雪喺裏面既...我真係唔知架...
『嗄…嗄…嗄…嗄…嗄…』點算丫...點算丫...今次實俾阿雪嬲死啦！
當我仲黐喺塊牆道驚青梗既時候...
“咯 咯 咯”我聽到幾下輕盈既腳步聲...
“咯 咯 咯 咯 咯 咯”行梗埋我呢邊...
而我既心跳，亦都跟隨“咯 咯 咯”既腳步聲跳動...
『嗄…嗄…嗄…嗄…嗄…』呼吸亦越黎越快...
“咯 咯 咯”當腳步聲行到我身邊既時候，我望一望過去...已經換好套校裙既阿雪，企定定咁望住我。
『阿...阿雪...我唔係...我唔係...有心...唔係有心...』我口震震咁講唔到我想講既野...
「唔緊要啦～」阿雪笑一笑回答。
『唔係唔係…我真係唔係...真係唔係...』我緊張到個腦一片空白...
「我知架喇～你唔駛咁緊張～」阿雪仍然保持微笑。
『唔係呢...我真係唔係...唔係呢...真係...』我想講咩丫？
「好喇好喇～你想賠罪既話，請我食返餐晚飯喇～反正我今晚都無飯開～」阿雪拍一拍我膊頭...
『我...我...哦...哦...』真係咁簡單？
食返餐就當賠罪？！
「想食D咩呀？」一入到太興，凳都未坐熱，一個火爆阿姐就行埋黎招呼我同阿雪...
「我想要個晚餐B～凍檸蜜～」阿雪好快就諗好食乜。
『ER…我...ER...要...ER...』而家既我仲係六神無主咁既樣...
「依依哦哦咁！你有選擇困難症架？快D啦！阿姐我仲有好多野做架！」個火爆阿姐仲要催催我...
『ER…ER…ER…是旦啦！我都要個晚餐B！凍撚死呀！』唔好再迫我喇！
「而家D中學雞真係無鬼用！」個火爆阿姐口噏噏咁行左去...
你呢D大陸婆又好得我地好多咩！
都係唔好理個大陸婆咁多…而家既我，要面對面前既阿雪...
頭先我...我唔小心?到阿雪換衫...
而家阿雪仲要坐喺我面前...我應該要點樣面對佢呢？
但望住面前放鬆晒成個人，挨喺張凳上既阿雪，又好似無乜野咁...
我應該...點開口...好呢...
『阿雪...頭先我真係無心?你換衫...我唔知你喺入面除剩件吊帶同底褲...我真係唔知架...』醜婦終須見家翁...都係坦白D面對啦...
「我真係無怪你喎～」阿雪笑一笑，「其實我都有唔岩既～我見更衣室鎖左，本來就打算唔換衫就走架喇～但又好似好大汗咁～咪諗住去體育室換囉～我又無留意到原來仲有人未走喎～」
『但...我...』我都仲未要將我要講既說話講完...
「唔駛但係喇～你都唔係見到我好多野姐～」阿雪向我打左個眼色...
咁都叫唔係好多？
吊帶背心同底底喎...
我而家諗一諗，都好似罪犯滔天...褻瀆神明咁既樣...
「你地D男仔，唔係對嗰D A片好有興趣架咩？嗰D片咪仲多野睇～」阿雪又望住我笑一笑…
『我...我係對嗰D A片有興趣...但...阿雪既裸體，我係唔會有興趣！』我面紅紅咁講左句連自己都唔明白既說話...
阿雪呆呆咁望住我：「點解係我既裸體就無興趣？」
死喇...不自覺咁同阿雪講左D奇怪既說話...
其實我係想講我對阿雪唔會心存邪念...
「我都明既～我又無身材～係唔夠吸引力架喇～」阿雪合埋雙眼擰擰頭...
『唔係…唔係…』我都未將我要講既野講出口...
「凍檸蜜～凍撚死呀！」個火爆阿姐大大力咁放左杯凍撚死喺我面前。
屌你老味阻撚住晒！
「咁你覺得阿Wing同GiGi點呢？」阿雪飲一啖凍檸蜜問。
『阿Wing同GiGi...唔...GiGi係靚，但外表冰冷...好似生人勿近咁...阿Wing就親切好多～而且真係好似Heidi～』上年佢地黎，已經覺得阿Wing好似Heidi～今年就仲更加似～
「嗯～睇黎你係鍾意阿Wing嗰類既男仔～」阿雪打量左我幾眼...
『唔係丫唔係丫！我唔係鍾意阿Wing架！』死喇！俾阿雪誤會我鍾意阿Wing！
「唔駛怕羞喎～好似阿Wing呢D咁可愛既女仔，緊係多人鍾意架啦～」阿雪點一點頭。
『你都好靚又好可愛架！仲好似謝安琪！』如果要我揀Heidi定謝安琪，我一定係揀謝安琪！
「哈哈～多謝喎～我都覺得自己有少少似謝安琪～不過就係仲未遇上我既張繼聰姐～」阿雪笑得好燦爛...
望住展露出甜美笑容既阿雪，我有D唔係好明頭先佢嗰句係咩意思...
講真句，我相信以阿雪既美，一定有好多人追...
至少校草一直追梗阿雪，呢個事實人所共知...
但阿雪口中既張繼聰，又會係一個點既人呢？
「兩個B餐！」火爆阿姐DOM左兩碟野落檯面後...
「好野～有野食～練完波真係好肚餓呢～」阿雪已經急不可待咁開餐。
望住面前既阿雪，我真係望唔透...
或者我根本就唔係好了解阿雪啦...
了解...了解...我從來都無了解過阿雪...
究竟阿雪...係一個點樣既女仔呢？
同阿雪食完晚餐後，我同佢一齊行返屋企。
今晚既街道相當寧靜...比平日更加寧靜...
喺暗黃色既街燈照射下，街道上就只有我同阿雪...氣氛好似好浪漫。
行下行下...
「今餐好飽呢～」
傾下傾下…
『我估唔到你咁細粒，但咁好胃口架喎～』
「我食極都唔肥架～」
『天生麗質難自棄？』
「哈哈～你都可以咁講既～但我都唔算得上好靚姐～」
『成個謝安琪咁都話唔靚丫？』
「你好鍾意謝安琪架？」
『我諗無乜邊個男仔唔鍾意謝安琪囉...』
雖然我地不時都有膊頭撞膊頭，看似親密～
但我硬係覺得，我同阿雪之間...好似有一道牆…一道無形既牆…
「夜晚真係好靜丫呵～」當阿雪行到去位處樓下既公園，佢坐左喺個韆鞦上...
睇住阿雪條校裙飄下飄下...
沿住阿雪既婆仔鞋...上到去白色既學生襪...再上到去白滑既小腿...白滑既大脾...就快見到D唔應該見到既野...
「喂喂～」阿雪向我喂左兩聲...
『下下係？』仆街喇...掛住?都無聽到阿雪講乜添...
「我話～夜晚真係好靜丫呵？」阿雪冷眼望一望我...
『嗯嗯...真係幾靜下...』死喇...會唔會俾阿雪發現我想?佢裙底呢？
我岩岩先唔小心?到阿雪換衫...
而家都未解釋清楚，又俾佢誤會我想?佢裙底...（誤咩會姐？明明就係想?！）
阿雪會唔會覺得我好鹹濕...會唔會覺得我好變態...會唔會避開我架？！
「再夜D既話，個天再黑D既話，仲更加靜...」阿雪抬頭望一望個夜空...
我亦都跟住阿雪，抬頭望住個夜空...
雖然我唔係好明阿雪想講乜，但係...咁樣望上夜空，原來係咁靚～
置身喺呢個燈火通明既石屎森林下，雖然唔可以話睇得到萬天星宿，但至少有明月相伴～
「有陣時，我都真係幾鍾意寧靜既環境～」阿雪保持住盪下盪下。
『嗯～喺熱鬧既都市之中，有時得到片刻既寧靜又真係幾舒服～』但長久既寧靜又幾時可以擁有呢？
「有陣時，我都會鍾意一個人...一個人行下...睇下野...一個人喺世界上尋尋覓覓...」阿雪無撳住自己條校裙，校裙就越飄越高...
『你都會有鍾意自己一個既時候？』我對眼不期然咁俾阿雪既裙下春光吸引住...
「有時都會架～一個人都幾舒服丫～」阿雪仍然望住個夜空，點一點頭。
『但我睇你平時有咁多朋友喺身邊，而且仲咁鍾意笑，咁樂天添～唔多似會鍾意一個人...你唔會覺得寂寞架咩？』我對眼無離開過阿雪既裙底...
校裙飄下飄下...由一對雪白既大脾之間...我已經隱隱約約咁見到...見到阿雪既...白色底底...
「乜我係你眼中，真係咁怕寂寞架咩？」阿雪望一望我...
『ER…我諗每個人都會怕寂寞架啦...』死！又被發現望左D唔應該望既野！
「其實寂寞都係一種感覺...每種感覺都可以好好享受...」阿雪將視線放返喺天空上...
寂寞都係一種感覺...每種感覺都可以好好享受？
呢句說話...有D高深...
一種負面既感覺，又點可以好好享受呢？
如果話要好好享受一種負面既感覺...即係話...
『咁樣等同於自虐...』我認真咁望住阿雪...
就喺呢個時候，阿雪亦都好認真咁望住我雙眼...
彼此之間，互相對望左好一陣子...
時間亦好似被停頓了一樣...
呢種氣氛...好似有D緊張...
緊張到有D令人感到窒息...
「自虐還是自賞，就只有自己知道呢～」阿雪再次將注意力，放返喺夜空明月上...
自虐還是自賞，就只有自己知道...
我地每個人都係咁...
每個人喺人面前，都會俾到人唔同既感覺...
而人地眼中既你係點都好，唔會清楚你既感受。
最清楚自己感受既人，始終都係你自己...
「一個人既時候，可以做好多自己想做既野。眼中就只有自己想睇既野...可以好好咁記住完完全全屬於自己既時刻...」阿雪閉起雙眼，盪下盪下...
月亮既光芒照射到阿雪既面上...身上...就好似打左Sportlight一樣，成為左呢個舞台上既女主角。
眼定定咁望住面前既阿雪，這麼近...那麼遠...
如果阿雪係女主角既話，咁喺同一個舞台上既我，究竟係男主角，定係路人甲呢？
「多謝你餐晚飯喎～」行到去阿雪屋企樓下，阿雪帶住微笑點點頭。
『唔多謝...唔多謝...賠罪丫嘛…』係我有錯在先...
「嗯嗯～咁就當無數～你唔好再放喺心裏面喇～」阿雪拍一拍我膊頭。
『哦哦...』好難唔放喺心裏面喎...
阿雪既白色吊帶...阿雪既白色底底...阿雪既雪白嫩肌...
「不過...你要應承我多一樣野！」阿雪變得好認真咁望住我...
『我咩都應承！』就算要我死，我都會應承！
「就係唔可以J我～你應承左架喇！唔可以諗住我黎J丫～」阿雪向我伸出手指尾...
『哦哦...』我呆呆咁勾一勾阿雪隻手指尾...
阿雪用佢既手指公掂一掂我隻手指公...
「拜拜喇～」阿雪揮揮手，轉身行入大門...
望住阿雪條校裙擺下擺下...
我真係可以唔J阿雪嘛？