《善惡的彼岸，或許都是愛》: 5-1

「唉，點解會係呢度見到你架.....」一把熟悉的聲音喚醒了健志。

「博士？點解你會係度架？」健志轉醒，用虛弱的聲音問道。

「畢業之後我就申請調職去做靈界警察，而家都做到初級督察架啦。」博士輕輕地回答道。

「我收到風話有條傻仔係凡間用魔力去影響自己前女友既姻緣，我第一時間就諗起你，估唔到個兇手真係你黎！」博士說。

「我唔係兇手呀！成件事根本唔係你地所講既咁樣架！」健志激動地回話。





「無錯，我地都相信健志唔係兇手！」突然有三把聲音異口同聲地說道。

是金毛仔，肌肉男和靚女。

「嘩，咁齊人呀，畢業後好似都未試過見返你地喎。」博士說道。

「唉，係估唔到要係呢個地方，同呢種情況下再聚頭姐.....」健志有氣無力地說。

「健志，究竟發生左咩事呀，我知你無可能會咁魯莽架。」靚女說道，用水汪汪的眼睛看著健志。





「成件事係咁既.......」健志把當日和ALEX大戰的經過徐徐說出。

「果條死鬼，竟然要你食死貓！？」金毛仔氣憤地說。

「食咩死貓姐，係真事定係故事而家都未知啦。」博士冷冷地說道。

「要知真定假，問下果兩個月老咪知囉。」肌肉男說。

「問咩姐，果兩個月老醒都未醒，直頭唔知會唔會醒添呀。」金毛仔說。





只見此時靚女突然運起魔力，雙手拿著水瓶，用圓溜溜的雙眼望著大家，面帶甜美的笑容。