[真人真事]那些年錯過的愛情: 小學08
當我擘大眼，就見到啊靜企係我側面，鍚左我左面塊面一下。比啊靜鍚左一下塊面之後，我個心跳得好快，我個陣點都估唔到會發生呢個情況。我地兩個對望左幾分鍾，之後就企係到望住條河，但都無開口講野。由於我覺得好尷尬，就打開話題。
我：「做咩無啦啦鍚我啊？我都無嬴到。」
啊靜：「你仲面紅緊WO，又唔係鍚你個咀，洗唔洗咁啊？」
我：「...咁突然...下次講聲先啦。」
啊靜：「邊有得講定架，講左就唔係獎勵啦！而且我都無生日禮物比你，呢個咪當係囉！」
我：「嗯...其實...」
其實我係想問啊靜中唔中意我，不過我未講完呢句，就比啊靜中斷左。
啊靜：「啊傑，其實你覺得啊君點？」
我：「啊君咪我好朋友囉，做咩咁問？」
啊靜：「無啊，問下姐。無其他特別感覺啦？」
我：「可以有咩特別感覺？」
啊靜：「嘻，無野啦。我要返屋企啦，今晚再傾啦。」
當時既我唔知啊靜咁問有咩含意。只係知道當時好開心，因為比啊靜鍚左塊面一下，又第一次同佢單獨接觸咁耐。雖然條河係臭既。不過果日發生既事我係永遠唔會忘記。至於問佢中唔中意我呢件事，我就諗住等下次單獨見面先問。呢一日之後，啊靜同我既關係就愈黎愈親密。
開心既時光過得特別快，可能因為有啊靜同啊君成日陪我，所以今年係我呢六年黎最開心既日子。日子一日一日咁過，代表我地三個即將要分道揚鑣，入自己心儀既中學。但我地三個約定左，填表簡學校果日我地要三個簡同一間中學。
呢個主意係啊靜提起，開頭我係因為啊靜先同意，但啊靜講講下就話不如叫埋啊君。而啊君又好爽快咁答應左。於是，我地三個就決定要入同一間中學。
但係，之後發生左一件事，令我無簡同佢地兩個讀同一間中學。
有一日夜晚，啊君突然係MSN搵我傾計，傾左一陣左右，就傾起最近既事。當中都有提及升中同啊靜既事，傾下傾下，啊君就問左我一個問題。
啊君：「如果我話我鍾意你，你會點？」
啊君突然間問既問題令我唔知點答。而且我中意啊靜既事，啊君由頭到尾都知。我唔知啊君咁問黎有咩目的，我就應左佢「遲啲比個答覆你OK?」 講完之後，啊君應左一句落左線。係之後返學既幾日我都刻意避開啊君，SMS同MSN我地都無搵大家，等佢唔記得問過我呢樣野。但其實我對佢個問題一早有答案，只係我唔好意思拒絕佢。
過左幾日之後，啊君始終都無搵我，當我以為呢件事平息左既時候，原來依家先係開始。
無搵啊君幾日，但我依舊都有同啊靜傾計。呢一晚，啊靜又係傾傾下無啦啦問左我一個問題。
「如果我話我鍾意你，你會點？」
啊靜係MSN問我。雖然同啊君講果句野完全一樣，但我完全唔覺得係同啊君件事有關連。只不過啊靜經常做主動，而我又一直想問佢鍾唔鍾意我，所以果刻我真係當真。心入面立即有種開心到仆街既感覺。
「其實我都中意你...」我係電腦回應啊靜，但係坐係電腦前既我已經笑得好開心。
過左十分鍾左右，啊靜一直都無回覆我。等左一陣，桌面終於有野彈出，只不過呢個唔係啊靜，係啊君。
啊君：「我同佢問你同一個問題，你答我要用幾日。佢問你...你一分鍾唔洗就答左。我知我唔夠啊靜靚，唔夠佢瘦...但你唔鍾意我，點解唔坦白同我講？點解要比假希望我？」
果陣既我仲未意識到發生咩事，我諗緊啊君講咩既時候，桌面又有信息彈出，啊靜終於搵我。
啊靜：「對唔住啊傑，我問黎其實係幫啊君。如果我唔問你，啊君就唔知會知你真正既心意。一直以黎，我對你一啲感覺都無，大家都係做返朋友啦。」
「我對你一啲感覺都無」 睇到呢句之後，岩岩果陣開心真係無向左走向右走晒。我搞唔清楚發生咩事，我就以為係啊君同啊靜夾埋玩我。於是我就決定問清楚啊君。
我：「點解你要夾埋啊靜玩我？」
啊君：「只係啊靜幫我，我地無夾埋玩你。」
我：「玩足我幾個月，開唔開心？」
啊君：「你唔信就算，我都唔會再解釋。由頭到尾，原來我中意左你四年，比唔上一個鍾意你幾個月既女仔。明啦，我唔會再煩你。」
啊君講完之後就離左線，而我對呢件事始終一頭霧水，唔知發生緊咩事。
我冷靜左一陣之後，對件事仲係唔明。於是我問啊靜聽日放學可唔可以去學校附近條河傾下，而佢都答應左。經歷左今晚呢件事，成晚都訓唔著。一直係到諗啊靜同啊君打出黎個兩句「我對你一啲感覺都無」同「原來我中意左你四年，比唔上一個鍾意你幾個月既女仔。」
我一直都諗唔到件事點解會咁，諗下諗下就已經天光...
我冷靜左一陣之後，對件事仲係唔明。於是我問啊靜聽日放學可唔可以去學校附近條河傾下，而佢都答應左。經歷左今晚呢件事，成晚都訓唔著。一直係到諗啊靜同啊君打出黎個兩句「我對你一啲感覺都無」同「原來我中意左你四年，比唔上一個鍾意你幾個月既女仔。」
我一直都諗唔到件事點解會咁，諗下諗下就已經天光...