我的女神老婆奴日記，你可以完整地恥笑下去: Chapter 18 熹熹的第一句

時間轉眼即逝，快到一歳的熹熹開始跟我們「說話」，
更開始「爬牛牛」了，不經不覺又一年了。
我希望熹熹第一句是叫爸爸，
而汶淇則希望熹熹第一句是叫媽媽，
我們這樣的寄望下，於是每天下班進行洗腦，
 
「熹熹，叫爸爸！」
 
「呀！」
 




「李柏文，熹熹開口就緊係叫媽媽啦，媽媽咁愛熹熹。」
 
「嘻！嘻！」
 
「老婆，你睇下，你個仔笑你啦！」
 
「佢係見到媽媽開心咋！」
 
「哈哈，佢見到爸爸一樣咁開心，因為我地似樣。」
 




「我依家有小小擔心個仔大左好似你咁咸濕。」
 
「佢大個左就會明白，爸爸唔咸濕，佢就唔會出世。」
 
「喂！我講左幾多次唔好係個仔面前講呢啲野。」
 
「你成日都提咸濕呢兩個字，你係咪想個仔一開口就話人咸濕？」
 
「李柏文，你真係叻叻豬！都係一個唔錯既提議，等個仔日日夜夜都話你咸濕。」
 




「老婆大人，我知錯啦！」
 
「嘻！嘻！」(熹熹)
 
如是者，我們的洗腦教育持續一個月依然不奏效，
於是我們放棄了，哈哈！
 
今天照常的上班日，我們出門口之際，母親大人便剛好時間到來了交更，
我開始發覺到汶淇有著一絲憔悴，應該是上班加照顧熹熹引致，
其實有時候懶床總會教我有點耐疚，有見及此我便氾起了一個念頭，
 
我:「老婆，不如我地請返個姐姐呀。」
她:「點解無啦啦咁講？」
我:「我見你個樣好累，所以......」
她:「我地一開始就講左唔請姐姐嫁啦，我唔放心。」




我:「但係......」
她:「咁如果你係擔心既，以後晚晚就唔好要我咩都要我做曬啦。」
我:「知道啦知道啦。」
她:「睇下今晚你既表現啦。」
 
為了不想令妻子辛苦，於是下定決心，今晚熹熹的一切由我負責，
今天工作真是忙得很，一連三個項目要開動，
幸好我們兄弟同心，飛快地完成了初歩的概念，然後下班。
 
回到家後，汶淇每次回家後必做的動作就是抱著吻著熹熹，
這個位置從前是我的，現在交由了兒子，這還真是教人呷醋。
熹熹現在開始會說出一些單字，不過是我們聽不懂的單字。
 
我在廚房做飯，汶淇在客廳擁著熹熹在他耳邊輕輕地聊著，
空閒時走出客廳打聽一番，到底汶淇跟熹熹說什麼。




 
「熹熹，叫媽媽啦，媽媽，媽媽。」
 
「許汶淇，到你犯規！」
 
「咩姐，教個仔講野都犯規。」
 
「話左等熹熹決定叫爸爸定媽媽先，你依家又洗個仔腦？」
 
「呵呵，我仲晚晚餵奶既時候都洗下佢腦。」
 
「熹熹，叫爸爸啦，爸爸，爸爸！爸爸今晚帶你落公園睇狗狗。」
 
熹熹是每次到公園望見小動物定必開懷大笑。
現在跟汶淇的對話如像爭吵，但其實只不過是兩口子的生活情趣，




時間久了，總會覺得這種快樂溫馨比一切來得充實。
 
「喂，李柏文！講好左依家十二月天氣凍，如無必要唔帶個仔落街！」
 
「咁......」
 
「你係咪真係想我嬲？」
 
「點敢呢老婆大人！」
 
「李柏文，錫返我先！」
 
上一刻還像母老虎一樣，
這一刻立即變成了一頭撒嬌的小貓，
這點就是汶淇的可愛之處。




 
在我親了汶淇的臉頰一口後，熹熹說出了一句我兩大驚的說話，
 
「嫲嫲！嫲嫲！」
 
我:「等等先，佢叫媽媽。」
她:「唔係囉，佢叫嫲嫲呀！」
我:「難道係母親大人......」
 
經過整晚的觀察，熹熹第一句說話果然是嫲嫲，
後來，根據了解，原來是母親大人在我們不在家時，
教熹熹叫嫲嫲，因為母親大人跟熹熹相處的時間比我們多，
於是不消兩個多月便起了成效。
 
這還真是鷸蚌相爭，漁人得利，
我跟汶淇不禁一同嘆了一口涼氣！