《情困之時，我遇上了自稱情性的情聖》: [Case 01－毒男女神] PART 01
夜空明月影照下，我將女神推倒喺沙灘上。
喺四周無人既沙灘上，我雙手壓住女神既膊頭，仲要露出條白色Bra帶...
男上女下咁望住女神一對不安、驚訝、甚至係恐懼既眼神...
個嘴仲要O到好似平時用開嗰隻初音Mary咁...
我仲感覺到，女神既呼吸開始急速...
「嗄...嗄...」女神胸前一對乳房起起伏伏...
我開始有D後悔...後悔向女神講出嗰三隻字...
但我更後悔既係，點解當初會聽嗰個自稱情性既情聖點！
唉～故事總要重複同樣的發生呢～
咩故事？
是咁的...
大約喺上年年尾既時候，我喺Facebook上見到有個專頁～
上面話：「只要你不是戀兄、搶男友、師生戀，所有情困我也可以為你一一解開。」
呢個標題都真係幾搶眼！
情困喎～我諗暗戀又好～單戀又好～雙戀又好～失戀都好啦，總有一樣困擾住你。
而家有人話可以為你一一解開喎～係唔係好吸引先？
最重要既係，佢上面寫到明係免費！
免費喎～街邊有個女仔話俾你免費摸下，你話知佢係人妖定癲婆，緊係起勢亂咁摸～
再睇一睇專頁既主人...
『情性？』我望住個芒，呢一刻就真係有D困惑。
困惑既係一個連自己個名都打錯既人，點信得過丫？
等等先...唔係喎...之前好似有個大作家都係打錯自己個“性”字...
唉～都係唔好理咁多，反正過左咁多年，都係同女神無乜進展...Inbox左佢先算啦～
我喺個Facebook Messenger快快手手打左幾隻字：“我有情困”
唔駛幾秒就有回覆！
我睇一睇個Message Box...係一個日期、時間、地點...
古古怪怪咁...會唔會係D層壓式推銷...又或者係保險嗰D衰野黎架...
唉～算啦～我只係一個十六歲既中學生，就算係呃都無野俾到佢呃～就應承左佢先啦～
“OK”
“到時見。”
真係幫到我？希望啦...
過左兩日之後，即係會面當日，我比約定時間早左去約定地點。
因為我都幾緊張下...
我地呢D毒撚，平日街都唔多出，最多都係會去附近既球場打下波。
家下仲要話過海咁鬼遠，頭先過黎真係差D連站都唔識落！
所以都係早少少過黎好D～
而約定既地點係一間...Coffee Shop？
佢呢道個名係咁寫“Whirling Coffee”，所以我諗係掛～
之不過...當我入到黎之後，又唔似係專賣咖啡...
我比較覺得...呢道似賣相多D～
呢間樓上Coffee唔係太大，座位都係得五、六個。
而整間Coffee都係以白色為主。
白色既牆身、白色既檯凳、白色既櫃，咩都係白色。
而除左白色之外，就只有黑白相。
一張又一張，大大小小既黑白相...有D係掛喺牆上，有D係放喺櫃檯上，構成黑白分明既空間。
而最特別既係，所有相都有個價錢，而價錢都唔平。
閒閒地一張4R相都要成二千大元！
二千蚊對我呢D中學雞黎講...真係科多幾次金，抽多幾次蛋好過啦～
而呢道既咖啡丫～甜品丫～彈膠丫～鹹餅丫～都係三十幾四十蚊左右...
所以我都係覺得呢道似賣相多過賣咖啡。
而整間Coffee最吸引我既，都係...
「你要既Latte～請慢用～」店員姐姐放低左杯咖啡，向我點一點頭後...
『唔...唔該...』我面紅紅咁點一點頭...
店員姐姐又向我微一微笑後，轉一轉身，條黑色短裙飄一飄起後離開...
好白呢...對腳真係好白呢...
一對修長既美腿丫～搞到我心跳加速！
就連我條未用過既JJ都要硬起來！
嗱～呢間絕對唔係D乜野女僕Coffee，而且整間Coffee都只係得呢個靚靚姐姐打理。
無論係沖咖啡、送咖啡、收錢、打掃，都係呢位靚靚姐姐一手包辦！
之但係...呢個靚靚姐姐又會唔會靚得太過份？
又會唔會係呢道既老闆娘呢？
認真D睇呢個靚靚姐姐...有D似...龔嘉欣？！
睇真D又真係有幾分相似～
我既視線一直都俾呢個靚靚姐姐吸引住...
雪白無瑕既美腿喔～精緻可愛既臉蛋喔～
著條咁短既短裙仔，係唔係專門用黎勾引男人架呢？
可唔可以勾引埋我呢D青頭仔呢？
可唔可以俾我過下手癮呢？
只係摸一摸...摸一摸我都心滿意足架喇...
我一路?住靚靚姐姐對美腿，一路幻想...
直至到...
「早左喎。」一把成熟既聲音出現！
我望一望返正面，見到有一個好似古天樂咁既人坐喺面前！
『HI...你就係...』我都未將我要講既野講完...
「係，我就係情性。」古天樂...唔係...情性向我微微一笑...
望真D，一個西裝筆挺，充滿自信既成熟男人...就係情性？
再睇清楚D，我諗佢大約有廿八、九歲...
而我再望多兩望，對眼就好似俾佢對囧囧有神既雙眼吸住左咁！（囧囧俠？）
我好似...俾佢既魅力吸引住！
「你要既Eespresso～」靚靚姐姐幫我擋一擋！
嘩嘩嘩！差D俾古天樂電到中途轉GAY！
冷靜D冷靜D...
我唔想仲未掂過女仔既身驅，就愛上左男人既巨棒...
分散注意力，放去其他地方...
都係將視線放返喺靚靚姐姐道先～
嘩～姐姐丫～條裙好短丫～睇到條底裙喇～有Lace架～對腳好白丫～好想舐舐丫～
「你既問題，一定唔會係戀兄同搶男友...亦唔會係師生戀掛？」情性飲一口咖啡。
『唔係唔係...』我擰一擰頭。
「唔...咁你講下你自己既野俾我聽。」情性翹一翹腳，坐定定。
『我...我叫梁嘉偉，英文名係Gary...今年十六歲...讀梗中五...住喺屯門...我有爸爸媽媽，仲有一個哥哥...讀書唔係話好叻，但鍾意打籃球...』我怕怕羞羞咁自我介紹。
「OK～OK～」情性微微咁笑一笑，「Gary...咁你既感情問題呢？一直困擾住你既感情問題，係點樣架呢？由開始...到現在...」
我眼定定咁望住情性雙眼...
『我既...我既...感情問題...』
要講到我既感情問題，就要講返起岩岩升中一那一年...
岩岩升中一嗰一年既第一日，晨早流流我就喺間七仔出面等梗人。
我一個人，著住整齊既校服，孭住個Outdoor背囊，喺間七仔出面等下等，傻下傻下咁等...
等下等下...
「喂～Gay～」一把令人討厭既雞仔聲嗌過黎。
唔駛睇都知，呢把聲既主人一定係謝梓麟！
『謝梓麟...我等左你十五分鐘喇！你幾時先學識唔會遲到丫？仲有，我叫Gary丫！』我冷眼望一望謝梓麟。
呢個青靚白淨成個韓仔咁既小朋友，就係我由小一玩到而家既好兄弟－謝梓麟。
我相信，每個人都會有一個好似謝梓麟咁既好兄弟陪伴成長～
點好法？咪又係嗰D無啦啦奄下你春袋，有功課一齊抄，出貓一齊出，衰左會篤埋你出黎嗰D好兄弟囉～
但就係因為多得呢D好兄弟，先學識點喺呢個世界上，對付呢D仆街仔～
「都係一句姐～Gay～我夠叫你唔好響我全朵啦～你咪又係謝梓麟～謝梓麟～咁叫～」謝梓麟搭一搭我膊頭。
『我覺得謝梓麟～謝梓麟～咁叫，好聽過Cyrus～Cyrus～囉～』我繼續冷眼望住謝梓麟。
「嗱～唔好講咁多～你叫返我做Cyrus既話，我就請你食早餐喇～」謝梓麟搭住我走入去七仔裏面。
『Cyrus哥～Cyrus哥～』人就係咁現實～
講一聲就有免費早餐喎～何樂而不為呢～
不過所謂既早餐，都只不過喺七仔既三文治加維他奶～
真係...你～你的真摯使我沒疲累～
老實講句，小學升中，換上一個新既環境，一個陌生既環境，真係有D緊張...
所有野都好似要重新黎過咁既樣...
以前一齊玩開既朋友，有好多都去左唔同既學校...
又要喺個陌生既環境，認識陌生既人...
真係唔緊張就假既！
不過就喺我同Cyrus喺七仔張Bar檯，食梗個三文治既時候，呢份緊張感覺突然消失！
取而代之既係...一份驚嘆...
因為，眼前突然出現一個女仔...
一個梳上All Back高馬尾，著住藍色校服，爧爧地既婆仔鞋，全身白到識發光既女仔行左入黎七仔！
你可能會問咁樣有乜咁特別？咪又係學生妹一個～
特別就係特別在我認得出佢件藍色校服，喺我地將會入嗰間中學既校服！
呢個女仔...同我地同校？
我眼定定咁望住呢個一直帶住微笑既女仔行去個雪櫃道，拎起盒維他奶，行去櫃檯俾完錢後，行左出門...
我久久都未回到神來...靈魂就好似早就俾頭先個女仔帶埋出門口咁...
『Cyrus...你見唔見到丫？你見唔見到丫？』我仲係眼定定咁望住個門口。
「嗯？見到D乜丫？」Cyrus唔多理會我。
『頭先嗰個女仔丫！頭先嗰個著住我地間學校既校服嗰個女仔丫！你見唔見到丫？』我仲係眼定定咁望住個門口，起勢拍Cyrus膊頭。
「頭先買奶飲嗰個？適應班嗰陣時見過啦～同我同班既～」Cyrus仲係懶懶閒咁飲梗佢包奶。
『下？同你同班架？點解唔係同我同班架？點解丫！！！』我感到萬分失落。
我同Cyrus由小學一年級就同班到六年級。
但一上到中學，大家就要分道揚鑣...
Cyrus去左B班，我就去左C班...
起初知道既時候，已經覺得好慘架喇～
但呢樣原來都唔係最慘，最慘既係點解Cyrus嗰班有個天使一樣既女神！
點解丫！！！
「做咩丫？睇中左人丫？」Cyrus樣衰衰咁望住我。
『都真係睇得幾中架...佢咁靚女...仲好似...有D似...』我仲未諗到似邊個之時...
「似淫Kay丫嘛～」Cyrus講出左我想講既答案！
『係丫！真係有少少似淫...謝安琪丫！好心你收下把口啦！淫乜鬼姐淫...』真係有幾分似謝安琪！
只係細笠版，小童版～
但就因為細個既關係，總係比起謝安琪天真可愛純潔得多～
『咁佢叫乜名丫？』我再拍多幾下Cyrus膊頭。
「唔...好似姓黃？定王？咩...雪...唔記得喇～等等返去點名既時候，幫你留意下啦～」Cyrus都係唔多在意咁既樣Hea答我...
『你係先好丫～你要記住幫我留意丫～』我繼續拍多幾下Cyrus膊頭。
「得喇得喇～學都未正式返，就發晒姣咁...」Cyrus唔奈煩咁點點頭。
女神，就喺第一眼見到佢既一剎那，我就已經認定左佢係我既女神！
每個人都一定會有咁既機會，一個會發光既女仔喺你面前出現，你就知道佢就係你生命中要遇上既女神！
Facebook好多分享出黎既圖丫～文丫～都係咁講～
初初我都以為D人吹水～但而家我明喇！親身體驗過之後既我就明白晒喇！
呢種感覺...疑幻似真得黎...又相當真實呢！
Cyrus亦都好守信用，幫我留意到女神叫咩名～
原來女神全名叫黃雪美～
真係人如其名，白如雪～美如仙～
雖然Cyrus話阿雪個人好Nice～無架子～咩人都好傾得～好玩得～仲話可以介紹俾我識添～
但係...喺中一既一整年，我都只係返學喺校門偷望下佢...小息望下佢打排球...Lunch行過佢班房又借機偷望下佢...放學話就話等埋Cyrus，實質就係想跟住阿雪後面返屋企...
雖然我想接近阿雪，但我又唔想去結識阿雪...
我都唔知點解...可能係我怕羞啦～
只係喺遠處望一望阿雪既笑臉，我都已經面紅耳赤...
但我更加覺得，我係想同女神保持兩秒距離。
我總係覺得，凡人唔應該太接近女神...
就連行近兩步，都好似褻瀆神明咁既樣...
褻瀆神明喎！輕則火燒春袋，重則JJ與肉身分離！
所以，一直都唔敢接近女神...
一直都係咁，成年都係咁，只係可以躲喺遠遠既陰暗處，偷偷望一望女神一眼...
只要每日都可以望女神一眼，我就心滿意足架喇...