我第一次竟然係比左我個miss: 27

入到房，我見到張床⋯
有玫瑰花瓣鋪出嚟嘅心，有香檳有紅酒有朱古力。
「uncle simon都真係好落力下⋯」
「佢係咁架啦，由細到大，佢都好想我可以同你結婚，佢話除左佢，只有你先會當我小公主咁保護，交我比你就一定無錯！」
「哈哈，細個啲嘢點可以作準架，更何況結婚係要雙方意願架嘛，點可以局結婚架？」
「你姐係話，同我結婚會難為你？」
「你講左去邊？」
「唔講呢啲，我地一陣去邊好？」
「我無plan過喎⋯你無planning 咩？」
「我planning得shopping shopping 同shopping 囉！」


「咁等咩呀？去啦！」
「好嘢！都係小王子對我最好！you are the best!!」

我地去左新宿，南青山⋯半日已經買到無手拎
「不如返去放低啲嘢，跟住去食嘢啦好無？」
「好啦！」
今日我地去左食和牛。
「唔洗同我爹爹慳錢，佢咁setup我地！」
我地叫左好多嘢食，重有清酒！



「文迪哥哥，我走左果十幾年你點呀？」
「無呀，你走左，老豆幫我轉左間一條龍男校，中六又轉⋯都慣」
「我咪又係⋯媽咪成日飛嚟飛去，搞到我學都無得返⋯」
「你一早返黎跟返uncle simon咪得囉。」
「我都想，咁我地唔洗失去聯絡咁多年啦⋯係呢，你有無拍拖呀？」
我唔出聲，望住杯sake，一啖飲哂佢。
「做咩呀你⋯」
「其實之前，我有一個好好嘅女朋友，佢又靚，又溫柔⋯只可惜⋯」
跟住就有個人行入黎，話就閂門叫我地埋單先。我地返酒店再傾。
酒店有紅酒，有香檳⋯我地全部開晒，一路飲一跑傾。



「我好掛住琪琪」我一路喊一路講⋯
「咁重唔搵返佢？」
「佢唔要我呀⋯佢識左第二個！」
「你又知」
「我見到佢fb有第二個男仔攬住佢影相」
「western culture 姐！」
「條仔黃皮膚架，佢唔鐘意可以推開架⋯」
「你有無問過呀？」
「問黎做咩？我咩身分問呀？佢一陣話我煩block我fb，我以後點呀？」
「你真係好愛佢⋯」
「唔好講我啦，講下你⋯你咁靚女，有無人追先？」
冬茹個樣由細到大都好精緻，好似公仔咁⋯身材更加唔洗講啦，外國嘅水飲到人零舍大波！
「追就一定有架，你地啲男仔，只係睇呢度」
佢指一指對波。


「咁點解唔拍拖呀？有無鐘意嘅人？」
「有掛⋯我都唔知算唔算。」
我又倒左一杯紅酒，一啖飲到底⋯
成晚就係咁過，不停傾返呢十幾年嘅野，飲酒。
「show me 琪琪fb」
「聽日先啦」
我地越飲越多，佢飲到暈暈地，我扶佢上床，我自己訓梳化。
可能我都醉醉地，平夜柯尿後我上左床⋯重因為習慣而無意識咁除晒衫裸睡。