《善惡的彼岸，或許都是愛》: ４－２

數天又過去了，雷風總在一再催促健志回去工作。

「喂，你玩左好多日啦喎，都差唔多係時候返黎做野啦下話健哥？」雷風對健志說。

「唔係呀，我呢邊出現左Ｄ怪事呀。」健志把之前再酒吧上感到殺氣那件事情告訴雷風。

「妖，酒吧有條靚女無啦啦比人搭訕，現場大把男人見到都會發出殺氣啦，有幾出奇姐。」雷風說「返黎做野啦，做死我啦呢幾日就黎。」

「你晨早就死左架啦。你幫我頂多陣啦，我睇到小思得到幸福就會返黎架啦。」健志道。





「咁不如我幫你入紙伸請轉去做月老啦好嘛？勾魂使者主要係為人帶來不幸架老實講.....」雷風無奈地說道。

「咪玩啦風哥，我唔會去做月老架。總之你比多少少時間我啦，我好快會返黎開工架啦。」健志道，說完就關上筆記，不讓雷風有反駁的機會。


面前，健龍和小思又相約出來食晚飯。

不尋常的，是健龍手中多了一扎鮮花。

「小思，你可唔可以做我女朋友。」健龍單刀直入禁區地問道





小思沈默，低下了頭，面上帶著一點掙扎的表情。健龍看不到，但意會到。

「如果.....你覺得太快既，不如你當無聽過啦。」健龍突然來一下單刀橫傳，令健志不得不心罵一句。

突然，健志面前白華一晃，兩個人影出現在他跟前。

「咦，做咩有個老勾係度既？有人要死咩呢度？」身穿紅衣的一名少女突然說道。

「......唔知喎，跨部門既野我點會知。」另一名身穿緣衣，看來有點年紀的男人回應道。





二人把目光移向健志。

「喂老勾，呢度邊個要死啦？」二人問道。

「老勾.....哦哦，你叫我呀？呢度無人要死～我黎探下朋友姐。」健志急急回應道。

「唔開工黎探朋友，在座呢位女士睇黎對你都好重要喎。」少女笑說。

「兩位係.....?」健志問道。

「哼，我地就係月老二人組！」少女抬起鼻孔說道。

「我唔知個女仔係你邊個，不過我地收到柯打，要將你面前既一男一女用紅線穿連一齊。拿，月老做野你唔好多事呀。」男人月老向健志說。





然後，他徐徐地用紅線把小思的尾指和健龍的尾指連起來。

健志心想：「都好既，呢個男人感覺上都幾可靠。」

但他又怎會知道，是他近日常常纏在小思身旁，才給予了健龍機會去追求到小思呢？

但，當兩名月老剛完成紅線的連結程序後，四周突然寒風大作！

空氣變得冷洌，氣氛變得死寂，是一陣對健志來說算是熟悉的殺氣！

「......喂喂，你快D CHECK下條女個名，係唔係呢期好HEAT果個殺神女？」少女月老驚得面也蒼白起來，急問道。