我的臥底日記: 第二節

我仲好記得三年前個一日… 
個一日係我第一次進行卧底任務… 

當時,我奉苗sir order去一個地下賭檔去賭錢踩線, 
而仲好記得個一日,
個一日苗sir係安全屋同我講：「你今次個任務好簡單!」
苗SIR續說:「你拎住哩5萬蚊..賭15分鐘...輸晒佢就得!!」 
我: 「輸晒佢就得?咁易?」 
唔係掛?咁簡單?點解同我睇電影咁唔同? 
不過算啦…咁仲好..我做卧底都係貪你每個月個份雙糧,




破案有線報費收! 
同埋我哩種人,為打工而打工0既人,一定唔會同你搵命博.
其實D任務愈簡單愈好.. 
苗sir: 「總言之你賭完就走就可以..同我報告個場有幾多人就得! 」
苗sir: 「10點鐘.. 葵涌建發大廈..你去到話花柳榮介紹就得.」 
花柳榮..?我都唔撚知點解入親黑社會都改d咁柒嘅名?
其實點解大波一定叫阿蓮?
點解賣親大麻0既道友都會叫自己大麻成?
點解阿叫親華就算唔係做裝修,d人都會叫佢撳釘華?
仲有其實介紹人叫阿榮…佢大可以叫自己做豬肉榮…




但點解佢偏偏咁戇居改個性病名俾自己!!
竟然都改個性病名…叫自己aids榮..會唔會勁D?
唉..真係唔明班黑社會0既人諗咩..
 
 
準時晚上十點我已經抵達線報嘅地址, 
雖然話就話今次order好簡單..
但點講都好..
話晒都係第一次參加任務,你話唔緊張就假.. 
我望住面前個座建發大廈..




我個心就愈跳愈快.. 
我足足扯咗三支煙..先敢踏出一步.行入去.. 
當一步又一步行上樓梯,
我個腦海就不由自主,
不斷地閃出一段又一段電影場面.. 
不斷又不斷咁問自己問題,
究竟我會唔會好似黑幫電影一樣俾人拋落街..?
究竟我會唔會俾人拉去後巷打一身? 
究竟我會唔會俾人斬晒D手指?
究竟我會唔會……………….
 屌…算啦…唔撚諗啦….
賭錢啫..無事嘅..唔好自己嚇自己?
 
經過一輪心理鬥爭，
我幾經辛苦行上到四樓賭檔..




 
去到門口，我就用二長三短0既暗號方式敲門
幾秒之後就有個紋身大隻佬開門。。 
紋身佬用勁低沉0既聲音講：「邊鳩撚柒個呀？我無鳩撚叫順豐速遞。。
走啦走啦。。咪撚煩鳩住。。」 
哇。。果然出口成文。。每一字每一句都有男性生殖器官。。
如果我唔係做梗卧底。。我真係想拉佢去暗角。。
拎警棍打鳩佢一獲。。 
仲有..究竟加入黑社會之前係咪唔洗通過智力測驗?
我拎住個紙袋…就一定送速遞? 
同埋邊撚到有人送速遞拎紙袋送架? 
算..我大人不記小人過…
我立即扮晒烚熟狗頭：「我唔係送速遞架！！我花柳榮介紹嚟架」 
紋身佬滿面疑惑：「花柳榮？0靚仔你係唔係撚白撞…
我唔鳩知邊撚個係花柳榮…」 




仆街呀….唔撚係掛…唔通苗sir跣鳩我??
定係我記錯個名?其實唔係花柳榮..係叫花仔榮..定係花蟹榮?? 
我都覺得怪…邊有人咁戇鳩..改個性病名…拎嚟行走江湖?
 
 
 
 
 
 
 
 
 
 
 
 




 
 
我依然扮晒烚熟狗頭：「我唔係wor! “花-柳-榮”!佢介紹我過嚟..」 
我特登將“花-柳-榮”哩個三個字讀得勁快… 
希望可以矇混過關.. 
當時0既個場面就好似食神.. 
當日俾阿基哥被迫講”溝埋瀨尿牛丸呀笨”0既情況一模一樣.. 

紋身佬個樣由滿面疑惑突然變成晃然大悟：「挑你老味!! 
講野唔撚清唔撚楚..花柳榮呀…聽撚到我呀.. 
我以為你講kind佬明…你話呀..我鳩知邊撚個係kind佬明..」 
呀….我頂你個肺呀… 
我由此到終都係講花柳榮.. 
我自問講野都字正腔圓.. 
仲有小弟話晒都係連續三屆小學朗誦冠軍.. 




我講野唔清楚?痴鳩線!!! 

我有理由相信班撚樣不但唔洗通過智力測驗.. 
我估連聽力測驗都唔洗通過…
 
紋身佬依然好唔客氣講:「入嚟啦..入嚟啦.」 

進入單位之後..我就差d俾單位內濃郁嘅煙味燻暈.. 
空氣當中我估至少混入咗十種唔同牌子.. 
再環顧四周。。有各式各樣嘅賭檯。。 
輪盤..大細檯..番攤..百家樂..廿一點..連德州撲克都有得玩... 
你諗到澳門有得賭嘅0野。係哩到。。都有得賭。。 
最唔同0既話係.. 
係澳門就多數係新移民姐姐做荷官.. 
但係哩到..就係一個又一個大肚腩阿叔做荷官… 
我相信佢行走江湖個朵一定係叫做豬肉榮.. 
而四周圍0既客人。。 
有白領，有師奶，有道友，有黑道中人。。 
你會發現眼前場面好得意， 
因為香港好難得有一個地方， 
能夠聚集各式各樣的階層人仕。。 
由其是..香港這個階級觀念咁重嘅城市.. 

不得不引証一句說話”中國人真係好鐘意賭”。。
 
「好易中好易中，好易買餐餸」 
「哇…連開0左十舖閒..有無咁好路..」 
「再輸落去..b仔無錢交學費…!!」 
「大…大…大…大」 
「屌你咩…又係通殺..」 
「仆街..又21點.」 
「仲買…你輸好撚多啦…」 
「今次訓晒我同mary結婚d錢..中0左就攪好d個婚禮..唔中咪唔結」 

四周都充斥嘈雜0既聲音.. 
但都無打亂我0既思緒..但腦海就係記住一位名人0既句說話 
”入門買舖閒…包你唔會輸到冚家剷” 

好..咁我就逆向思維…而家我係要輸到冚家剷..咁我第一舖就買莊…. 

豬肉榮荷官:「開0黎閒..」 
好..等我而家要順住輸落去.. 
跟住我就可以收工….快快離開哩到
但都係個句,理想同現實..枉枉好大分別 

雖然我開頭可以順住個勢”輸”.. 
但”好”景不常…我足足賭0左四個鐘. 
我不但..無輸晒手頭上d錢..反而將我手頭上0既錢…變多0左4倍 .. 
我最後我拎住二十萬離開… 
人生就係咁..當你想贏錢,個天偏唔俾你贏 
當你想輸..個天偏偏俾你贏大錢, 
我第二日報告個時..當然俾苗sir….屌到飛起.. 
因為我贏錢,賭檔一定會對我引象深刻, 
我再去踩線會引人注意.. 
我完全打亂晒苗sir所有部署… 
亦因為咁原因..我第一次任務.. 
係收唔到一分一毫0既線報費…