我第一次竟然係比左我個miss: 25

呢個星期過得好快，因為我每日都好忙，忙住教angle去廁所同指令，好在佢都好乖，好快學識。唔知係咪有感應，佢好鐘意訓琪琪訓過嘅枕頭，好痴我。

「文迪哥哥！我呀，你又話幫我補習嘅？」
「係呀，你都未約我。」
「一係我上你度呀，我想見angle呀！」
「都得，咁你帶書過黎啦。」
「no problem, see you in 30 mins.」
我同佢住得算近，當初就係睇中呢度同uncle simon住得近先買。
叮噹
「咁快嘅你？」


「掛住angle嘛！」
玩左陣，我地就開始補習。
「就係咁，你明未？」
「明掛」佢個樣成個問號咁。
「不如你做份past paper比我睇！我再睇下你程度啦！」
「好啦！」
我訓左喺梳化聽住歌等佢。

我　留著你在身邊　心　仍然很遠
我想伸手拉近點　竟觸不到那邊


就欠一點點　但這一點點　卻很遠

呢個畫面其實早已經出現過，就喺我考DSE嘅時候，我就係咁做past paper, 佢就係咁等我，到夠鐘就叫我。
做得好會錫我一啖，做得差會扮嬲打我⋯
諗諗下，我訓著左，起身果陣已經七點。
冬菇唔見左，留低張紙條。
文迪哥哥
見你訓左唔想叫醒你，我去左買嘢食，訓醒未見我返就打比我啦。
冬茹
我拎起電話想打比佢，聽到開門聲


「醒啦，又話補習，自己走左去訓。」
「你做得慢咋！」
「過黎食嘢啦！」
「咕嚕肉，牛仔骨，通菜？全部都係我至愛呀！」
「咁多年都無變嘅你。」
「我專一呀嘛！」
「咁細個話會娶我做老婆，咁係咪都唔變架？」
我飯都噴出黎
「你認真架？」
「講下咋，我先唔要你呀！」
「我好差咩？」
「咁又唔係喎，係傻左啲囉？」
「傻？」
「係呀，頭先見至你有罐煙頭，邊有人會儲煙頭架？」
「你咪理我啦⋯」


「應承我，食少啲好無？」
「得啦，煩姑姑！」
「關心你咋！」

係嘅，如果琪琪知道我食咁多，佢一定會話我唔錫自己。
 
暑假就放完，我定期都無同琪琪聯絡，但我始終都無勇氣問佢fb個男仔嘅事。

開學前兩個禮拜，uncle Simon 打比我。
「文迪呀，你我20—25得唔得閑呀？」
「得呀，做咩事呀？」
「無呀，我衰囉，應承左冬茹去旅行，咩都訂好架啦，個客先黎話要改設計，21號present，我去唔到架啦，冬茹個傻女發晒脾氣呀，我叫佢搵同學陪佢去，佢話唔得，除非係你喎。你幫幫忙，陪佢去幾日啦，洗費我包！」
「咁呀，孤男寡女唔係幾好喎。」
「我都唔怕啦，你地細一齊沖涼一齊訓都係咁啦！」
「係姐⋯」


「幫下我啦世侄，唔係佢嬲我好耐架。」
「好啦uncle。」
「唔該晒！所有嘢我會準備好，你帶人帶passport 就得架啦。」
「但係，去邊度先得架？」
「日本！唔講住，有客搵我。bye 」

就係咁⋯我無啦啦就去左日本。