《善惡的彼岸，或許都是愛》: 1-13

四日前博士成功把魔力維持了一個半小時而進入第三房間，現在他已獨自搬到一間獨立的房間處休息了。

原因是希望寧靜的環境能帶給他更有連繫性的念頭。四人都聽不明白，令他們對第三房間內的課題更感興趣。

最後，再過三日，終於連靚女也能把魔力維持到一小時五分鐘，四人成功一起進入第三房間的訓練。

「其實點解你地唔過去先，要係度等埋我丫？」靚女問三人，因為另外三名男士早就做到要求。

「咁心急做咩姐，都死左喏，有大把時間啦。」健志說。他現在已經能提煉出一團黑白分明，活像一個太極圖案的魔力氣團了。





「咪係，我唔會丟低自己既同伴自己走左去既。」金毛仔說，一邊苦苦地維持著手中金光閃閃的魔力氣團，再過十分鍾他就整整維持了四小時了。

「無錯，只要有同伴，世上就無難事架啦。」肌肉男一邊把手中閃爍著鐵一般冷灰色的魔力氣團傳送至身體不同的部位把玩著，一邊說。

「多謝你地丫，我地一齊行啦。」靚女嬌滴滴地說。如果她不是已被燒至燻黑，相信一定能吸引所有的雄性動物，包括鬼魂。

到了第三房間，只見一名年老的鬼魂正坐著在講師台上。

「老師，博士呢？走左啦。」健志問





「果個肥仔？佢好似已經修完呢一科啦。佢考試果時一次過令三隻活靶魂飛魄散，而家已經上緊第二科啦。」老者說，用著和樣子不相襯的調皮聲調。

四鬼相視，同樣都露出敬佩的眼神。

「其實我呢一課好易架姐，尢其係你地三位男士既魔力已經咁深厚啦。」老者笑說：「大家只需要形象化

你地既魔力就可以架啦。將魔力變成一種你好想擁有既野，又或者你死前一刻最需要，最想出現既野就

ＯＫ啦。大家返去諗下，諗好再返黎。





四鬼頓時明白為什麼博士要一個寧靜的環境去思索。