[真人真事]那些年錯過的愛情: 中二０７

啊美：「屌你呀，我請你都唔想食？」 
啊單：「唔係...我肚痛唔想食」 
啊美：「扮咩撚野丫！岩岩先見你食第二組人Ｄ雞翼！」 
啊單：「咁...」 

　　當啊單想接過啊美手中既碗，有一個人搶左啊美手中既碗，佢係啊美既親戚，叫啊文。啊文都係同我地同一班，佢係一個肥仔，平時最鍾意搶人Ｄ野食。今次佢自己送上門，可以話個天幫左我地。啊文拎左之後，好快就食隻雞翼。 

啊文：「哇...咁鹹既？」 
啊美：「屌你！搶我野食仲話尻我地Ｄ野難食」啊美係到不斷爆粗 



　　啊美聽到啊文既批評，返埋自己個位同啊詩試食自己個Ｄ製成品。我地三個見佢地食左一啖之後吐左入垃圾桶，就知道計劃已經成功左。後尾落堂，我地聽到啊美同啊詩話拎堆雞翼去特別輔導班請班黑社會食。 

　　落左堂，我同啊單，啊金仲係家政室入面分緊自己既雞翼。 

啊單：「我屌！岩岩真係嚇撚到尿都瀨撚埋出黎！」 
我：「啊單你同啊美好熟咁喎。啊金，你今次奭晒啦」 
啊金：「你地先係主謀...」 

　　我地三個分完自己既雞翼之後，就返左課室上堂。望住自己兜雞翼，我就決定放學果陣拎比啊魚食。順便出席今日既棋藝學會活動。 

　　放左學之後，我就上左四樓每個班房出面望下，睇下啊魚係邊班上緊堂。見大部分班房無人，我就企左係走廊望住樓下Ｄ人打波。等左一陣，有人係後面篤左我一下。我望去後面，竟然見到啊希。 

我：「喂，做咩係後面偷偷摸摸？」我微笑著說 
啊希：「我補緊課呀，出黎去廁所就見到你一個人企左係到」佢又對我微笑 
我：「咁都比你撞到我...係咪全級放學都要補課？」 


啊希：「唔係呀，今日得我一班要姐。係喎，你做咩拎住兜雞翼企係到？」 
我：「我等緊人昨，你想唔想食呀？」 
啊希：「好呀，比我試下！」

　　我取出係小食部拎返黎既餐具，再揭開食物盒比啊希試食。 

啊希：「好好食喎！邊個同你一組整架？」 
我：「唔知你記唔記得喎，一個叫啊金，一個叫啊單。兩個上年都打個籃球隊」 
啊希：「我記得啊金係邊個！搵日叫埋佢地放學一齊打波啦！」 
我：「好啦，搵日再約」我收返個食物盒入袋 
啊希：「係喎，其實你等緊邊個姐？」佢又對我展開笑容攻擊 
我：「唔...這是一個不能說的秘密」我用手指作了一個肅靜既姿勢 
啊希：「車...扮晒神秘咁。我返去啦，記住聽日黎練波啦，過多幾日就係你第一場比賽啦」 
我：「得啦，我會努力架啦！」 



　　啊希入左班房之後，我係走廊等多一陣仲唔見啊魚，就入左去同Ｄ中一玩。直至活動完結，我都見唔到出面有人入過黎，睇黎今日都比唔到啊魚試食。 

　　當我落到地下諗住離開，又比我見到啊天自己一個係籃球場練習。今次佢都有叫我過去陪佢練波。 

啊天：「傑仔，陪我練罰球」 
我：「點練？一人射一球？」 
啊天：「唔係，一人輪流射十次罰球。如果我入左十球，你入左八球，你就要做二十下掌上壓，輸一球就十下，我入得比你多就唔洗做」 
我：「你恰我姐依家....」 
啊天：「屌，咁你玩唔玩！？」　講完佢用嚴肅既眼神望住我 
我：「唉。玩啦玩啦，等我除左件恤衫先」 
啊天：「玩到七點先一次過找數呀！」 

　　於是，我真係同啊天玩呢個罰球遊戲玩到去夜晚七點。雖然我係十球入面入七，八球，但啊天呢個撚樣真係好撚恐怖，差唔多射十球都會全入。最後七點我找數做左差唔多五百幾下掌上壓。佢仲要坐係我睇住我做先收貨。 

啊天：「見你咁撚慘，計你四百下夠啦」 



　　我做到一百幾下左右，見啊天坐係到望住個球場發呆，我就一邊做掌上壓，一邊同啊天傾計。 

我：「啊天，做咩你咁熱愛籃球，成日放學都自己練波？」我喘著氣問 
啊天：「咁你當初點解鍾意籃球？」　佢反問我 

　　「我打籃球係為左減肥！」　雖然呢個係我答案，但係我唔想講出口，於是我就無出聲。等左十幾秒，啊天又開口講野。 

啊天：「籃球場代表住好多人既夢，你既成就同實力代表你背後付出幾多努力同汗水...雖然我有打足球隊同籃球隊，但我發現籃球帶比我既挑戰同樂趣都比足球多...」 

　　我一邊做掌上壓，同時留心聽啊天講野。 

啊天：「今年我已經讀第二年中五，如果可以，我希望可以再代表呢間學校拎多次獎」