《Unfat 純啦bo》

《Unfat 純啦bo》

其實我唔識咩係 fat 純。不過總係覺得，點解 唔知點解個排興著乜既時候，就會大部分人都係咁著。

我覺得咁會好地地將一個style著到好冇style，冇晒個性。

好似之前興著純白色既鞋(多數係波鞋)。睇見呢D鞋，就令我諗番起小學上體育堂既時候，人人都有一對。學校規定既，冇得著其他顏色既鞋。通常賣校服個D鋪頭都有得買。個時好多人都唔中意純白，好想著卡通公仔鞋，花花綠綠咁。出閒街，邊個細路會著純白色鞋？

到左中學，多數學校都係唔比著白色以外既鞋。但到左高年班，已經好多「不安分」既學生會著D有「幾間」，或者「tick」號既鞋，而呢D「間」同「tick」都係有顏色既。更加有D人甚至著其他顏色既波鞋。由於高年班既關係，好多老師都隻眼開隻眼閉。呢種犯校規，踩晒界既感覺，直頭當正自己走緊法律罅，隨時比人記缺點，記小過。當正自己係古惑仔咁，巴閉lo、英雄主義，疊馬！我唔妥你，我可以唔著白鞋。我唔中意你，我可以著到七彩。o靚仔你啤咩呀！出黎鬥多色呀對鞋！





但講黎講去，重點都係，其實大家明明以前係唔中意純白色既鞋架。點解會突然又中意既？ (唔通大家都被無聊既校規束縛得太耐，連唔中意都會變成中意？咁唔怪得共產黨咁成功啦……)

然後前個排又興著全黑色或者全灰波鞋。我出街望見十個有八個都係全黑or灰。我笑而不語。以前做學生，日日著校服又唔中意，日日同人撞衫。到唔洗著校服啦，出街又著到個個一樣。呢個世界，究竟係人著衫，定衫著人呢？點解人人都要跟人？我自己就好唔中意跟人。人地中意咩，我就偏唔中意。我要有自己既個性，我只會揀我自己興既野。我就係自己既潮流！

仲記唔記得Joe Junior係天與地講咩呀？
「我哋每個人都被環境訓練到，好似倒模出嚟咁。鍾意食同一樣嘅嘢、鍾意同一樣電視節目、支持同一種政治立場，信奉同一種生老病死嘅做人方法，this city is dying, you know？」

阿明：咦？今次都癲得幾勻循喎……

利申：我自己同世俗一樣，平時著黎著去都係淨色T，(但自我感覺良好)。





阿明：其實你有冇諗過亂咁打篇野出黎，挑戰全部港男港女係好危險既事？