[外傳] Golden Heroes Universe :黑翼天使卡羅 作者：少林一包莖: （一）

時間:2010年’驅魔事件’前夕

土耳其-黑街.

「以吾劍之名’弗洛基’起誓,一生守護你左右」
一把巨劍倒插地上,劍身充滿不明來歷的符文。持有者反而與巨劍格格不入,只是一個身穿西裝既年輕人,他正向一名女孩單膝跪下。

「卡羅….我唔值得…我只係一個不幸既人,我會害你一無所有。」

「如果不幸搵你,我會斬斷佢,用’弗洛基’」




卡羅緊緊握著巨劍,想起維拉,想起默,想起’弗洛基’.
佢想為眼前既女人斬開不幸,佢又有無斬開自己既不幸?

美月安靜咁抱著佢,無再說話,昏暗既燈光,更顯得一對男女如此哀傷。

突然,’弗洛基’不停震動,卡羅推開美月。
「有D唔乾淨既野喺附近。」
「我唔會比你去。」
美月捉緊卡羅,眼神非常堅定。
「對唔住……我唔可以違背自己既’職責’」





卡羅將大劍收起,慢慢步入黑暗。

一個老人走到美月身邊,向美月躬身:
「紅月小姐,而家應該點?」
「走,呢D男人唔識照顧女人,留都無用。」








「嗚呀!!!!!」
一名大漢凌空飛起,大大力撻落垃圾箱。
「你個死俄佬,妹妹仔你都想攪,有炮大哂呀?」
一個黑衣年青人邊講邊將手槍解體,再仙女撒花咁將零件掉出去。
「唔服氣就搵翻我’死亡天使’,我唔會比你哋喺呢條街搞事。」

「呢條街唔會有事,只係你會有事!」
一名男子從後向死亡天使刺擊。
死亡天使一轉頭,劍尖從喉嚨擦過,呢一招快而狠,係想一招攞命。

死亡天使隨即踢開刺劍,一手插向對方喉嚨。
男子向後急退,刺劍向前,另一隻手拔出匕首。

此人正係卡羅。
「惡魔都學人做黑社會,呢個世界就快玩完。」




死亡天使無答佢,因為佢全身都震抖緊,
唔係因為害怕,係因為憤怒。
正如弗洛基對惡魔有反應,死亡天使既血就對卡羅有反應。
尤其卡羅呢種自命正義既神情。

「惡魔?我救咗人你就叫我惡魔?咁你以後粒聲唔出一劍插過來,我駛唔駛叫你聲警察叔叔呀?」
雖然死亡天使仲’串串貢’，但已經前弓後步，準備走人，畢竟佢唔可以再橫衝直撞,佢仲有族人要照顧。

可惜卡羅洞悉先機,刺劍一邊進攻，一邊封鎖死亡天使。
刺劍輕、快、細,加上燈光昏暗,令死亡天使更加難以閃避，
但呢度唔係鬥獸場,而係佢熟悉既黑街,佢喺呢條街反抗、受傷、被救。
死亡天使閃避同時, 一腳踢去街燈,街燈隨即熄滅,只剩低月光映射起刺劍既餘光。
卡羅無追到,因為佢清楚,而家身處喺死亡天使既地盤。再追情況只會更壞。

街燈又回復正常,燈下企著一名西裝友,西裝好合身而且別具一格,似乎係好識享受既人。




「呢度空氣咁差,站多陣都肺癌,你話係咪呀?警察叔叔」
西裝友一邊講一邊用手巾掩鼻,而且一直都在場。但卡羅驚訝係,佢竟然一直無察覺到佢存在。
「先生,你都好憎’呢D野’,係咪??」
卡羅無回答佢,因為佢開始覺得呢個人好唔尋常。
「但係你唔同,你身邊D空氣閃令令,一睇就知你係好人」
卡羅依然保持沉默。
「其實我係神職人員,專門負責驅魔………」




黑街,一個經歷無數戰爭既地方,曾經,呢度叫特洛依城。

破舊既神殿,曾經供奉酒神狄俄倪索斯,而家神像早已倒塌,成為一班’罪孽之徒’既家。





死亡天使坐喺階級上,佢唔願意離開黑街 ,但係今晚既秘密會議將會決定惡魔族何去何從。
漆黑,寧靜,死亡天使閉上雙眼,無野比佢哋更有安全感。

突然,劍光,怒吼,將死亡天使帶翻嚟殘酷既世界。
死亡天使知道今次退無可退,再退,萬劫不復。

「破!」卡羅一劍下劈,羊頭惡魔迅速用鐮刀架擋,雖然擋住攻勢,但係惡魔雙腳已陷入泥土。

卡羅心諗:普通兵器無可能抵擋弗洛基一劍,連守衛都用到魔兵器,一定有重要人物喺度。

一條鐵鏈向卡羅急射,卡羅踢開羊頭惡魔,左手反抓鐵鏈,將惡魔扯至上方,大劍向上一揮,血如雨灑。

「又係魔兵器。」卡羅左手已出現異常既灼傷。
剛才既戰鬥已經吸引近廿隻惡魔包圍卡羅。
「守住神殿!唔好被佢接近!」





卡羅身上既西裝開始發光,慢慢蛻變成純白銀甲,一對黑翼由背後展開。
「Lugh(光明之神),請賦予我半神之力。」

弗洛基再次插喺地上,不過唔係為守護任何人。

死亡天使眼前既只有一個’天使’,一片血池,以及殘缺不全既’同胞’。

「嗚啊啊啊啊啊啊啊!!!!!!!!」
死亡天使向天怒吼,雙眼滲出鮮血。
曾經既戰友、伙伴,一齊鍛鍊,一齊立誓保護魔族,如今只剩低自己。

死亡天使拔出太刀衝向卡羅,發動自己從未使用過既惡魔之力—狼屍。

「輪迴!!!!」太刀聽到呼喚,一股紫氣既劍氣包圍破舊既劍身,

一陣紫色既閃電,直衝卡羅!
卡羅拎起弗洛基,半神力量只剩低數秒,一擊定生死。

妖氣隨住劍尖直達銀甲,好似有生命咁將銀甲扯開,銀甲、鏈甲、襯衣,妖氣已接觸到胸膛!

偏偏劍勢己停。
死亡天使無法再推一步。
弗洛基已貫穿死亡天使。


死亡天使放開輪迴,雙手抓住弗洛基劍身。
「我詛咒你…….詛咒你把劍……」



卡羅單手捉劍,另一隻手對準死亡天使。
「Tathlum!!!!!」

羅連揮劍既力氣都失去，單膝跪地。



一名白衣女子走到佢身邊。
「美月⋯⋯」
美月抱緊卡羅：「點解你唔明⋯⋯」
卡羅喺美月懷抱中昏迷過去。


就係兩百米之外，又係一男一女上演既故事。

一個女仔以非人既高速「扯」走一名紅衣既男仔。
「我要斬死佢！！！我要斬死佢呀!!!!」男仔一邊大叫一揮舞手上既太刀，依然係一把被紫色妖氣圍繞既太刀。

「你痴線㗎！！你唔夠佢打㗎！」
「放開我呀雷！！唔係我連你都斬埋！！」
「你斬！斬到得翻你一個！！」
怒吼中遮掩唔到嗚咽。
紅衣男仔沉默，太刀收回手中。




「土耳其古蹟懷疑遭恐怖襲擊，整個神殿被移為平地，暫時未有組織承認負責⋯⋯法國簽署⋯⋯⋯」

陽光明媚既早上，一名女人身穿旗袍，聽住電台，喺黑街享受緊早餐，一名老管家向她躬身。
「紅月小姐。」
「將佢打包，送去日本。」


外傳一 完結