咪玩啦 音樂系邊有女神架: 3

為左吾想再比路人誤會呢一切，
我決定！
揹！走！佢！先！算！

身高178既我踎係佢面前稱住佢對手，
一企係身就輕而易舉甘揹住左我估得160既呢條友，
然後就非抽水地捉住佢大脾想話揹得佢好啲....

係我太少摸到囡囡定點，
著熱褲既佢，大脾好瘦好滑又好白，




而且揹佢上背脊果下啲女人味.... 好香...

不過！！！除左佢條腿一揹起佢真係知曬錯！！
頂佢女仔之家點解個波可以甘細！！！！
貼住我背脊既就只有骨！！！！
完全無其他故仔啲女甘既身型！
嗚哇頂鳩死我啦佢啲骨.....

當然啦，一路揹住佢，佢就梗係一路喊，我又比佢一路繼續屌，
但吾理得甘多，拿拿林鳩衝去第一城果邊先。





行行下，條木咀竟然攰到訓左，
我就係第一城商場附近搵左個位放低佢坐一坐低。
點知一放低佢就醒。
由於好撚驚佢又鬧到成個第一城都聽到，
我即刻掩住佢個手順便起世“殊”佢叫佢咪出聲。

「得啦誇張，我無乜野。」
我望真啲，其實佢個樣都幾標緻阿，
眼大鼻高，比起頭先班上面啲八婆，佢都算幾順眼。





「仆街仔你望乜撚野望！」
比佢鬧一鬧個人即刻醒曬。
「阿同學… 你吾好甘先啦… 不如我送係去搭車啦好無？」
「我洗撚你幫阿！」
屌你阿，家陣幫你都仲甘撚好火話我，
見你一個女人仔我忍！
佢突然企起身想走，點知就成隻軟腳蟹甘差啲仆街，
好彩我一個箭步上前扶一扶佢，
吾係佢實仆到應一應。

「哎都係等我送你啦…」
竟然，條友無乜反應，應該都幾吾舒服，
而且人地通常紅都面曬既，佢呢，就青都面曬，
我唯有一手攬住條友(嗚阿媽阿我攬到女啦！)，




一路好慢甘帶佢行到馬路邊上的士。

「司機吾該送呢位…」
「…陪我…」
「哥仔你條女好吾掂喎，男人大丈夫送埋人地返屋企啦。」司機你做乜加把咀…

「佢係撚我條仔阿甘柒！」吾舒服就留返啖氣暖肚啦仲嘈...

上左車之後，佢一輪咀講左好長既地址出黎，
我根本都聽吾到佢講咩，淨係聽到太和乜乜乜。
我望住出面既風景，條友就攰到挨係我膊頭又訓著左。

話甘快個司機就停定比我地落車，
我捉住佢對手拉佢出黎，佢對手都幾滑…
(吾好再笑我毒啦下你以為隔住個Mon我就睇吾撚到你個衰樣)




正當我抬起佢兼揹好佢啲野，
個司機好撚大聲甘嗌：
「哥仔，盛為百五！」

仆街！我全身先得兩舊，搭個的士啫竟然食埋我隻車！？
我都算，照比，走人。

哇，呢到全部都係村屋黎，好令甘啵…
又咪住先！！！！如果呢條八婆住三樓，
咪又要我揹埋佢上去？！

「係呢阿同學…請你住幾樓嫁…」
「咩阿？驚我住三樓要你揹我上去阿？」
點解而家啲女人個個都讀心神探黎…
「我呢，就住前面路囗轉右舊啲果棟，三層都係我既，得未。」





呼… 好彩！啫係地下果層望低佢就得啦！！
「…不過我間房就係三樓，吾該曬。」

屌。