[真人真事]那些年錯過的愛情: 中三４２

比賽係午飯期間進行，我同啊竹食左少少野就出左球場準備。出到去拉筋期間，啊單仍然無同我講野，只係向其他隊員如啊榮等傾計。我同啊竹熱身果陣就見到對面毒撚班有幾個高高大大，當中有兩個人更高個我們班上所有人。而且有一兩個矮仔係佢地入面既技術都幾突出。 

啊竹：「啊傑，聽講好黑果個四眼矮仔好勁」佢指著對面場一個人說 
我：「佢叫咩名？個樣幾串喎」 
啊竹：「聽啊單叫佢好似係啊忠，我出去射下波先」啊竹說完便跑了出球場 

　　兩位學生球證吹左雞叫兩班同學準備開波時，我仍然坐係中場的分牌旁望住出面，仲未開始熱身。 

啊螢：「做咩你唔洗熱身？又唔換衫」佢在我旁邊說 
我：「我不嬲唔洗熱身架喎，我除件衫就得架啦。反正著緊運動長褲」我笑著說 





「咇咇，雙方準備」 

啊螢：「出去啦，仲坐係到」 
我：「得啦，依家出」 

　　我從計分桌上行出球場時，順便脫了運動衫拋給場外的啊山。我呢下拋衫動作可以話係完美無瑕，未開場已經羸盡觀眾既歡呼聲。但當我望向觀眾歡呼聲音最多既地方，只見到啊嘉同幾隻侏羅紀對住我笑淫淫，於是我便立即回頭跑入中圈跳球。 

「咇！比賽開始！」球證把球拋上天空

　　比賽開始後，我和對隊的啊忠一起跳球。雖然他跳得很高，但我利用手長的優勢和經驗順利把球撥了給啊單。我們班取得球權後便開始進攻。啊單控球後沒有把球傳給我，反而把球分別傳給了啊榮同啊竹，就是不傳給我。他不會還在鬥氣吧？當啊單每次拎到球，我發覺到場邊有一個女同學會笑得特別大聲。但因為場邊太多觀眾圍住個場睇比賽，令到我分唔到係邊個女仔發出呢Ｄ聲音。 

啊俊：「屌你咩啊傑，做咩係到行黎行去？認真啦！」佢在場邊大叫著 
我：「留下力先啦.. 大把時間...」我向啊俊笑著說 

　　當我說完這句話，場邊同走廊上傳黎雷轟既歡呼聲。我望返場上，原來對隊那個啊忠入左一球三分，正式為這場比賽掲開序幕。 

啊竹：「哇頂，咁準既」 
我：「慢慢追啦，佢好彩姐」我邊開球邊說 





　　過左一分鐘左右，對隊啊忠再次入一球三分，令比數拉開６：０。啊單見我地仲未打破局面就叫左個暫停，暫停入面都係啊單同落場既同學講下一陣落場應該點打，但我仿佛被佢冷落一樣，仍然未同我講過半句說話。暫停完畢後，比賽照常進行。比賽開始返一分鐘左右，再次比對面隊既啊忠入多一球三分，令比數拉開到９比０。啊忠呢三球令到校內所有觀眾嘆為觀止。

　　我見形勢不利就係進攻期時向啊單打了一下手勢。呢個手勢只有我同啊單睇得明，係我地中一到依家打街場同學界用過既戰術之一。我向啊單打了手勢後，便上前擋了一下他的防守者。啊單突破防守後便傳球給我，我轉身切入籃底就輕鬆得分，這便是我同啊單的默契。 

　　我地班入左第一球後，自己班上面既女就立即歡呼。啊單也向我拍了一下手，大家對望後淫笑了一下便開始防守。由於對面得啊忠識打波同防守企位，所以我地合作左第一球之後就開始得心應手。中場完結時，我班追到只落後對面班一分。 

啊單：「啊傑，一陣你不如拎位打籃底。打爆對面個高佬毒撚」佢笑著說 

　　聽見啊單同我講野，我便伸出拳頭。佢見到後也伸出一個拳頭。我倆拳頭撞了一下後便搭著膊頭交頭接耳地講戰術。一星期前的事仿佛忘了一乾二淨。籃球，令我們關係破冰，更令我們的友誼再度增加。 

啊單：「啊傑，望下籃底下面邊個企左係到」佢搭著我膊頭說 
我：「邊個呀...咦...啊希！？」 

　　我同啊單慢跑過去後，啊希便對我們說 





啊希：「你地出咁多汗仲搭膊頭細細聲講秘密...好基呀...」佢笑著說 

　　啊希這個笑容，我很久沒有看過了... 

我：「你唔抵得昨？做咩你會返黎學校既？」