咪玩啦 音樂系邊有女神架: 5

換好衫之後，拎左我啲衫去洗。
「我屋企得支裝水，飲住先。」又掟支水比我，好彩今次我接得住。
「仲有，啲衫係個仆街既，拎去著吾洗比返我... by the way你都著得幾好睇。」
哇八婆吾講粗口仲讚我，我係咪發緊夢？

「呆曬做乜鳩野啫你。」屌又打回原形。
「阿，仲未自我介紹添，我叫許俊，我拉Violin。」
「姚雅翹。」

佢一路執緊單位入面既野，仲拎左個好大既袋係到dum野。




「呃... 係呢你打算點...?」
「有得點，咪落左佢。」
保守既我又再一次碌撚大左對眼望住佢。
「其實吾落會點架呢...?」
「屌你係咪戇鳩嫁，吾落咪要生囉。」
「我意思係，如果生左你係咪會養吾掂...?」

佢即刻衝到我面前搵隻手指隊住我個頭鬧：
「你講野可吾可以用小小腦阿，我先得十八歲，吾撚係生個仔出黎攞黎煩下話？」
「...甘...」




「甘咩阿甘？！我老豆老母雖然成日吾係屋企吾理我，但係比佢地知我有左，我聽比人掟出街乞食都有份阿！」
「...甘...」
「你估我好撚想甘阿？！吾係...吾係條契弟....」佢又開始喊。

「我只係想話... 呃....」
佢坐左係我面前喊緊。
「雖然你係吾想要呢個BB，只不過，佢都係一條生命黎架...」
屌我講緊乜... 性教育阿家下...
不過我見佢喊成甘，我都有啲心痛，
我捉住佢對手，繼續同佢講：




「你諗下，如果你都係你老豆老母之間既一次錯誤，佢地當初選擇吾生你出黎，
你到今時今日都無機會感受下生存既滋味，比著你會吾會覺得佢地太過殘忍阿？！」
（OK，叫我道德撚謝謝。）

「...」
「你再諗下啦，同學。」

佢喊住黎望我，頭先嗌住要落仔果種絕望既眼神消失左。

「（索鼻涕）...我叫姚雅翹阿仆街，叫Jackie都得。」
「甘叫我阿俊得啦。」

我放開佢對手，望望錶，
屌乜已經甘晏！？
仲同老母講早啲返去幫佢執野，今鋪食得屎。





「拿百五蚊比返你，等我帶你去搭車啦，你住邊撚到架。」
「...大圍。」

於是佢就帶左我出村，仲教我上邊架車可以去咩站落，
等我方便啲返到屋企。

轉轉接接，卒之上到火車返去。
出紅磡既火車竟然仲有位坐，
我就坐左係卡尾兩個位既窗邊位，
一路諗返今日發生過既所有事。

由返學到放學，
我可以出醜、比人笑、遇到中同、撞到人，
仲可以誤打誤撞上左一個大肚同學既屋企。




但今日，先係返學既第一日，
未來仲有兩年先完成呢個課程.....

到底仲可以有幾多事發生？

「咕.....」
頂我個肚餓到打鼓，大聲到隔離都聽到，仲望過黎。
鬼咩，成日淨係飲左我支水加Jackie支水，
吾餓就假啦.... 

人柒開真係有條路架.....