衝動性.行為: 第二十節

晚上六時，亦即管理處職員的下班時間。
 
「各位，我走先啦！」我說。
 
「再見，詹生！」
 
我故意的巡正常路線離開屋苑，我先是經過了閉路電視的覆蓋範圍，接著我還走前與守大門的保安同事說再見，藉以加深他們確認我已離開屋苑的印象。
 
美麗花園的商場關閉時間為晚上十一時，在關閉前我要回到商場範圍，並找個位置躲藏起來。
 




還有接近五小時的時間，我決定回家休息一下。
 
＊＊＊＊＊
 
晚飯期間，阿媽問：「阿仔，返新工點呀？辛唔辛苦呀？」
 
我夾起了最愛的煎雞翼，吃得津津有味道：「唔辛苦，都係咁做架啦，我呢行做左咁耐，都慣架啦！」
 
「咁你有冇錢用呀？你如果冇錢就唔好俾阿媽，阿媽睇公立醫院就得，你都要儲返個錢，識個女朋友，之後結婚生仔，了左阿媽既心願……」阿媽嘮叨地道。
 




「阿媽，你而家大腸癌，唔食標疤藥就要開刀架啦，你幾十歲點挨呀？」
 
「點挨都係要挨架，每個月食標靶藥都食成一萬蚊，你一出糧就俾錢我買藥，仲有俾家用，你自己份糧點夠用呀？你自己都要儲下錢，知嗎？」
 
我知道阿媽這樣說是怕我辛苦，怕自己成為負累，我撒謊說：「阿媽，你放心啦！我而家升職做經理，收入多左好多，俾家用同藥費之後仲有錢剩，而且公司既總經理好睇得起我，你唔駛擔心，安心養病就得啦！」
 
「真係？你唔好呃阿媽喎！」
 
「幾時有呃你？」我拿出了自己的職員証給阿媽看：「你唔唔見到呀？助理物業經理呀！做得經理，人工梗係高啦！」
 




阿媽瞇起雙眼道：「真係經理喎……..不過都要儲錢，要慳啲駛，知唔知呀！」
 
「知道啦！你唔好食煎雞翼，多油又熱氣，食菜啦！」
 
回家與阿媽食晚飯是我每日最開心的時光，我不知道自己還有多少時間可以陪伴患有大腸癌的阿媽，我很害怕阿媽因為吃不到標靶藥而痛楚得在病床上典來典去，作為子女，我現在唯一可以做的就是每月有穩定的收入，購買標靶藥和提供家用，讓她活得安心自在，不把自己當成負累。
 
這個，亦可說是我作出衝動性行為的原因，我不能接受自己回到主任的職位，因其薪金實不足以讓我支付龐大開支，要一直的走下去，不把眼前的障礙清走便不能確保我現在的薪金和職位。
 
人善天不欺，在神的指示下，今晚的衝動性行為必定可以順利進行，我深信。
 
晚飯完後，我回到房間更換了一整套黑色衣服，穿著了一對運動波鞋和黑色背包便預備出發。
 
阿媽見我預備出門便問：「你換衫去邊呀？」
 
「我出一出去唔知幾點返，你唔好等我門啦！」




 
「聽日仲要返工，唔好咁夜返，唔夠精神就會俾人投訴，上師又話你工作唔認真架啦。」阿媽嘮叨道。
 
「放心啦！今晚之後唔會再有人叉能儲我，我完成晒我既工作之後就會返黎。」
 
阿媽露出了一個疑惑表情道：「古古怪怪……」
 
與阿媽道別後，我便轉身離開，預備作出今日計劃好的衝動性行為。
 
今晚，將是改變物業管理行業的重要一夜。
 
歷史，將會好好的為此作出記錄。