【高登英雄世紀】Golden Heroes Universe　: 第八話 (七)

第八話（七）
角色：季寒、？？？？？

讀白：季寒

http://m.youtube.com/watch?v=3C-k_3dcfNY

我經常發着同一個夢，夢見十年前做過最幼稚嘅事。
十年前嘅呢一場雨，係令我人生中最深刻嘅一場雨。
呢一日，係我父母出殯嘅日子。望住一啲習慣已久嘅事物即將消失，當時只有十歲嘅我最終都忍唔住，跑到墳場外面。





呢場雨，就好似將我以往嘅開心經歷一一洗走。
雨水最大嘅好處就係當你傷心嘅時候，你可以欺騙自己沒有流淚。我望住灰黑色嘅雲，灑落嚟嘅雨水就好似變成我身體嘅一部份。

當我閉上眼一會兒，灑在臉上嘅雨水突然消失了。一把黃色的大雨傘替我擋着雨。

「 唔好傷心啦，我好明白你嘅感受，但我知道你父母覺得你係佢地嘅驕傲。」

我回頭一望，係一個年紀同我相約，穿着古怪嘅女仔。雖然我唔知道佢從何而來，又點會知我父母對我嘅睇法，但從佢嘅眼神我知道，佢嘅經歷唔會比我快樂。係一種當傷痛過後，令自己重新堅強既眼神。
女孩手指上引來一隻蝴蝶




「 蝴蝶小姐話佢喜歡你啊，你收留佢啦，你將來嘅人生仲會遇到好多唔同嘅人，唔同嘅事，我知道你最後都會堅強起嚟，我就係知道。」

我將食指舉起，少女手上的蝴蝶真的飛往我手上。

我地季氏家族係四季集團嘅主要持有人，幾乎每一個行業，每一條街道都有我地集團嘅生意。雖然佔有龐大嘅市場，但我父母絕對唔係唯利是圖嘅人，我人生中跟佢地學到最多嘅就係做人原則。

當處理葬禮過後，我獨個坐在大廳，蝴蝶在父親送給母親的九十九支藍玫瑰上休息。我掛念我的父親，想念他對做人的執着，想念他對身邊人的慈愛。
我突然想起他以前用心經營過一間孤兒院，雖則最後發生意外，但作為院長的他十分受到愛戴，若他離世一定有很多曾住在這裏的院童前來。

我從父親的書房打開佢既文件櫃，今次係我第一次這樣做。父親係一個做事好有條理既人，每一間公司，每一個年份既文件都保存得非常整齊。我依稀記得孤兒院大約係近一兩年既事。





我好快搵到孤兒院院童既資料，眼前見到一堆堆孤兒的相片及名字，但資料上無寫清院童真正名字，只有住院時使用既花名。
「天恆，Faust ，戲院，Scheherazade ...」

我見到當日墳場外果位女孩，佢確實係孤兒院入面住過，但孤兒院發生意外後，就無再聯絡。

我看着藍玫瑰上的蝴蝶，呢一刻我竟然相信她所說的與蝴蝶溝通，我相信她知道我父母對我既感覺。

我花了少許錢聘請了香港有名的私家偵探，我想知道這女孩的下落。我想知道她過去發生過什麼悲慘既事，我想知道她如何堅強下去
最後，我終於搵到佢。我見到佢住係元朗一所廢棄既學校入面。裏面無水，無電，但佢仍然可以同身邊既流浪貓溝通得好開心。佢臉上既笑容係出自真心，佢心底裏知道快樂係唔需要用物質去引致。

我在棄置既學校門外偷偷看着她，然後做了一個決定。

我寫咗一封信，我假扮係佢既親戚，留低只有一間兇宅，想佢帶啲貓去入住驅靈，當內裏既惡靈散去先再收回單位用作出租。





我知道佢為咗流浪貓，必定會接受呢個條件。

不久，去呢間所謂既「兇宅」看一看這女孩便成為我每日都會做既事。我看着她與不同的「朋友」每日開心地相處，心裏便感到幸福。日子一日一日咁過，我亦唔知道我呢種幸福可持續幾耐。

某一日，當我正在看着兇宅，一群講俄羅斯文既男人，突然從我身後出現，其中一亞洲男子：

「 四季集團既太子季寒，你父母之後，今日輪到你。」我當時失去知覺。

醒來以後便發覺身體變得不尋常，我的身體全身變成透明的冰塊，而且還在溶解。

我的手腳被綁起，但我一用力，手腳便碎掉，外面穿白衣的研究人員用俄羅斯文不停呼叫，我依稀聽到他們內容有英文的no. Three 字眼。隨後，其他穿武裝的男士走來，用槍指着我，我在驚恐節一瞬間，整個身體變成了霧。我的意識好像存在於整個空間，但這個意識慢慢被抽風系統吸走。

以後的生活，我開始忘記了自己是誰，我開始成為水，成為霧在外流浪，不知為何，我腦海裏多了一種殺戮的概念，

「只有仇恨，才有力量，只有殺戮，才能生存。」





這種想法吞噬了一切在腦海裏的思想。我無辦法思考，無辦法回憶，除了殺戮，腦海裏就只有剛才的夢。
這次，我又在睡夢中變成水，流到下水道。但身邊的人裝束十分奇怪，穿着麻布衣服，而且正在圍着一隻豹...


第八話（七）完