家嫂: 26.

一星期後，我安排好一切，決定親自去美國捉個衰仔出黎⋯
 
 
這晚，我在家中食晚飯時交待了一下， 
 
「家嫂你唔駛擔心，我保證個衰仔唔會同你離婚」
 
「嗯⋯⋯嗚⋯⋯」
 
家嫂強忍淚水回應


 
我一邊安慰家嫂，一邊留意阿源⋯
 
他木無表情的參與這件事⋯
 
「阿源」
 
「咩事阿爸」
 
「我唔响度呢排你同二嫂好好幫我睇住公司，Mandy 會協助你地同滙報比我知⋯」


 
「知道阿爸，你搵到阿哥就話比我地知啦」
 
我望了二嫂一眼，她的眼神除了叫我一切小心之外，我還相信她會幫我好好睇住公司。
 
「阿爸～ 你要小心呀！ 記得帶齊野同著多件衫呀⋯⋯ 唔好喇，我一陣幫你執行李⋯⋯」楚兒對我還是最有心，樣樣事都關心住我
 
「哈哈！傻女！ 你阿爸我第一日出門咩？ 你好好照顧身體仲好啦！」
 
「權， 睇住佢」


 
「⋯係⋯我會照顧好楚兒架喇⋯」
 
阿權面對我的陰影依舊很大，不過自從那次之後，他好像對楚兒很好⋯ 而現在，楚兒亦剛剛有了身孕⋯
 
一切準備好，出發去美國⋯⋯
 
 
十多小時的機程，就算坐頭等仍然是骨頭痛得要死! 我一下機就馬上見到接機的同事和司機⋯
 
「媽的！ 呢個衰仔累我山長水遠黎捉佢出黎！ 我一定要好好教訓佢⋯」
 
一上車，我撥了一通電話⋯⋯
 
之後我叫司機⋯


「即刻車我去公司！」
 
再同我身邊同事講
「你打返去叫各個部門主管拎齊文件入會議室等我⋯」
 
一個多小時車程，到了公司⋯
 
會議過後，我的總結是
 
恨鐵不成鋼！
 
是我不應該把繼承人問題看得太複雜？ 還是我真的沒有選擇，只能夠讓阿源安穩的等我老去，理所當然的接管一切？ 我就是不希望這種山頭主義已經在公司漫延。 當所有人都知道阿源是下一任老闆，他們每一個都必定對他必恭必敬⋯ 而且， 如果他們聯手反我的話⋯⋯
 
在酒店休息了兩日，是時候解決了。
 


「Bill， 先幫我將阿陽條數抽起⋯⋯ 再同啲客戶⋯⋯係，係， 同埋叫會計⋯⋯⋯ 就咁，搞哂就話聲我知⋯」
 
汽車一直在公路飛馳，我用一個電話解決了成件事⋯ 蝕錢固然心傷，但更心痛係⋯
 
我只得一個仔可以幫到我手⋯
 
終於，我手上面既資料帶我黎到呢個貧民區⋯ 其實，阿陽身上並不缺錢，他之所以咁做，無非都係以為其他人搵唔到佢同埋襯托出自身既不幸。
 
 
嘭嘭嘭！
 
我著人用力拍門，就算他是睡得死了一樣也要把他吵醒⋯⋯
 
喀嚓
 


「邊個⋯⋯ 阿！ 阿爸！」
 
「入去先講」
「你地响出面等陣」
 
我用手巾掩著鼻問他
 
「到底你諗住之後點」
 
「阿爸，我⋯⋯⋯」 他驚魂未定，沒辦法思考硬直了。
 
「我今次黎，唔係叫你返去⋯ 反正你返去我都係比個位你出糧，夠玩夠食！」
 
我盡量不呼吸，以免跟這裡的酸臭氣味混合。
 


「而你要同家嫂離婚我都冇意見，只係一切支出由你自己負責⋯」
 
「其實，阿爸我今次⋯⋯」
 
「唔駛解釋，你既事我早兩日已經知道，今日朝早都解決咗喇⋯」
 
「喔⋯⋯⋯係呀⋯⋯」 阿陽好像放下心頭大石一樣
 
「不過我黎只係想話比你知，你係我個仔，我有責任提醒你： 到底你之後想點？」
 
「你想繼續駛自己既儲蓄，响呢個廢墟度過餘生？ 還是你有其他目的？ 我唔清楚⋯」
 
「不過如果你有咩想講，聽日你黎酒店同我講清楚，就係咁」
 
我轉身離開，快步返回車上⋯
 
汽車絕塵而去⋯
 
車上助手說
 
「老闆，大少佢⋯⋯」
 
「你放心，佢嬌生慣養頂唔到幾多日⋯」
 
「聽日佢一定會黎搵我⋯⋯」
 
之後，我靠攏助手說：
 
「同我打比佢⋯⋯然後⋯⋯⋯」