香港戰場: 結局篇‧2.罪人?
2.罪人?
往陸佑堂最好的方法，是經仲賢路。路上所有人都沉默，港大學生更顯得心緒不寧，大概是看到這些人全副武裝，感到事態極之嚴重。
陸佑堂在香港大學本部大樓內，就是那座著名的紅磚白柱建築物內大禮堂。
推門進去，只見幾個教授、學生伴着Chamberlain教授說話，旁邊還有幾群人聚集。
三十多個武裝人員浩浩蕩蕩操進去禮堂，在場所有人都呆住了。一個教授首先走過來：「我係何志明教授，有咩事幫到你?」
徐可兒道伸手一握：「我地係珠海、浸大、城大嘅學生，手上有份文件，想交畀Chamberlain教授，帶離香港向全世界公開。」
其他人聽罷，都望向作客港大的Chamberlain教授。他自然聽不明白廣東話，所以何志明教授權當翻譯，說了一遍。
何教授又問：「你地手上嘅係咩文件?」
胡文軒拿出自己收起來的文件：「係政府今次行動嘅計劃，目前九龍情況大致跟隨計劃進行，係一個屠殺香港人嘅計劃。」
何教授翻了幾翻，看了好幾分鐘，臉色由紅轉白。
「呢份文件......邊個寫得出D咁嘅野......」
馬惜君說：「係浸大教授周吾。」
此言一出，場上有不少人轉身，望着近門口的一個人，這個人立即轉身就跑。
張明德指着他大喝：「就係佢啦，唔好畀佢走!」
十多個港大學生同時出動：「放心，係呢個校園，無人可以走得甩。」
何志明向Chamberlain解釋這份文件，林志剛、黃海澄、胡文軒、陳錫明與伍少國從旁補充。文件之複雜、情況嚴峻，並不是三言兩語可以說得到。
此時又有港大學生帶着電腦來到。徐可兒拿出usb和文件，吩咐大量複製、影印文件，在港大學生與教授之間傳閱。
一時之間，陸佑堂內議論紛紛，越來越多港大學生聞訊趕來，人群開始在庭園聚集。
不多久，港大學生押着逃走的周吾回來。
周吾衣衫不整，似乎剛才經過一番爭扎，但氣力怎能與一班學生相比?港大學生倒好人，並沒有加以拳腳，反而在陸佑堂中間放了一張椅，叫周吾坐下。
何志明等人還在解釋文件，其他人在周吾身邊圍成一個大圈。
一個學生首先道：「你點解要寫咁嘅文件!」
周吾一臉不屑，並沒說話。
「對你嚟講，人命唔值錢?」
還是不說話。
「對佢嚟講，人命有分貴賤。聽話嘅貴，唔聽話嘅賤。大陸人貴，香港人賤。有錢人貴，窮人賤。呢種人眼中，只有權力、錢，所有人係佢心目中都只係數字，所有道德、倫理，係佢同佢所屬嘅權力面前，都只係一個價錢。」
說話的是李顯明。城大學生的遭遇最血腥，震撼最深。
陳忠平續說：「呢種人只係為權力而生，為所屬組織而活，如果權力叫到，佢會毫不猶豫出賣佢屋企人。」
珠海學生暫時是唯一讀完整份文件的學生，當中的權力關係，看得最透。
「教授，不如我通知你屋企人，將你所寫嘅野講畀佢地知啦。做人嘅野，過得自己過得人，想唔想屋企人知你主張大屠殺?」馬惜君拿出電話，原來周吾爭扎時跌了電話，港大學生交給了她。
周吾一看，整個人都打顫：「你......唔好......佢地仲未知。」
馬惜君續說：「未知我就話佢知，等佢地睇清楚你係咩人。」
周吾想站起來搶電話，後方即時伸出幾隻手，硬生生把他按在椅上。
周吾呆望馬惜君，突然大叫：「你地想點!我計劃都畀你地知晒啦，點解要搞我屋企人?」
李佩欣心中一把火燒起來，罵：「大佬!你唔想屋企人畀人搞，我地呢?其他香港人呢?佢地好想畀人殺呀?你屋企人係人，我屋企人唔係人?」
蘇莉揮一揮手：「佢應該事先將屋企人安置好。」
周吾怒道：「係呀，我住跑馬地嘅，叫佢地唔好出街呀，咁得唔得?」
陳忠平指着他：「而家唔係你點安排屋企人嘅問題，而係你為咩要寫份咁嘅計劃，屠殺香港人!」
周吾說：「佢地迫我寫，我可以唔寫?」
李顯明一臉鄙視：「又或者寫完有咩好處掛?」
周吾憤怒得彈起來：「係，佢地話事成之後，會畀我做大學校長。不過佢地同時問候我老婆仔女，你話可以點?人命人命，我屋企人係咪人命?你地講到咁偉大，換轉係你，會唔會犧牲自己全家咁偉大?我唔肯寫，殺咗我全家之後仲會搵第二個寫!我點解唔保護自己屋企人?」
Chamberlain聽完何志明等人講解，再看電腦播放的新聞片，激動得緊握拳頭，爆出連串英文粗口，道：「這是赤柬的行為!」
林志剛用力點頭：「我們要將政府的惡行宣揚出去!」
何志明同意：「唯有令世界各地的人知道，才可以制止他們屠殺。不過，我地怎樣出去?」
香港對外海陸空交通完全終斷，就算可以出境，只怕過不了海關。
胡文軒立即道：「還有一個方法。」
「偷渡?要去邊境，就要經過九龍新界，很危險。」伍少國想着。
胡文軒得意地笑了一下：「是偷渡，但不是經過邊境，而是坐漁船直出公海。」
伍少國不明白：「出到公海又怎樣?茫茫大海。」
胡文軒說：「這就可以向美軍求救，我知道美軍有航空母艦係香港以南巡邏，前兩日才有外交風波。」
Chamberlain拍一拍大腿：「這就好了，到了軍艦可以安排飛機盡快飛到菲律賓，我們召開記者會，公開真相!」
黃海澄、林志剛同時拍一下手：「好!」
以上對話全是英文，聽得陳錫明一臉茫然。
胡文軒把計劃告訴船家，船家的反應倒是爽快：「好，洗濕咗個頭，一於去盡佢!」
胡文軒一陣欣喜，但船家忽然猶豫起來：「不過呢......你地咁多人，好難去到好遠。」
胡文軒隨即表示：「唔使擔心，我地只係部份人出海啫。」言畢拉船家到Chamberlain面前。大家聽到有船可以，又再忙起來。
如果航空母艦未走的話，此次航行應該不遠。何志明、Chamberlain以及張明德、林志剛、胡文軒，作為代表準備出發。港大學生紛紛拿出應急物資，包括裝滿食物、水和應急用品的大背囊，還有一部可調式無線電通訊器。
船家、張明德、林志剛和胡文軒另外帶上武器，顯得十分臃腫。陳錫明見到，就提議原班人馬護送他們上船。
沿途一片寧靜，沒有遇上甚麼人。上到漁船，檢查了燃料，安放好物品，陳錫明等人才回去港大。