我的女神老婆奴日記，你可以完整地恥笑下去: Chapter 07 私房錢
回到家後，我好好安撫了一番汶淇，畢竟，這晚她真的辛苦了。
為免我的孩子真的會動胎氣，我再三問她會否需要到醫院檢查。
她:「唔洗呀，真係無事呀。」
我:「無事就最好啦，老婆你今晚好型。」
她:「緊係啦，見到我老公咁煩惱。做老婆緊係要出聲啦，你估我唔心痛。」
我:「老婆，我愛你呀。」
她:「你唔愛我愛邊個呀。」
我:「仲有BB囉。」
她:「咁你以後既世界就只可以有我地兩個。」
我:「知道啦。」
汶淇主動地親了我一口，我跟她來了一個法式的濕吻，
不過跟孕婦接吻總是要步步為營，畢竟害怕壓到小朋友。
「老公，你想要？」
「但唔得呀嘛。」
「我可以好似上次咁。」
「嘻，老婆你真係好。」
「不過做之前，送樣野俾你睇下。」
「好呀。」
汶淇緩緩地走下床，接著從她的手袋中拿出了一個小盒。
她:「老公，雖然呢一份禮物，唔係太價錢，但代表我對你既感謝同愛。」
把這一份禮物拆開後，打開一個小盒，内藏的竟然是......
一部模型的GTR，而且是她親手砌的，顏色和内部跟我以前的一部大同小異。
她:「雖然砌得唔靚，但我用左好多心機去噴油嫁。」
這刻的我氾起了無名的感動，
明白到她一直以來都在乎我的感受，只不過是埋在心底而已。
我:「老婆，多謝你。但係大肚婆唔可以聞咁多油味。」
她:「咁你鍾唔鍾意？」
我:「我鍾意你多啲。」
她:「口花花啦你。」
我:「咁都係對你姐。」
她:「嘻，見你咁乖等我今晚好好奬勵你。」
汶淇，使出了一招失傳已久的吹奏，
這一次的吹奏，令我的思緒直上九霄。
這晚我們整間屋子充斥著感動和雪雪聲。
這個星期日真美妙。
「係喎老婆大人，呢部模型車同砌模型既架生都唔平。」
「咁跟住呢。」
「但好似唔見你用過錢咁。」
「你......咁講係咩意思。」
汶淇如像面有難色一樣，難道她是用私房錢的嗎？
「老婆，乖啦。你係咪有私房錢姐。」
「呵呵，唔話你知。你要記住，女人既私房錢仲機密過高登帳戸。」
「你又岩既。」
女人的私房錢比高登帳戸更為機密。
男人的高登帳戸比私房錢更為重要，哈哈。
可惜的是，我不能再擁有，因為我的高登帳戸經已被她發現了，
幸好的是她沒有用來亂用，出公海開膠貼。
星期一，平凡的上班日。
不過這天上班竟然極為掛念著汶淇。
「喂，柏文兄，諗咩諗到入曬神。」
林至豪這位好兄弟，總是可以猜到我在想什麼。
「無呀，諗緊汶淇姐。」
「你老婆就勁啦，打俾妙婷，妙婷同佢咁friend一定支持佢啦。」
「你都好呀林至豪，佢老婆直頭打俾我呀，嚇得我呀。」
望見聖人傑面有難色，看來汶淇對他進行嚴刑逼供。
「咩我老婆真係咁可怕咩。」
「你老婆唔係可怕，直頭係恐怖啦。」
「但我覺得......佢好可愛。」
「仆街啦你。公司黎嫁。」
他們二人異口同聲地說道，
「記住星期日呀。」
「得啦，記得啦，今個星期我地決定食小啲野。」
一直以來，其他人等總是覺得汶淇是一位烈女，
可是在我心中，不論她做什麼事，她都是很可愛。
很嘔心對吧，雖然我寫的時候都覺得有一點。
經過昨晚，我更確定了汶淇對我的愛更是不用猜疑。
正當我想起她之際，就接到汶淇的來電，真是少見，
不會發生什麼事吧？
「老婆做咩事呀？你好小呢個鐘數打俾我。」
「老公，我依家係醫院呀。」
「下，你唔好嚇我呀。」
「今朝有小小陣痛，於是奶奶就同我去醫院檢查。」
「媽咪同你去呀？」
「奶奶同我去呀，不過佢依家走左啦，有野做。」
「做咩唔同我講呀，我依家過黎。」
幸好，今天工作異常空閒，跟上頭請示了不消半小時我便到返醫院。
望見汶淇輕撫著自己的肚子，我知道她其實是擔心著胎兒的安全。
我:「老婆，你見點呀？」
她:「岩岩醫生同我檢查左啦，只係小陣痛好正常，叫我唔洗咁擔心。」
聽到胎兒一切正常，我才放下心頭大石。
我:「媽咪呢?」
她:「佢返屋企煲湯，今晚拎俾我飲呀。」
我:「以後，有咩事，第一時間打俾我，知唔知？」
她:「其實，個肚陣痛果下我真係好驚，你知啦，妙婷都係咁。」
的確，妙婷的小産，對汶淇來說同樣是個陰影。
我:「傻瓜，唔好亂諗野呀，要驚都係驚星期日啦，哈哈。」
她:「嘻，你講緊聖人傑佢地既鴻門宴？」
我:「哈哈，係呀。」
哄回汶淇後，為了保險，我再次捉著汶淇的主診醫生問道，
得知她的陣痛是由情緒引起，而主要是因為焦慮，
希望我可以多點陪她，令她情緒平穩。
聽到醫生的提議後，我二話不說打了電話回公司，
請了一整個星期的假，幸好Ricky和林至豪等人立即答應了。
汶淇聽到我請了一個星期假，開心得笑了出來。
「別再讓我的過去重演，好好照顧汶淇吧，Bro」
原來是林至豪傳來的一道信息，兄弟你的心意我收到了。
萬幸，今天的只是虛驚一場。