《情困之時，我遇上了自稱情性的情聖》: [Case 14－我的米奇] PART 18
今日既我著住米黃色為主既花花吊帶短裙～白色平底涼鞋～
一個人撐住把黃色既雨傘～
“啪 啪 啪 啪 啪 啪 啪”擋住風雨～企喺公司樓下等～
今日既我心情都真係好好～
超級好～
點解會咁好心情？
唔...因為...
前晚目送飛揚BB離開之後，我就收到Amy既WhatsApp...
內容係...“尋日James同Ashlynn已經去完旅行返黎”
去完旅行返黎當然唔係重點...
重點係佢地去旅行既時候搞D乜...
James同Ashlynn喺東京搞過D乜…我尋晚...已經喺Ashlynn既Facebook道見到晒～
點解Ashlynn可以咁明目張膽？
因為飛揚BB既狀態已經回復單身...
真係估唔到...估唔到會咁快...
唔知飛揚BB同嗰條港女八婆攤牌既情境會係點架呢？
唔知飛揚BB會唔會發晒火呢？
會唔會忍唔住兜巴車落條港女八婆塊面道呢？
我諗飛揚BB咁紳士，一定唔會對女仔郁手既～
最多都係爆粗鬧條港女八婆係雞～
唉～我都真係好想睇下飛揚BB點樣數臭條港女八婆丫～
“灑 灑 灑 灑 灑 灑”雨不停落下來～
我就拎住把黃遮仔企下諗下～企下諗下～
諗下諗下我就望到飛揚BB既身影～
飛揚BB好似…望住部手機…
『飛揚～』我喺雨簾之間向住對面馬路既飛揚BB揮揮手～
仲要好似望得有D入神...
「Emma～」飛揚BB都隔住條馬路～隔住雨簾～向住我揮揮手～
飛揚BB返黎喇～已經脫離左條港女八婆魔掌既飛揚BB返黎喇～
「橫風橫雨丫，快D入去先啦～」飛揚BB跑到去我面前，立即拉我入大堂～
『係丫～三號風球喇～天文台好似話會打得成喎...』我望住出面既環境～
好大雨～仲好似越黎越大雨～
「不過點勁都好，我就話一定打唔成喇～香港勝在有李氏力場～」飛揚BB好似好老定咁～
『我就話唔係喇～嘿嘿...』但我就好有信心今次一定打得成～
「做咩唔上去先呢？整到個身都濕埋喇。」飛揚BB拎出紙巾～幫我抹一抹手臂同膊頭D雨水～
飛揚BB好溫柔～好細心～
『想等埋你先丫嘛～』我就甜絲絲對住飛揚BB笑一笑～
有飛揚BB咁溫柔有細心咁照顧我，淋濕晒都抵啦～
「咁都可以入黎等架姐～淋濕身好易病架～」飛揚BB用上大哥哥咁既口吻～
『咁...人地個心喺你道...唔諗得咁多架嘛…』我就嗲嗲地～
飛揚BB已經回復單身～我就唔再需要避忌咁多～
飛揚BB望一望個大堂：「ER...趁而家無乜人，我地不如上去先啦...」
『嗯～』我就甜絲絲咁翹住飛揚BB行～
可以名正言順～光明正大咁翹住飛揚BB行～
乜之前好唔名正言順光明正大咩？
唔係丫～前幾日我都係咁樣翹住飛揚BB行架啦～
不過而家...總係無左嗰種...嗰種“翹住人地個男朋友”既頂心頂肺不快感咋嘛～
而且而家仲...仲好似...情侶咁既感覺呢～
“啪啪啪”入到公司飛揚BB開晒D燈～
『係呢～頭先見你望住部手機望到入晒神～有咩睇？係唔係睇靚女？』我放好個手袋仔之後坐定定～托住頭望住飛揚BB～
「唔係唔係～唔係睇靚女...ER…都可以話係既...」飛揚BB諗下諗下～又尷尷尬尬咁～
『睇咩靚女？有幾靚？我又要睇！』我叉住條腰行左過去飛揚BB身邊！
岩岩先同女朋友分左手就睇靚女？！
「ER…無…我細妹咋嘛…嗱～」飛揚BB俾個Lock機畫面我睇～
我接過飛揚BB部電話後：『哦哦哦～呢張相我尋晚喺你細妹個Facebook道見到～一Post出黎就成萬個Likes～勁靚女～同Heidi企埋一齊都分唔到邊個係Heidi，邊個係你細妹～』
阿Wing真係勁靚女～
講真嗰句，飛揚BB有個咁靚女既細妹...係有乜感覺架呢？
仲要…自己個細妹對自己有意思...
唔知飛揚BB察唔察覺得到呢？
我諗...飛揚BB一定察覺唔到～
呢D...都係女人之間先會感覺得到...
感覺得到阿Wing係有心宣示主權...向我宣示主權...
話俾我聽飛揚BB係屬於佢既...叫我唔好諗住搶走佢...
就正如我都有向阿Wing暗示我係唔會放棄～我都會爭取～
就算係同阿Wing分飛揚BB...我都唔會介意...
不過...唔知阿Wing又肯唔肯呢～
「你對阿Wing都幾好奇架喎～」飛揚BB困惑咁問～
『我係想了解你多D姐～』我就向飛揚BB打左個眼色～
飛揚BB好似一頭問號咁～
『我係睇睇下你個Facebook見到你細妹Tag左你...』我彎一彎腰～喺飛揚BB身邊控制佢部電腦～
我撳下撳下～
開下飛揚BB個Facebook出黎～
又碌下碌下咁～
『嗱～你睇下～Tag左你架～』我喺飛揚BB個Facebook碌到去阿Wing同Heidi嗰張合照～
其實阿Wing同Heidi呢張合照，我喺尋晚碌下飛揚BB個Facebook既時候就已經見到～
Tag左飛揚BB...除左係將呢張相送俾飛揚BB之外...仲係等我碌飛揚BB個Facebook之時...俾我見到佢同Heidi有幾咁似樣...
比起Heidi仲要青春D...
仲要吸引D...
俾起飛揚BB既女神Heidi...更吸引...
「係喎…仲要過左九萬幾個LIKES？！」飛揚BB好驚訝咁～
『D Comments都好正架～不過大多數都係男仔留～』我指一指住D Comments～
「D狗公真係好煩！」飛揚BB好似有D火火地咁～
『你有D酸味喎～』我恥一恥笑飛揚BB～
睇黎…阿Wing都真係一個障礙...
假如真係要同飛揚BB發展...都要諗下點樣過阿Wing呢關先得...
「邊係呢...只係...唔想自己細妹俾D狗公煩住...」飛揚BB嬲嬲豬咁～
都係既～D Comments有D寫住好靚女丫、Nice to meet you丫、我真係好鍾意你丫、Wing Wing～:P丫、Wing Wing係我老婆丫、起雙飛丫、好想啪啪啪啪啪啪啪啪啪啪啪啪啪啪啪丫、一Q幾錢丫、可否交合丫...
都真係幾衰下...又難怪飛揚BB會嬲嬲豬既～
『不過你又唔使擔心喎～照我睇，你細妹都唔在意班男仔～你細妹都無覆過佢地～』我就繼續碌嗰幾萬個Comments～
你細妹就係在意你一個架姐～
「咁多Comments，俾我都唔覆啦～你應該好清楚架～」飛揚BB眼定定咁睇住我碌下碌下～
『嗯？』我碌大對眼仔，頭上面多左幾個問號～
「你D相閒閒地都十幾萬個Comments架啦～」飛揚BB恥笑一下我～
『乜你都有留意我...架咩？』原來...
原來飛揚BB...
飛揚BB都有留意我...
我面紅紅咁望住飛揚BB...
講得出我D相閒閒地都十幾萬個Comments...即係都有留意我D相...
留意我D相...
唔知飛揚BB覺得我D相影成點呢？
唔知飛揚BB鍾唔鍾意呢？
唔知飛揚BB會唔會俾我D相迷住呢？
其實當我知道飛揚BB好鍾意望我對腳之後...我時不時都會影D曬腳相Post上Facebook...
我都係想引下飛揚BB既注意...
用我對腳...引下飛揚BB既注意...
「咁你D相多人LIKE丫嘛～好難留意唔到既～哈哈...」飛揚BB尷尷尬尬咁傻笑～
『但其實我唔係咁鍾意俾咁多人LIKE...我只係想俾你一個LIKE...』我就繼續碌飛揚BB個Facebook...
其實我影咁多曬腳相...都只係想俾你一個睇...
我都唔鍾意俾其他男人睇既...
只係...我唔公開出黎...只係俾你一個睇到既話...又好奇怪咁...
不過而家知道飛揚BB都有留意到我D相，我就開心晒啦～
可以俾深愛既人欣賞到自己既美麗，係女人最大既幸福～
如果唔係，又點會花咁多時間去保養～去Keep Fit～去裝扮自己喎～
一切一切都係為左深愛既男人～
我就繼續碌～碌碌下碌到去飛揚BB已回復單身～
就喺呢道，飛揚BB捉住左我隻手...眼定定咁望住個Mon...
眼定定咁望...眼定定咁望住回復單身...
飛揚BB雙眼...好似有D無奈...
對自己回復單身...感到無奈？
飛揚BB接過隻Mouse...繼續碌...碌到見到條港女八婆既頭像...係一張...攬住James既自拍照...
呢張頭像...我喺尋晚就已經見到...
係估唔到...估唔到條港女八婆可以咁快手...
可以咁快手又咁厚顏無恥咁肆無忌憚做頭像...
話晒...你都係出去偷食...
話晒...你都係搞你個好姊妹既男人...
你真係咁不知羞恥架咩？
飛揚BB Click左入去Ashlynn個Facebook入面...
“Time to leave”
而裏面已經放左好多去東京旅行既相...
「八婆...」飛揚BB噏左呢兩隻字出黎...
就連飛揚BB都話佢係八婆...
我又望下D相...望下D Comments…
“好甜蜜喔～”、“幸福果然係要自己爭取～”、“搶得好～”、“終於可以公開咁恭喜你～”、“一早就應該飛左你之前嗰條廢柴啦～”、“聽我講一定無錯既～”、“你地兩個先係天生一對～”
呢D Comments全部都係由條港女八婆身邊D死八婆留既...
不知羞恥既...又點止係條港女八婆...
就連佢身邊D朋友都係咁不知羞恥...
老實講句...我係女仔都真係講唔出呢D咁無恥既說話...
唔係…應該話係人既都講唔出呢D咁仆街既說話！
成班都唔係人...
包括James...包括Amy...
兩個都係為左錢出埋朋友...
或者佢地都只係覺得出賣左個賤人姐...
賤人…全部都係賤人…
所以我做既一切...都係為左飛揚BB好...
而我...真係做到...
我又望住“是你帶我脫離地獄 是你為我帶來新生"
脫離地獄？！
而家係邊個脫離地獄丫？！
我再望下相裏面既Ashlynn...笑得好...淫...
「死八婆...」飛揚BB再忍唔住又噏左呢三隻字出黎...
『飛揚...』我捉一捉住飛揚BB...
飛揚BB睇到好似好嬲咁...
好似好有火咁...
「我無事...」飛揚BB繼續Click入去睇條港女八婆個相簿...
好多好多Ashlynn既個人Model相...上面仲要寫住“1D Mark IV果然唔同D”...
「貪慕虛榮...」飛揚BB口噏噏咁...
1D Mark IV有幾唔同我就真係唔知...
但睇飛揚BB而家個樣...就真係好唔同...
同平時既佢...好唔同...
好似好嬲…好凶…仲好似要爆要爆咁…
無錯...係要爆要爆咁...
平時忍得太耐…就快到能界點…一發不可收拾咁...
唔通飛揚BB尋日同嗰條港女八婆攤牌爆得唔夠勁？
而家見到D相仲有第二次衝擊？
『飛揚...唔好再睇喇...』我捉實飛揚BB隻手...
『我無野呀！』飛揚BB向我大喝一聲！
我俾飛揚BB嚇左一嚇...眼定定咁望住飛揚BB...
飛揚BB...真係好嬲...
我都係第一次見飛揚BB咁嬲...
平時飛揚BB...總係好似死火山咁...乜火都無...
但而家發起上黎...好似有D...恐怖...
「我真係無野，你俾我靜下...」飛揚BB繼續專注喺條港女八婆既Facebook道...
『嗯...』我就只好行返埋自己位...
我坐喺自己個位...偷偷咁觀察住飛揚BB...
飛揚BB既眼中...充滿怒火...
充滿恕火咁望住個Mon...
越望就越扯火咁...
我都偷偷打開個Facebook...偷偷撳入去飛揚BB...偷偷撳入去Ashlynn...
Ashlynn既相簿係完全公開…
竟然可以高調成咁...真係厚顏無恥到一個點...
我又繼續碌下碌下...
“好開心可以喺東京陶醉於戀愛之中”
咩叫戀愛？！你呢D叫偷情！
“只有你能讓我最幸福”
飛揚BB無俾過幸福你咩？！身在福中不知福！
“為了你 我甚麼都可以”
飛揚BB何嘗唔係為左你乜都可以？！
乜都可以...我對飛揚BB亦都係一樣...
碌過左一大堆條港女八婆既單人相之後，輪到一張又一張同奸夫既合照...
“完全被你佔有”
一張又一張喺床上面既合照...又攬又嘴...
“You make me so hot”
好無恥！
點解可以咁無恥？！
明明就係一對狗男女！
點解可以講到咁光明正大？！
“從未如此滿足過”
不知廉恥！
點解可以咁賤格？！
竟然可以喺Facebook上面，大模斯樣咁Post只係得張被包住一對狗男女既裸體照？
明明就係岩岩做完之後影...
James真係一個好奸夫...
我真係無搵錯人...
而Ashlynn又真真正正係一個淫婦...
我亦都無睇錯...
呢兩個真係天生一對既奸夫淫婦...
又難怪...飛揚BB會咁火...俾著任何男人...胸襟再廣都吞唔落...
“咔”呢個時候有人入左黎公司...
我望一望去門口方向...
係姑丈...
我都差D忘記左有姑丈呢個人...
「喂飛揚你搞乜鬼呀？」姑丈一入到黎，就第一時間行到去飛揚BB面前...
飛揚BB好似聽唔到咁...
「個客話你乜都無傾過就咁走左去算係點呀？」姑丈繼續用D好惡死既口吻質問飛揚BB...
飛揚BB仍然無理到...
「個客話你好唔尊重佢呀！你搞乜撚野呀？」姑丈仲要講埋粗口...
飛揚BB完全無視咁既樣...之不過...面色就有D難睇...
唔係有D…
係越黎越難睇...
「喂我同緊你講野呀俾D反應啦係唔撚係唔想撈呀？」姑丈D語氣同用詞就越黎越差...越黎越衰...
「…」
我好似聽到飛揚BB口噏噏咁...
但距離太遠...飛揚BB又太細聲...我唔係好聽得清楚...
“啪啪啪”姑丈拍一拍飛揚BB個Mon：「你講乜春呀？」
「我唔...」我仲係唔係好聽得到飛揚BB講乜...
“啪啪啪啪”姑丈再拍一拍飛揚BB個Mon：「你講咁撚細聲我聽撚到你講乜春呀？！」
「撈喇...」飛揚BB仲係講得有D細聲...
“啪啪啪啪啪”姑丈又再拍一拍飛揚BB個Mon：「屌你老母講野講到成隻鵪𪂹咁你夠膽你就講得大聲D！」
「我唔撚撈喇！」飛揚BB一手就掃左隻Mon落地！怒視住姑丈！
呢次我聽得好清楚...因為飛揚BB講得又大聲...又凶狠！
我都係第一次...第一次...第一次見到飛揚BB發火...
「你你你你你...」姑丈指指指指指住飛揚BB...
「你你你你你乜撚野呀？！我話我唔撚撈喇！你挺執笠啦！」飛揚BB講完之後就怒氣沖沖急急腳咁行去公司門！
「你夠膽你就走，你夠膽你就行出呢道門，你...呀～仆你個街你真係夠膽架喎...」
飛揚...飛揚...
我立即起身追出去！
我一追到出去，就見到飛揚BB係咁起勢撳部升降機掣...
『飛揚飛揚...』我捉一捉住飛揚BB隻手...
飛揚BB完全無視我...仲係起勢咁喪撳部升降機掣...
『飛揚你聽我講，你唔好走啦飛揚...』我拉住飛揚BB...
我唔想無左飛揚BB...
「你俾我做自己想做既野啦！一次啦！就俾一次機會我得唔得呀？！我根本就唔屬於呢道！」飛揚BB對住我咆哮...
我眼定定咁望住飛揚BB...俾唔到反應...
我都係第一次...第一次有人會咁惡咁...咁大聲咁...同我講...
飛揚BB佢真係...真係好嬲...好嬲...
“叮”升降機門開啟，飛揚BB Fing開我隻手衝入升降機...
飛揚BB真係好嬲好嬲...
係因為我？
係因為我做錯？
係因為我...我令到Ashlynn背叛飛揚BB？
係我...係我...
我諗下諗下...呆下呆下咁行返入公司...
「條仆街仔真係話走就走架喎！佢真係夠膽架喎！我屌佢老母唔撚使旨意我會俾佢返黎呀！佢跪喺道舐我腳趾都唔會原諒佢！正一仆街仔...」姑丈仲要喺飛揚BB個位前口噏噏咁...
『收聲...』我揸住個拳頭...
「下下？Emma你講咩話？」姑丈仲要傻下傻下咁問我...
『我叫你收聲呀死肥豬！你隻死肥豬平日做過D乜呀？！你乜都無做過呀！所有所有都係飛揚一手一腳搞掂晒！你就剩係識得走去風流快活！而家飛揚都俾你鬧走左喇！你自己一個食屎啦！』我對住姑丈咆哮！
姑丈俾我嚇到呆左咁...
『望咩呀望？！仲唔同我死返入去？！仲有呀！而家飛揚只係清返D假！呢段時間你自己搞掂晒D野佢！無人會幫你架喇！死返入房啦！』我指住姑丈間房！
「哦哦哦...知道知道...」姑丈成隻死狗咁死返入房...
死喇...死喇...都唔知飛揚BB會點添架....
點算好呢...點算好呢...
搵人幫幫手...搵人幫幫手...
搵得邊個呢...搵...搵...
突然我腦裏閃出“青鳥”兩隻字...
『羅海月...』
我就立即拎出電話...打一打俾羅海月！
「嘟...嘟嘟...嘟嘟嘟...嘟嘟嘟嘟...喂？李家敏？」羅海月有D困惑咁...
『羅海月！你而家喺邊呀？』我已經勁心急！
「我？我喺邊關你咩事？」羅海月冷冷咁放下一句...
『飛揚發晒脾氣咁走左去呀！你可唔可以幫我搵搵佢呀？我好擔心佢呀！』我都唔知自己講緊乜...
只係知我好擔心飛揚BB...
「飛揚佢...又會咁岩...或者真係...命中注定...我見到佢...放心交俾我...」講完之後，羅海月就收左線...
又會咁岩？
命中注定？
見到佢？
放心交俾我？
羅海月...咁岩喺附近...遇到飛揚BB？
又會...真係咁岩...
之不過...我真係可以放心交俾羅海月嘛？
我諗下諗下...越諗越心急咁...
唔知飛揚BB佢點呢？
唔知羅海月又會點做呢？
死啦死啦...
最衰都係嗰個情性！
教埋晒D咁既屎橋俾我！
可惡！
我又拎起部電話，打俾情性！
「嘟...嘟嘟...嘟嘟嘟...嘟嘟嘟嘟...喂...我無財務問題...亦唔需要現金...」我無等到情性講落去...
『你個神棍亂咁教埋晒D屎橋俾我！』我就破口大罵！
「我？你係邊個？」情性疑惑咁問。
『我係Emma Lee呀！』
「Emma Lee？！你點會有我電話架？！」情性有D驚訝。
『你理得我點解會有你電話！』我要有你電話有幾難？！『總之你個神棍教我去令到佢女朋友背叛佢！而家好啦！佢女朋友真係背叛佢喇！但佢就失晒控咁呀！』
「唔...咁有乜問題？最終都證明左個女仔唔係好～你成功左啦～」
『呃...』俾情性咁樣講一講...
「而佢戴帽既反應...你唔係預左架咩？」
『呃...』俾情性咁樣問一問...
「你唔係真係無預到嘛？」
『呃...』我又真係...
「你係刻意避開唔諗姐～」
『呃...』我又真係刻意避開唔諗...
「所有野都跟住你既劇本進行...你仲要擔心D乜？」
『呃...』
「係咁啦～」
情性收左線之後...
我仲要...擔心D乜？
我擔心...我擔心飛揚BB會過度傷心...
我拎起手袋仔...離開公司...
撐起黃遮仔...
“啪 啪 啪 啪 啪 啪 啪 啪 啪 啪 啪 啪 啪”喺雨中慢步...
我真係好擔心飛揚BB...
“飛揚 你去左邊丫？”
我一路行...
“飛揚 你應我機啦”
一路Send Message…
”飛揚 你有無事丫？”
一路漫無目的咁行...
“飛揚 我真係好擔心你丫”
一路好緊張咁Send Message…
“飛揚 你覆下我啦”
行左好耐...
“飛揚 你話我知你係邊 我而家立即黎搵你”
一直都係拎住部電話...
“飛揚 我好想可以喺你身邊”
望住部電話...撳下撳下...
“飛揚 你俾我陪住你”
「嘟...嘟嘟...嘟嘟嘟...嘟嘟嘟嘟...呢道係...」
又打下電話俾飛揚BB...
好耐好耐...行左好多地方...行左唔知去邊...去過邊...
只係知...我擔心到有D攰...
有D攰...有D心痛...有D眼濕濕...
我會唔會...以後都...失去飛揚BB架喇...
就喺我雙眼變得模糊之時...
*叮* “Emma 我無事 只係想一個人靜下 放心啦 我唔會做傻事～還能活才是諷刺 故此不用做傻事丫嘛～我靜完再搵你～OK？”
靜完再搵我...
“嗯 咁你好好抖下 我等你”
唔會...我一定唔會失去飛揚BB！