[真人真事]那些年錯過的愛情: 中三０３
我同啊竹幫啊MAY痴完Ｄ宣傳單張後就返左課室，啊MAY就去左第二層再貼。返到課室上左一堂，啊希就SMS我
啊希：「啊傑，多謝你岩岩幫啊MAY手呀」
我：「得啦，有野再搵我幫手」
啊希：「雖然我得返半年...但我真係好想做下學生會」
我：「得啦，我會叫人投你地一票」
今年既學會同上年差唔多，我同上年一樣都係簡左棋藝學會。今日放學就係棋藝學會第一次聚會，我去到聚會課室後就拎左圖書館借果Ｄ書出黎睇。諗住睇到五點就走，突然間有人係後面細細聲同我講
「羅子傑，做咩坐係到睇書唔捉棋？」
我：「啊魚？終於見到你啦」見到佢我笑左一笑
啊魚：「睇咩書呀你？...穿越時空...？呢Ｄ小說你都岩架咩？」
我：「中三要上埋Ｄ無聊選修..我咪借左黎上堂睇囉」
啊魚：「捉唔捉棋呀？我依家得閒」
我：「好呀，你等我一陣」
我去拎左盒象棋黎之後，就一邊捉一邊傾計。由於暑假成日同老豆啊飛捉。依家既我已經嬴硬啊魚，佢要思考好耐，所以好多時都係我講野多
我：「啊魚，今年學生會你投比邊個？」
啊魚：「１號啦...有中六學生做會長感覺上比較好...２號全部都係中四，好似無咩經驗咁」佢邊諗邊講
我：「你又講得幾岩既...」
啊魚：「其實邊個做都無咩問題。我仲有半年就走啦，無咩野可以比我玩到」
我：「係喎...你要考試」
啊魚：「嗯，捉棋啦」
啊魚同我捉到五點左右，就一齊行左落地下。去到地下走廊望落籃球場果陣，記得上年第一次棋藝學會聚會完左之後，啊天係籃球場上叫我落去射波。今年望落去球場，已經唔見左啊天既身影。佢同刀仔都升唔到中六離開左學校。估唔到兩個教我打籃球既師兄都走左。同埋咁快就一年了。
啊俊：「啊傑，落黎打波！」佢係球場上大叫
我：「啊魚，我落去打波，你走先啦」
啊魚：「嗯..拜拜羅子傑，聽日見啦」
落到去籃球場放低書包果陣，先至發覺一樣野
「仆街，唔記得比份手信啊魚」
當我行出學校門口搵啊魚果陣，已經唔見左佢。佢應該又係坐左屋企人架私家車走左，我入返學校同啊俊打左陣波之後就返左屋企。第二日放假果陣，我約左啊洪，北仔出左去球場打波，佢地未到果陣有個男走埋黎同我講野，呢個人皮膚白白地，流住一個短短既髮型
「喂，記唔記得我呀？」佢拍住波走埋黎講
我：「你？我唔識你喎」
佢：「兩年前打學界，我贏你八十幾分果間學校呢...我果場有份守你架喎」
「屌，原來係果班長毛陳浩南...呢條友一定想踩我啦」
我：「哦....咁都認得我呀..」我笑住應佢
佢：「我同你小學同學黎喎...唔記得我？」
我：「你係邊個呀？真係唔識你」
佢：「我咪啊信囉，你既同級同學」
我：「哦...勁啦你入左間傳統勁旅學校」比佢講起我就認得佢
啊信：「咁耐無見，打返場先啦」
我同啊信開左波之後，佢既防守好似兩年前班長毛咁強。不過依家已經比我完全比下去，好快我就差唔多贏佢
啊信：「你條HI HI ，咁耐冇見你有冇咁勁呀？」
我：「...你講咩野？」我邊拍波邊講
啊信：「HI 你！」佢又係到防守我
我贏左啊信之後，兩個坐左係籃框下傾計。原來佢兩年前只係出過場幾分鐘，唔怪得我對佢一Ｄ印象都無。大家傾傾下就講起小學既野。
啊信：「喂，你仲有冇同小學Ｄ人聯絡？」
我：「ER...」
比啊信咁樣問一問，今時今日真係無小學同學有同我聯絡。啊君，啊靜兩個最熟既朋友都無搵我。啊喬上左一間BAND3學校之後，聽啊君講佢好似學壞左。啊江雖然有搵過我，但次次搵我都係出黎踢波，我拒絕左佢幾次之後就無搵過我。至於基佬宗...這個不提也罷。升上中學之後，大家有唔同既社交圈子，認識唔同既朋友。如果當初大家讀同一間中學，我地會唔會好似依家咁疏遠？
開左學一兩個星期左右，兩個學生會候選內閣都極力宣傳自己內閣。足球隊搞果個學生會經常係球場恐嚇學生，只要同學拎住一Ｄ佢地對手既宣傳單張。佢地就會用足球，排球恐嚇佢地。食飯期間，有一堆手持Innovation宣傳單張既中一學生走過籃球場果陣，就比班足球隊瞄住
「省尻佢！省尻佢啦！」一班中四叫著
一個足球隊成員起腳之後，一個中一仔比個波省中左就訓左落地。比人省中果個中一仔既同學見到就立即跑走左，佢地跑走左果陣，踢人果班中四就對住佢地大叫
「記住投我地呀！屌你老母！」其中一個人大叫
我同啊竹係左係禮堂邊既樓梯上面，目擊晒成個過程
啊竹：「班黑社會霸住個場，我地點打籃球？」
我：「打咩籃球呀，打飛機就有你份。上課室打機啦」我拉左佢上去
放左學之後，我同啊單經過二樓樓層果陣，見到啊希既學生會成員係課室入面做緊野。我同啊單拍一拍個窗後，啊希見到我地兩個就出左黎
啊單：「你地班女仔係到痴緊Ｄ咩？好多卡通公仔既章喎？」
啊希：「我地整緊Ｄ章呀...諗住選之前幾日派比Ｄ同學，比佢地扣係件衫上面」
我：「好多公仔喎...真係好有心機」我望住課室上既野
啊希：「係呀，我地Ｄ公仔全部自己畫架，公仔上面都有我地學生會既名。希望吸引到Ｄ人投我地一票」
啊單：「咁我地都支持你架喎..我地有冇得優先扣係件衫到先？」
啊希聽到之後，就帶左我同啊單入課室入面。啊希向佢地既朋友講左啊單呢個提議後，一個女仔就拎住幾個公仔章，主動幫啊單扣係件衫到。呢個女仔仲係當時學校既校花，樣貌似一個女明星－徐子珊，因為佢同呢個明星太似樣，大家都會叫佢做啊珊。佢既樣貌同受歡迎程度係校內仲係啊希之上。
啊珊：「細路...姐姐幫你扣完，一定要投我地呀！」佢以一把溫柔聲線對啊單說出
啊單：「一定投你啦！！估唔到你會幫我扣！！」啊單一臉興奮地說
見到啊單呢個樣，我就有小小羨慕佢。不過之後啊希都拎左幾個章黎，幫我扣係件冷衫上
啊希：「你同啊單都有我地親自幫你地扣，唔好做２５呀！」佢慢慢幫我扣
我：「一定啦！」
啊希同啊珊幫我扣完之後就入返去做野，我同啊單行去後樓梯果陣，啊單就好興奮咁跳黎跳去
啊單：「屌，你睇唔睇到！？校花幫我扣Ｄ章係件校服到呀！！」佢解緊恤衫上既鈕
我：「得啦，啊希夠幫我扣啦」我一臉開心望住自己件既冷衫
啊單：「屌，好撚香呀！！」佢除左自己件恤衫，係到聞Ｄ章既味道
我：「識你三年...你真係好撚變態..」
啊單：「你識咩尻，佢親手幫我扣。章上面充斥佢體香」
呢個時候，有人係樓梯上面落黎
啊螢：「兩個死變態！！」佢係樓梯上叫著
啊單：「仆街，走啦啊傑！」