香港戰場: 浸大篇‧16.水警基地

16.水警基地

團隊：張明德、黃海澄、蘇莉、馬惜君、陳錫明、江國斌、司徒瑞、劉敏霞、張豐年、林太華、馮美華、伍明華、陳淑恩、劉天恩、馬彧華

欽明路不長，盡頭就是海帆路。眾人走出海帆路，沿路邊轉個彎，就應該到水警行動基地。
不過，眾人沿路走着，只見路邊是渠務署的工程圍板，哪裡有水警基地?
「喂，地圖有無錯架?」黃海澄問。
馬惜君拿着電話，低頭看着：「應該無錯喎，入面咪係水警基地囉!」
馬彧華說：「一定係呢度，我係碼頭見到嘅，無理由無路喎!」
張豐年指向一處閘門：「路唔係無，呢個閘門後面，好明顯只係渠務署工地，唔係水警基地。」




眾人又向前走，司徒瑞走向一道大鐵門：「係咪呢度?」
面前這道門，沒有任何標記，足有三米高，六七米闊，旁邊有一道小門，有門鎖鎖好。
馬彧華試圖拉開大鐵門，當然是紋風不動。小門只有一個鎖，但沒有人懂得開鎖。
怎辦?

陳錫明道：「我開槍打爛個鎖，你地退後D。」
「喂，開槍嘅話，會唔會驚動入面嘅人?」馬惜君提出疑問，其他人紛表贊同。
馬彧華道：「唔會有水警係度嘅，今朝見到水警輪全部出晒去，有漁船泊入嚟但無聽到槍聲，即係無人囉。」
陳錫明聽罷，着令所有人退到彎位後面，自己在彎位處，瞄準小門的鎖開了三槍。
門鎖被射爛，裡面似乎沒有動靜，所有人小心翼翼走向門口。





夜幕低垂，前方是一條直路，隱若看到遠處泊了一艘漁船。
張明德、江國斌帶頭，一步一步走近。
「快手D啦!」遠處傳來一句話，眾人立刻停下腳步。
張明德從建築物旁偷看，只見一班人在搬物品上船，船附近有人戒備。
張明德在建築物的陰影中，叫道：「喂，你地咩人?」

(浸大篇完)