我第一次竟然係比左我個miss: 20

有人話，失戀時候聽慘情歌係慢性自殺，但無辦法⋯
我呢個時候真係無辦法聽「紅日」，「男兒當自強」呢啲勵志歌曲。

當我收到琪琪個訊息嘅時間，我真係喊左出黎，
除左難過，重有唏噓，我恨點解我唔可以早出世幾年，
我亦恨點解唔可以聰明啲跳班，咁我就可以來得及同佢一齊嘗試所有嘢，
咁可能個結局會唔同。世界上來不及嘅人多，趕得上嘅人少，所以先有咁多失戀，苦戀，暗戀。

每一次經過我同佢去過嘅地方我都會食一支煙同影一張相，好快就儲滿一個相薄。



呢一年，我二十歲，佢二十三。

終於過左first year, 呢個暑假我去左搵我老豆，佢過得好開心，
重同我後母生左個妹妹，我都好開心老豆終於搵到佢嘅快樂，妹妹好可愛，眼大大，成日都笑。

「仔呀，你入左u咁耐，有無女朋友呀？」
「散左啦，我唔岩佢。」
「無所謂啦，仔仔。當年同你呀媽離婚，個天好似冧左落黎咁，你又細，公司又忙，之後要湊你，打飛機都無時間，
黎左美國，一個人行行下街就識左你auntie,我唔識日文，佢英文又麻麻，最後咪又係有左跟住結婚！」
「老豆，你又奉子成婚呀？」


「係呀，我勁呀嘛！」
「你開心就得啦！」
「返去幫我帶啲嘢比uncle Simon 呀！佢話我走左咁耐你都無上過去！衰仔，掛住拍拖！」
 
返到香港真係好孤獨，無人無物，雖然有呀姨有表妹，不過都好少見面。重有我呀媽⋯佢係一個不付負責任嘅人，自從3歲之後，我都無乜見過佢，聽講佢好似再婚又離婚。