[真人真事]那些年錯過的愛情: 中三６１

老豆離開左之後，日子十分之頹廢。半個月以黎，差唔多日日既時間我都係網吧中渡過，這段時間我的都會帶著那頂在台灣買的帽子，希望唔會比同校同學認到我。因為我暫時唔想再與其他人接觸，同時這頂帽子擁有與爸爸去旅行的回憶。帶著它，令我感到老豆仍在我旁邊。 

　　雖然我日日都帶住帽，但有一日係街上竟然比豬仔認到。佢睇得出我唔開心之後，就日日陪我去網吧，更開始跟住我。 

豬仔：「大佬，你想食咩呀？」 

我：「M記啦」我邊打機邊說 

豬仔：「好，你係到玩陣先，我依家出去買比你」 





　　食完野之後，我同豬仔通常都會打到夜晚七點先會離開返屋企 

豬仔：「大佬呀...你真係唔再打籃球呀？」佢邊行邊說 

我：「哈...我係垃圾，打咩籃球丫」我笑著說 

豬仔：「大佬呀！！你團火去左邊呀！你咁辛苦打到上乙組為咩呀！！」佢捉著我膊頭說 

我：「...乙組有咩撚用呀！換唔換到你最心愛既野返黎呀！虛名黎昨傻仔！！」我撥開他的手 





　　返到屋企後，有好多親戚黎左我屋企，佢地還沒放心啊媽的情緒，所以經常來我們家食飯。我打過招呼後便入房訓教。因為我真的不想再面對住任何人講起我老豆既野。我不需要任何人對我的同情，這份痛，就由我自己獨自承受吧...

有一晚係屋企打機果陣，屋企電話又傳來煩人的來電鈴聲。經過呢半個月黎既觀察，打得黎屋企大多數係問候屋企既情況。我拎起聽筒後，打算依舊循例敷衍一下。 

「喂....」一把女聲說著 

我：「有心啦，屋企好好」我邊打機邊說 

「你係咪啊傑？」 





我：「係呀，得啦。啊媽唔係屋企，你遲Ｄ打黎啦」 

「喂...喂...」 

　　我收左線之後就繼續專心打機，收左線後電話仍打左黎屋企幾次。於是我索性把聽筒拿起，令佢地唔好再打黎屋企煩住我。第二日我仍舊去左網吧，帶著帽子的我似乎成了這家網吧的常客。當我入門口果陣，一個MK仔就會主動問我 

「係咪入20蚊呀今日？」 

我：「唔洗入住，唔夠玩再搵你」我笑著說 

　　玩到夜晚七點我就會自動離開返屋企食飯。上到巴士我就坐左係上層睇風景，我好享受依家無憂無慮既生活，我真想永遠頹廢下去。落到車之後行左幾步路，身後有人叫著我的名字。潛意識下告訴我一定是八掛的親戚或鄰居。於是我就愈行愈快 

「喂...喂....停低啦羅子傑！」後面的女聲叫著 

　　我聽到之後就行快兩步，點知後面果個人突然打走我頭上既帽，頂帽踢左落地之後我就望去後面。見到呢個人我真的呆了 





我：「...係你」 

「你唔想見到我？點解愈叫愈走呀？」佢捉著我膊頭說 

　　這個打走我帽子的人就是思蓓。