我第一次竟然係比左我個miss: 12

第二朝，我比佢早醒，望住佢訓得咁冧，我覺得好甜蜜⋯今日開始，我唔再係A0。

我起身去廚房煮早餐，點知佢咩都無，後尾我先知，佢只係識煮外星食物。 無計，唯有落街買啦，我準備左佢飛彿，牛脷酥，艇仔粥，再買左個早餐A就上返去。

「起身拿？」
「係呀，你去左邊呀？」
「去買早餐比你食囉！」
「唔該迪迪，抵錫！」
「快啲食啦，一陣去行街。」
我地一邊傾一邊食，食完沖個涼就一齊去街，我去周圍去，有講唔完嘅話題。



「迪迪你屋企有咩人呀？」
「爹哋，媽咪好後生生左我，然後就分開，我跟爹哋。不過佢成日都唔喺香港，一個月都唔知有無一日見到。」
「咁你之前啲通吿邊個簽架？」
「自己囉！」
「哦，記你缺點再扣你五十分」
「你估你馬神咩？」
「迪迪，我想同你講啲嘢，你唔好唔開心。」
「你講啦。」
「聽日就要返學，我係好鐘意你，不過我都好鐘意做老師⋯所以⋯所以我地嘅事真係唔可以比人知。」


「我知嫁啦，無所謂啦，反正讀完今年就畢業啦，到時都無人理」
「多謝你呀，都係你最好！」

如是者，我地每日返學就係師生關係，有時我會扮有嘢唔識，搵佢問順便一齊食lunch，放學會一齊走。地下情，有時都幾刺激。

「仔呀，老豆之前接左個美國project，依家要去執手尾，我入左生活費去你户口，有多架啦，如果唔夠，再同我講，記得比心機考好個dse 佢。有咩時就搵uncle Simon 啦！」

「知道啦，你幾時飛？」
「平安夜就飛啦，所以返黎陪你兩日囉。其實呢幾年日日飛，我都好厭，可能做完呢個project 真係要諗諗計。」



其實我老豆好錫我，為左我，一直都無再拍拖，至少佢未肯定我接受到之前都唔會比我知。

「BB，我地聖誕去邊度玩好呀？」
「不如去澳門啦，近近地又大把嘢食。」
「好呀，咁我去book酒店同船飛先」
「邊過話同你過夜架？咸濕仔」
「係咩係咩？唔知邊個咸濕啲呢？」
「衰人，成日都笑我。」