咪玩啦 音樂系邊有女神架: 1

「咳咳... （清喉嚨）」
「大..大家好，我‘嬌’...」班上面既同學集體爆笑出黎。
屌，都未介紹到自己就走音，真次柒過碌蔗...

「各位同學，冷靜啲...」明明個老師都笑緊，叫咩人冷靜....
「我叫許俊，拉Violin。」介紹完自己就默默坐返低，但班契弟仲笑緊。

－－－－－－－

係，我個名就係甘普通，我既人生同我個名一樣係甘普通，




...呃其實係柒開果堆。 

你問我點解會入左音樂系？真係吾撚知。
只可以話，放榜果日，望到個分，
我淨係諗到：睇怕將來得返拉琴可能可以搵到食。
於是當日，一路比老豆老母指住個頭黎屌，
一路搭車入一個我從未聽過既地方：石門。

如果身邊有friend係音樂撚都應該知音樂係得好少地方有course，
石門果到就係其中一個，一出站基本就見到果棟野，




但行過去條路點解好似去遠甘...

報完名，過左排等交學費（原來好撚貴），
再過左排有個吾知咩Orientation Day要去，
跟住就開學，正式成為 －－－ 音樂系副學士學生。

－－－－－－－

「好，今日就輕鬆啲比大家早少少落堂，下堂開始就要用全英文架啦！」
呢科係音樂歷史，個老師叫Miss Li，睇落都係得廿幾歲，




乜原來而家甘後生都做得老師....?!
重點係，佢一講完落堂，自己就九秒九跑走左...

咪住！！先上左一個鐘就落堂？！明明Timetable寫呢堂三個鐘....
仆你個街到底比甘多錢黎返學係咪真係學到野架...

執好野準備行出班房果時（我坐到最後），
見前面啲同學上第一堂已經熟曬friend曬，三五成群準備一齊落去食飯，
果下心諗：唉係我太毒R吾到friend，定 呢班人只不過係Social撚？

嘆完口氣之後，我決心一條友落Canteen食頹飯之際，
前面堆人有個男同學大叫：
「阿同學！‘嬌’許俊果個，要吾要一齊食飯阿～」
屌你仲要扮我走音，擺明串鳩我啫。





呢條仆街仔叫Kenny，一睇佢個死人樣就知係有錢仔，
同我一樣係拉Violin，不過佢呢啲樣，黎返學都只係為yo女。
不過，呢班黎講，佢算幾高又有少少樣，gel下頭又識襯下衫，
要溝到女易過打飛機啦真係。

同佢一齊食飯既，得幾個毒撚男同學，其他大多都係班上面既女同學。
哇呢班女人，個樣猴琴到，
講真，又無邊個特別索，仲要自己甘樣投懷送抱，
遲下比人中出即飛就抵你班姣閪死，哼哼。

「吾洗客氣，我約左人。」甘爛既藉口都講得出口，許俊你真係柒到呢。

「哎阿～ 同學join吾到我地添～ 好可惜阿～ 好甘我地行嚕～」
Kenny扮曬導遊甘帶班同學出去，另外有啲細細group既都走曬，
成個班房就得返我一個。





算，今日得一堂，諗住食埋飯先返屋企，
不過又廢撚事落到Canteen又撞到班仆街，屌我走！