一個「初戀殺手」的故事: 分手（一）

幾天後，

Cry: 「你決定點啊??」
Tif: 「又可以做d咩，等掛?」
Cry:「阿諾呢?」
Tif:「即使阿日無番尼，我一早都想分手」
Cry:「why?」
Tif:「太煩啦 明知我呢幾日屋企一定留住我都係咁問我出唔出去」 

我跟阿諾發展了五個月，一切由佔中開始，佔中好像令許多愛情萌芽，我也是其中一位。其實阿諾並不是我喜歡的類型，甚至我跟他一點都不配。嫖、賭、飲、簜、吹中，有四樣他都做了。型像方面，可以說是比mk仔還要差。性格方面，自大、自戀、自滿。而我，宅女、大專生一名，不煙不酒，放假只會煲劇、畫畫、聽歌。所以很多朋友都好奇為何我們會在一起。其實在後來，我都不明白自己選擇他的原因。





Tif轉過頭whatsapp阿諾，

Tif:「我考慮左啦，我地分手啦」
諾:「唔好 我唔想 我亦都唔明呢星期發生咩事 我地只係無見幾日…….」

Tif不懂如何回應，數分鐘後。

諾:「我知呢幾日煩到你，我唔會再咁架啦」
Tif:「我同你無結果架」




諾:「係米因為阿日?」
Tif猶豫，然後鼓起勇氣。
Tif:「我都唔瞞你 冇錯 一方面我放唔低佢 第二 我同你係兩個世界ge人 無結果架」
諾:「有咩面對面講」
Tif心裏道:『又係呢招』 

兩天後，Tif約了阿諾出來。

「你點呀?」阿諾擔憂問道。
「我話左啦 分手」Tif堅決地說。




「唔……」阿諾連好字的未說就跪在地上，Tif及時一手拉起他，因為當時正處於銅鑼灣Time Square的那個大鐘前面，若Tif不拉起諾，恐怕她要變成第二位十四巴港女。

「你冷静啦」Tif喝道。

雙方拉鋸一陣子，Tif終於出了一個殺手鐧，是令她也感到愕然的分手原因。

「你唔好挽啦 你問下你自己搵到幾多錢 我而加high dip出尼搵份工點都高人工過你啦 我搵男朋友 點解唔搵過事業有成？」Tif隨便找了個理由。
「你想要事業有成 我做到 我可以朝早番學徒夜晚番運輸」諾急切地說。
「係丫 你咁樣係可以一個月過萬 但呢啲唔係叫事業有成呀 我要嘅係一份工搵到一萬 而唔係三份工搵到一萬丫」Tif很快便回應。

諾的性格就是「死牛一邊頸」，像丁蟹一樣，只懂由自己角度去思想 。但要浧清Tif絕對不是拜金女，這個殺手鐧是她想不到怎樣才能令諾同意分手而亂說的。

然後那一晚諾和Tif乘地鐵歸家。豈料，Tif竟然在整個車程中一直哭，諾攬住了Tif，她亦沒有抗拒。

Tif好久沒有哭過了，分手的哭好像離開了Tif一段時間……