《香港人，當你真正成為一個機械人》(散文集》: 20#《人生最可悲既事，莫過於搵唔番自已》

《人生最可悲既事，莫過於搵唔番自已》



唔知你有冇試過，至從係學校畢左業之後，投身去競爭激烈既社會做野，你就再也再也揾唔番自己。
你失去左最真實既，喜怒，哀，樂，臉上面只係掛住一塊得體既面具，用黎檔住所有不必要既不快，甚至當你俾個客係咁屌個陣，你都只可以好開心咁笑……為求的只係迎合社會……如果你唔咁樣做，你基本就生存唔到係哩個社會到。

迎合，再慢慢刻印成模板，然後你開始複製這一個自己，最後變成現成既一疊疊紗票，係月尾出糧，遞係你手上面，突然之間，你覺得周身唔聚財。

自己，到底自己係D咩野黎ge,




到底……自己唔再為左討好個客而露牙切齒咁笑個陣，我自己係點既樣？
最真實既自己……已經唔再存在，我甚至開始懷疑自己基本係為左工作而活，而唔係為左生活而工作，

係諸多同事之中，我再也搵唔番當初將心比己既朋友，換來只係我既秘密一個一個被傳開，然後，我開始變得不相信公司裡的同事，莫講話祕密，就連一句我對上司挖苦，我都唔敢再講出口。

對住對人唔對事既上司，或者我可以暢所欲言，不過，始終佢既底線永遠都低過廁所條鹼水管。我始終，做唔番自己，只不過我會對住唔同人，轉唔同表情既面具，但係果果，基本就唔係真正既自己。真正既我，係暢所欲言，熱情開朗，並唔係好似依家咁，永遠只可以係嘴邊掛住一句，

「sorry，我下次一定唔會錯。」

「老細，俾多次幾會黎。」






如果……如果可以俾我再揀多……一次，
我唔會未讀好書就出黎社會做野……
年輕時若果多讀點書，我就唔洗永遠都係做餐廳，人工低，工時長既一個職業。


雖然有人話，後生仔，出黎捱下苦，好啊！
但係我會同你講……你番工番得多，就再也揾唔番自己，你對夢想既熱情，追求既一個目標，好快你會再都揾唔番，因為，你已經忘記了自己是一個有需求既人。





致：即將放榜既考生，前途雖然茫茫，但請想一想，讀書還是很重要，不斷吸取知識就該在年輕的時候，工作可以晚一點找，年長時拚搏還是有時間，但千萬別放棄讀書。

另外一句，無論成績如何，
也切記勿「勝不驕，敗不餒」，


此句係我一位已逝去既良師同我講的。