《Water man》: （2）

10:30am
''Hi 乜大家咁早到啊''我一邊打住呵欠咁樣同佢地say hi，不過見大家都好似我咁熊貓眼就知道佢地尋晚應該好似我咁訓得唔舒服了。
10:45am
響土豪星間擁有無敵大海景嘅超級豪華別墅大廳到等佐十五分鐘咁上下條友仔先落來同大家匯合，然之後就開始簡單咁樣介紹下呢一次嘅行程安排，不過就冇提及到佢舅父間科學園裡面嘅環境設施等資料，可能佢係想留番俾佢老母嘅細佬來為我地作解釋掛。
10:55am
屌，佢用佐十分鐘左右嘅時間來介紹行程真係好L勁咯，咁都唔怪得佢嘅，因為去嘅呢個地方真係好撚遠下，齋係由呢到搭直昇機去都要幾粒鐘下，而且個到嘅位置又撚偏僻，個名講出來都冇人知嘅，如果同土豪星唔係超熟嘅話我根本唔會去咯，因為驚分分鐘會比人賣豬仔咁賣佐都冇人知呢。
各自搭上耳機的我們在直升機超高嘅嘈音下起飛了，前往那無人知名的小島。對於第一次搭直昇機嘅我地真係好撚興奮噶呢，全程大家都有講有笑，乜撚嘢都會笑一大餐嘅。當然啦，難得一次好似雀仔咁響天空傲視大地，就緊係要好好品嚐下這大地和海面嘅姿態啦，有時真係會不時感概大自然景色嘅美係幾撚咁正，所以在早些年亦曾諗過，他朝一日有幸歸西後，要將自己嘅骨灰分開兩邊，一邊要隨風飄揚，等我可以飛上白雲堆那裡與雲彩嬉戲；一邊則沉下大海，好俾我去探究下那百慕三角洲嘅奧秘......
3:45pm
''喂，到喇，起身喇各位''土豪星在隔離大聲呼喚著我地。當我醒佐個時先知原來我地已經不知不覺咁樣訓佐兩個鐘咁上下咯，真係時間飛逝咯，不過咁都冇計啦，鬼叫尋晚大家都過於興奮而引致大腦長期活躍才令到大家訓得唔好咩。不過都要感恩下啦，我地安全抵達這裏，這一處無人能知的''小島''。





待續～～