《善惡的彼岸，或許都是愛》: ＥＮＤ

「呢....呢度係邊度？健志呢？ALEX呢?」小思醒來後第一個問題。

「女呀...呢度係醫院，你昏迷左好耐啦，你唔好岩岩醒返就嚇我地兩老啦。AELX同健志都死左架啦.....」小思老豆說。

「吓....我...我知佢地死左，但佢地死左之後仲......」小思道。

「小思～小思，你聽唔聽到呀？我係健志呀，而家係你左手面呢個女仔個名叫靚女，你見到佢嘛？」一道聲音在小思的腦海中出現。

小思轉頭，果然見到一名美若天仙的女子站在那兒。





「點解....點解會咁架？健志！你係邊丫健志！」小思大驚，她的表現亦嚇得兩老立時要走出病房找醫生來為女兒檢查。

「拿，你冷靜Ｄ先，情況其實好簡單。你既靈魂先前比ALEX搞到五勞七傷，如果就咁返去你體內呢，不出三個月你就會瓜柴架啦，所以我就同時進入埋你體內，幫你固本培元，大約半年後我就會走架啦，到時你就係一個正常健康既人啦～」健志說。

「咁....咁果個靚女係度做咩架？」小思問。

「哦.....果個靚女係我死左之後溝到既女黎架，佢掛住我，所以咪係度陪我囉～」健志輕挑地說。

「呵，健志，你都算好野啦。死前先向我求婚，死後就即刻去搞三搞四。」小思醋意大發地說。





「唏，人鬼有別，你都快Ｄ搵返個添啦。而家ALEX死左，無人會再被佢搞死架啦，你可以放心搵返個男人同你過世架啦！」健志說。

「哼，我會啦。本來我都可能會當自己嫁左比你而去守返三五年寡架，而家知你原來死左就即刻風流，咁我都唔洗理你啦！」小思說。

「嗯，無錯。快Ｄ去追尋你自己既幸福啦！我會係天國度同我條新女一齊守護你架啦！」健志說。


靚女一邊聽，一邊忍住眼淚，看著面前這個傻瓜健志。

明明半年後當小思的靈魂回復完整後，你的靈魂就會煙消雲散，你又怎能和我一起去守護小思呢？