[真人真事]那些年錯過的愛情: 中二２８

北仔：「我鍾意左佢三年...你可唔可以幫我講下好說話」佢奸笑住咁同我講 

我：「我同佢唔係好熟昨，幫你唔到」 
北仔：「唉...咁算啦」佢企左起身準備走 
我：「走啦？籃球隊練波見啦」 
北仔：「好，不如交換電話，得閒叫大家出街場打」 

　　我同北仔交換左電話後，我自己打多一陣就準備返屋企。當我行到另一邊球場，啊希同豬皮啊單就落左黎球場。 

啊單：「咁快走，留係到打啦，咁齊人」 




我：「咁我留多一陣啦」我放低返個書包 

　　啊希放低左個書包之後，換埋對運動鞋就出左黎。染左頭髮既啊希好似成熟左，黑色頭髮中有一部分挑染的啡色頭髮，這個形象就像當初我第一次見佢一樣。我地四個一邊打一邊傾計，期間啊希同我地講 

啊希：「我叫左啊洪同我細佬黎呀，一陣可以三打三」 
啊單：「正，有得同中三隊長打波」 

　　過左一陣，啊洪同David就著住運動服黎左，啊洪染左一個好突出的金色，一睇頭髮就會令人懷疑佢係咪真係一個中學生，染左呢個頭啊洪同一個黑社會二打六無分別。不過，呢Ｄ出位既頭通常十個同學見到都有九個問 

豬皮：「啊洪，你染到咁明顯冇比人捉咩？」 




啊洪：「無喎，間學校都無人理架啦」 

　　豬皮望到啊洪個頭不斷係到淫笑，佢仲走埋黎我同啊單到講 

豬皮：「不如我地三個染」 
啊單：「你咁柒又肥又冇人地咁撚長既頭髮，染西咩」 
我：「我唔覺得好睇喎...」我望住啊洪既頭 
豬皮：「等我留長佢囉！」佢笑著說

　　打左一場三打三後，由於我唔想見住啊洪同啊希傾得咁開心，我就拎左第二個籃球同啊單，David去第二邊射。後來啊俊又落左黎，我地四個仲玩左一個遊戲，係射三分比賽。一人射十球，入得最多果個可以要求入最少果個人做任何野，當然唔可以太過份。第一場開始後，DAVID就輸左，十球之中入左一球，打籃底既啊俊都入左兩球，啊單入得最多，DAVID輸左就要接受啊單既懲罰。 





啊單：「請我飲野啦一陣」 
DAVID：「輸左我認！我會請！」 

　　玩第二輪，DAVID又輸左比啊單，今次啊單話要比DAVID一個大懲罰 

啊單：「DAVID，你今次輸左唔做正仆街」 
DAVID：「今次又罰咩呀？」 
啊單：「你要拍住個波，係中場射去啊洪果面個框，射完比去你要大叫「屌，我好想亂倫呀！」」 
DAVID：「玩到咁大？我家姐係到喎...」 
啊俊：「你淆呀，DAVID？罰個第二樣囉，知你淆架啦」佢係到挑釁DAVID 
DAVID：「屌，玩咪玩！」平時少講粗口竟然爆粗了 

「呀！！我好想亂倫呀！」佢係中場射去啊洪果面而且大聲叫著 





啊希：「下？亂倫？」 
啊單：「我都好想亂倫呀！」佢又係到大叫 
啊希：「玩緊咩姐你地？咁得意既？」 
啊俊：「無呀，你同啊洪打波啦，佢地兩個輸到傻左」 

　　過左大約一個鍾，我地就諗住離開學校，當我地行到學校門口，啊希同我，DAVID講 

啊希：「你地走先啦，我要上啊洪屋企呀」

　　我同David兩個對望左一眼，好明顯佢也不知道佢兩個已經熟到呢個地步

David： 「哦...上男仔屋企有咩做先」
啊希： 「拎番小小野姐 走先啦你地」佢微笑著向我們說

啊希講完後，就同啊洪行左去第二邊，啊單同啊俊就去左食飯，路途上又得番我，豬皮同埋David





豬皮： 「唉，上埋屋企玩完啦」佢自言自語
David： 「應該拎野架姐」
豬皮： 「唔好抱太大期望啦」

沿途上我沒有理會他們的說話，只是間中插一兩句嘴，返到屋企後，我主動係SMS問啊希

我： 「返左屋企未？」

用兩分鐘左右，就收到她的回覆

啊希： 「搭車啦依加，你呢？」
我： 「我都返到屋企啦...你近排同啊洪好似玩得好埋」
啊希： 「係呀，我發覺我同佢幾多話題傾」
我： 「我想問..你鍾意D咩類型既男仔？」




啊希： 「um..見你問就同你講啦 我鍾意外向既男仔，唔好細膽唔講野，一定要照顧到我」
我： 「細個你都唔介意？」
啊希： 「以前介意...依加唔介意...」

我：「點解你會改變呢個想法？」 
啊希：「因為有一個人令我有心動既感覺...係我岩岩分手果陣，我失落個陣佢氹返我。可能佢自己唔知，不過佢已經帶比我好多歡樂。雖然佢比我細，但我覺得佢做到一個男朋友做到既野」 

　　佢在SMS中打著，但當時我只想到係啊洪對佢好 

我：「咁你會唔會考慮佢？」 
啊希：「睇下佢會唔會主動同我講啦...作為一個女仔我絕對唔會主動開口！機會係要男仔自己爭取！」 
我：「....明白晒」 
啊希：「你仲係唔明？？」 
我：「明啦，我估到你鍾意邊個」 
啊希：「算啦，不如唔好傾呢個話題，傾第二樣啦好冇？」 





　　我同啊希傾左第二樣野之後，大家無再傾過愛情既問題。不過大家話題只係限於籃球，我地之間既共同話題只係好少好少。我比起啊洪，點夠佢識咁多野同咁多話題。自己個樣本身又差又肥肥地，呢種咁高級既女仔又點會睇得起我。漸漸地，我同啊希愈黎愈少野傾。 

　　相反，我同啊嘉就好多野傾，因為佢根本有無數既話題同我溝通。啊嘉無時無刻都主動搵我，同啊希無話題之下我就同啊嘉傾計，傾落之下令我覺得以前誤解左佢，其實佢無我想象中咁差，只係我一直以啊希為目標，啊嘉成日出現係我地面前令我討厭佢。 

　　呢一晚，啊嘉問返昨晚既事 

啊嘉：「啊傑...你想唔想姐...」 
我：「想Ｄ咩呀...」其實我知佢講咩 
啊嘉：「不如聽日放學...你上我屋企啦」 

「屌，上就上啦，又唔洗死既」內心既魔鬼催促住我 

我：「你唔係話我要做你男朋友先得咩？」 
啊嘉：「我諗過啦...其實唔重要...只要你想就得...」 

「屌，上呀羅子傑，唔上無機會啦！！」 

我：「...你肯定？」 
啊嘉：「只要係你，我就肯」 

　　我猶疑了一會，最終傳出這幾個文字 

我：「好，聽日放學邊到等？」