《善惡的彼岸，或許都是愛》: 3-4

「喂，你唔好一路都頭DUP DUP咁啦....」雷風對健志說。

「唉....咁多年黎，而家先知比人當係水泡，我無心機都好正常姐。」健志說。

「唔好人講你就信啦，你同左小思一齊咁多年，人地對你點你自己最清楚啦。比人講兩句你就崩潰晒咁，成何體統丫。」雷風有點怒氣地說。

「雷風，我想請幾日假，自己去望下小思。」健志說。

「喂大佬，你出左咩事點算丫？你知你自己幾易失控架啦仆街仔！係咪想一齊去做活靶呀？」雷風驚說。





「咁.....我都係想去求個明白姐。」健志說。

「唉，我真係未見過Ｄ好似你咁無鬼用既男人。」雷風搖頭說，同時運起魔力。

只見雷風手上一團空氣突然電光閃閃，數秒過後，一個閃電形狀的頸飾出現了。

「你要自己去睇小思，你就載住黎舊野啦。」雷風說。

「呢舊咩黎架.....咁核突既。」健志問道。





「呢個係.....你叫佢做電擊頸圈啦。只要你一運起足以令凡人感受到你既魔力，佢就會電你，提醒你要冷靜。如果電足10秒你都未停，我就會傳送去到你身邊，咁我發誓我之後會殛爆你，殛暈你，之後拖你返黎。」雷風說。

「......好。真係唔該晒你啦風哥。」健志邊說，邊把頸飾帶上。

「嗯，幾日後你好返黎做野啦，呢期D勾魂都係你負責，我好耐無開過工架啦，生手架啦，早日返黎幫手。」雷風笑說。

「多謝晒你，雷風。」健志真心感謝地說道。