我第一次竟然係比左我個miss: 4.

食完pizza, 就差唔多出發去睇戲，Miss Yu佢換左套便服，白色tee加牛仔短褲波鞋，佢真係一啲都唔似大過我⋯

「不如得我地兩個果陣你唔好叫我Miss Yu啦，叫我琪琪啦！我重未慣人地叫我miss.」
「好呀，琪琪! 攞完飛重有成個鐘先開埸喎，不如行下街啦！」
「都好，細佬下星期二生日啦，你陪我去買件衫比佢做生日禮物啦！」
佢每日到一件唔錯嘅衫就會拼落我身度，最後佢買左一件外套同一件tee.
買完衫行經一個卡通精品店嘅時候，佢拉住我住手行左入去，佢眼定定咁望住個人地手上嘅雞仔尿袋，已經忘記原來一直拖住我隻手，佢拖住我行去店員度想買個雞仔尿袋。
「唔好意思呀，頭先已經係最後一個啦！」
「咁算啦，唔該你」
佢回頭望住我，扁住個咀咁話


「無緣呀，走啦，夠鐘啦！」
佢終於都放開左手，我地慢慢行返去戲院，買埋汽水爆谷就入埸。

套戲嘅劇情好sweet，好岩情侶睇，可惜呀，我地只係師生⋯睇完之後我地去左食譚仔，送完佢返去，正想講bye bye轉身走果陣，佢隊左個紙袋比我，入面係頭先買嘅一件tee
「見你咁比心機，送比你奬勵你架！記住，補習係我地嘅秘密！」
「知啦傻瓜！咁大份揞口費，一定收得密密實實！」
「好啦，星期一見！」
「bye bye !」

返屋企嘅途中，我一路都同佢whatsapp，直到佢話要訓。



我發覺，我已經鐘意左佢