[真人真事]那些年錯過的愛情: 中二１４
啊君搵返我呢件事已經過左一個星期，雖然大家表面上道左歉，但係呢一個星期我地搵大家傾計既次數就五隻手指數得晒。我得閒就會搵佢傾幾句，但佢只係回覆我幾個字甚至係單字。我感覺到啊君唔太想應我，所以我就開始無搵佢，而佢都無主動搵過我。因為，佢已經有男朋友陪佢，唔再需要我。
呢一日，下午食完飯後我自己一個坐左係籃球場睇人打波。無啦啦有兩個師姐係第二邊籃球場叫我
「你係咪羅子傑？」佢行埋黎果陣講
我：「係呀，有咩事？」我坐係Ｄ櫈托住個頭應佢
當呢兩個女仔行得再近Ｄ，我就知道其中一個係女籃師姐之一。呢個女仔叫啊MAY，係一個肥肥地又矮既女仔，男仔性格。樣貌唔太靚，但比人一種好得意既感覺，師姐之中球技最好既一個。第二個師姐就唔知叫咩名，但係樣貌就十分出眾，以我認識係高中女神之一。
啊MAY：「兩星期後運動會，搵你做啦啦隊呀！」
我：「唔係掛...」我企左起身
第二個師姐：「頂你，想走！？坐返低！」
啦啦隊呢Ｄ女仔做既野，出黎叫埋Ｄ濕尻口號比同班同學見到真係唔洗見人。我緊係無聽佢講，我好快就跑走左，佢地兩個追左一陣就無追。當夠鍾差唔多返班房，我企係後樓梯就見到兩個師姐係我班門口捉住左隔離班既啊威。仲比我聽到靚女Ｄ果個師姐用普通話問啊威
師姐：「怎樣？去不去？」佢捉住啊威隻手
啊威：「去...當然去！」佢用普通話回答返師姐
「我屌，呢個咩撚野中學黎。竟然用狗招逼人去做啦啦隊」我心諗
突然之間，啊俊係另一邊前樓梯跑緊過黎，走廊上既中二仔好快就讓開條路。因為係後面追住啊俊既就係高年級既師兄，平時係球場用足球排球省尻人果Ｄ。唔讓路既話得一個後果，死路一條。
後面既師兄：「屌你，肥仔仲走？！」
啊俊：「讓開呀啊傑！」
啊MAY：「咦，羅子傑個仆街仔係後樓梯呀！」佢望到我後又追上黎
我企係後樓梯望住呢個情況，啊俊比幾個師兄追，兩個女仔又追住班師兄追住我。今次仆街，咁多人一定走唔切。最後，我跑都未跑就同啊俊比人捉住左。
其中一個師兄：「啊MAY，呢條仔係咪你個社，比返你！」佢推左我過去兩個師姐到
跟住聽到第二個師兄對住啊俊講
師兄：「我屌你老母，叫你跑社際接力好撚難咩？跑得咁撚快？趁依家仲未上堂，捉你落樓下旗桿磨柱！」
啊俊：「唔好呀！！我跑啦！！」最後啊俊慘叫住比四五個師兄抬左落樓
啊MAY：「點呀？幫唔幫手呀！？」
我：「一定幫啦！我最鍾意做啦啦隊！」
啊MAY：「早講咪得囉，搞到大家身水身汗為咩呢...」佢比左張通告我
第二個師姐：「咁聽日放左學上四樓等啦」
呢個情況睇黎已經無得返轉頭，於是我就決定乖乖就範。聽日準時去四樓報到。第二日放學上到四樓得兩班人，一班人係後樓梯第一個班房，另一班人就係前樓梯第一個班房。而啊MAY約我集合地點係後樓梯第一個班房。
當我由前樓梯經過第一個班房，見到啊希同幾個女仔係入面帶住班中一仔準備練習啦啦隊。我行過果陣，佢地岩岩準備叫口號，仲要叫到好撚大聲。好似專登刺激我耳膜咁。
我：「頂，練習洗唔洗咁大聲呀」我掩住耳跑去後樓梯
佢地大聲到連我自己個社既師姐都出埋黎睇下發生咩事。有一個四眼既女仔行出黎
四眼師姐：「喂，你行過黎做咩？」佢用嚴肅既語氣問我
我：「自己人自己人，我黎做啦啦隊！」
四眼師姐：「遲到喎，快Ｄ入黎！」佢拉開門比我入
當我入到去呢間房，仆你個街，全班都係女仔黎，得啊威一個男仔坐左係最後面。於是我就行去後面同佢坐。
我：「啊威，做咩得我地兩個？」我拉開座椅
啊威：「屌，佢地話中一搵唔到男仔，唔夠人地大聲咪搵埋中二男仔囉」
啊MAY：「唔好傾計！跟住我地讀」佢行過黎講
啊威：「幾時走得呀？我趕住返工呀！」
啊MAY：「一陣練果陣大聲Ｄ，大聲過前梯果班人得架啦」
啊威：「我屌，咁昨！快Ｄ啦快Ｄ啦，我趕時間」
於是，我地練左一陣之後，就係班到大叫口號。前樓梯班人聽到之後又叫返口號係到還擊。其實我唔知當時鬥大聲黎有咩意思，做咩唔留返Ｄ力係陸運會到叫，諗起自己陪佢地叫真係ON99。
練左半個鍾之後，我就自己一個落左去睇班際比賽。望住Ｄ中五中七打畢業班籃，我又諗起大家九月十月係籃球場一齊奮鬥既日子。今年既比賽學生會搞得好有規模，仲借左學校支咪現場講波，差唔多全個操場既同學都會聽到，令到觀眾氣氛更加好。
佢地打完比賽之後，我就留低係到同籃球隊班師兄打下波，大家傾下計咁。打到差唔多接近六點，有一把聲係中央廣播系統傳出
「喂...喂...以下呢首歌，我要唱比我女朋友聽」
我：「發生咩事？有校園電台架咩？」我問Ｄ師兄
中七師兄：「呢間學校點會有，你聽真Ｄ，啊天把聲黎喎」
「下個星期就係你生日，今日難得有呢個機會，比個機會我當住全校呢首歌比你聽」
刀仔：「哇屌，係咪咁撚浪漫呀？！」佢係籃球場大叫
啊天試左幾秒聲之後，終於聽到佢唱歌，佢唱既歌係張學友既愛是永恆。
「有著我 便有著你 真愛是永不死 穿過喜和悲 跨過生和死」中央廣播系統傳出啊天既歌聲
呢個時候，有個女仔係學生會室行出黎，笑到好開心而且係到周圍望
刀仔：「啊天條女喎！！」佢指住那女孩
第二個師兄：「屌，會考前仲玩埋呢Ｄ野！」佢笑得好開心
岩岩係學生會室行出黎既女仔，佢今年讀中六。學生會幹事之一，今年岩岩由第二間學校轉入黎讀中六。讀左中六一排之後，就同中五既啊天拍左拖。呢個我都係聽一個中五師兄講返黎。啊天唱左一分鍾左右，仲未出現係大家面前。但係廣播依然播著佢既歌聲。後尾，副校長仲行左出黎睇下邊個唱歌。
「有著我 便有著你 千個萬個世紀 絕未離棄！！」 啊天仲係到展露歌喉，但大家都唔知佢係邊
呢個時候，廣播系統無啦啦停左。我地係球場再聽唔到啊天既歌聲。而佢女朋友都好快咁行返入學生會室。過左一分鍾左右，副校長就係廣播系統講
「請岩岩唱情歌既同學黎校長室見我！」
我地係籃球場聽到就笑到仆街，本身操場入面有個自修室比高年級溫書，但聽到啊天係到唱情歌之後就出左黎聽，仲聽到好開心。聽到副校長既說話，成個操場既同學都一齊係到笑。對於啊天呢個唱情歌既行為，可能係街外人眼中覺得「咩撚野學生呀，玩撚到咁？」 但我係現場睇完。我認為呢個係一個好浪漫既行為。
呢間學校，其實都無我想像中咁差姐...