[真人真事]那些年錯過的愛情: 中三３６

老豆：「傑仔，以前你細個，食完晚飯我就會抱住你係呢條天橋望下Ｄ車，比你係條橋跑黎跑去」佢捉著我膊頭說 
我：「係咩...我唔記得啦...」 
老豆：「十幾年前既事啦...哈哈」 
我：「等你好返，我地一家人一齊去旅行」 
老豆：「希望啦，同我周圍行下啦。訓左一個月隻腳無晒力」 
我：「嗯，你想去邊就去邊」 

　　我同老豆行左一個半鐘先回程返屋企。沿途大部分都係佢係到講野，我就回應佢居多。老豆既口才之下講咩話題我都會覺得好有趣，雖然我大部分時間只係到聽佢講野，但我已經好滿足好開心。返到屋企之後發覺差唔多就黎夜晚十一點，啊媽見我返到屋企就同我講 

啊媽：「藍藍叫你返到屋企打比佢喎，我照顧你老豆先」 




我：「哦...咁我依家打比佢啦」

打左比思蓓後，響左一陣就通左 

思蓓：「喂？係咪啊傑呀？」 
我：「係呀，做咩你咁早走架？」 
思蓓：「聽日要返學架...傻佬」 
我：「你岩岩同我啊媽洗碗wo...辛苦晒你啦」我笑著說 
思蓓：「今日心情好好咁喎..羅子傑先生」 
我：「當然好啦，我老豆終於出到院，心情自然好」 




思蓓：「係啦，我照顧左叔叔咁耐，你可唔可以為我做一件事？」佢笑住問我 
我：「當然無問題啦，想我做Ｄ咩？」 
思蓓：「你依家拎起電話，禁去訊息入面個草稿箱，讀入面個訊息比我聽！」佢笑著說 

　　做咩思蓓會提出咁既要求？雖然我百思得不得其解，不過我仍是照做。我搜了兩邊的褲袋，發現原來岩岩我無帶電話出去。我搵左一陣之後先拎起屋企個電話回應思蓓 

我：「搵到部電話啦，依家禁緊入去」我開始按進草稿箱 
思蓓：「咁耐架...記住要讀比我聽架...」 

　　我按了進去後，見到幾個字後就偷偷地笑起來。原來岩岩我無帶電話出去，佢竟然做左手腳。思蓓聽到我偷笑後就係電話另一邊問我 





思蓓：「笑咩呀...羅子傑...」佢笑著說 
我：「...你咁架，出埋Ｄ狗招」 
思蓓：「你唔係想走數呀」佢用冷淡的語氣說出 
我：「哈...我愛你...」我邊笑邊讀著電話草稿箱上的字 
思蓓：「羅子傑...多謝你愛我，我都愛你」

　　我在電話另一端說出我愛你，然後再聽到思蓓咁樣講，心跳竟然加快起黎。思蓓講完之後，我就渣住個電話無出過聲。 

思蓓：「喂...做咩唔講野呀...你唔係講假話掛？」 
我：「下...緊係無啦，唔識應你姐」我笑著說 
思蓓：「算你啦..唔傾啦，我有Ｄ野要做。遲Ｄ再搵你」 
我：「嗯，早抖啦」 
思蓓：「好啦，早抖啦羅子傑」她笑著回應我 





　　我同思蓓傾完電話之後就開始溫習英文默書，當年唔合格同零分既罰抄到依家仲記憶猶新。天SIR講過下學期測驗後再拎零分就抄一萬次生字，唔合格就一千次。我同啊山兩個英文白痴聽到天SIR咁講就驚到尻都縮埋。趁仲有幾日時間我就博埋條命溫默書既生字。啊山就係英文堂之前用筆寫晒Ｄ生字係自己隻手到，再用一件長袖冷衫遮住自己隻手。

　　幾日後，我地兩個都派返一個好既成績，而啊山就由平時既零分變到一百分，呢件千奇百趣既事引起左天SIR既懷疑。派完本簿後，天SIR就走埋黎同我地兩個講 

天SIR：「你兩個平時唔合格變到今次咁高分，唔係出貓掛！？」 
我&啊山：「緊係無啦！」我同啊山一起說出 
天SIR：「如果比我捉到你地出貓，你地準備抄十萬次啦」佢笑著講完便轉身離去 

啊山：「喂？唔通有人爆我地出貓？會唔會係啊萎？」佢搭著我膊頭說 
我：「屌，我都無出貓」 
啊竹：「你出貓出到咁明顯，寫係自己隻手太危險啦，佢一定睇到」佢回頭向啊山說 
啊山：「屌！你地兩個一陣陪我去圖書館，我要增加自己學問！」 

　　我地三個放左學後就去左圖書館。啊竹黎到之後就坐埋一邊自己溫書，我同啊山就坐係電腦前，我就係到玩彈珠台，佢就係到上緊其他網站。過左一陣，啊山就細細聲同我講 





啊山：「啊傑，我搵到啦，十個作弊的方法」佢對電腦笑著說 
我：「又話增加學問？原來上埋呢Ｄ尻網」 
啊山：「屌！我講Ｄ野你都好信既」佢笑著說 
我：「唉屌，你慢慢搵啦，我玩埋呢鋪先同你傾，就黎破到新紀錄」 

　　玩左唔知幾耐後，身後有一把女聲叫我 

「同學，圖書館唔比打機架喎」