(重開) 愛，不一定要擁有才能愛: 第十一章

[喂sorry呀遲左落堂。] 亮平帶點氣喘的說。
[唔緊要。] 我笑著說。

是苦笑。

[咁行啦,堅肚餓呀喂。] 
[好呀。]

離開前,我望向那個漸漸遠離的身影,心情複雜得不能形容。





[仲唔行?想餓死朕?] 亮平不斷地催促我。
[黎緊啦。]

由於我一早表明我不想吃麥當奴,所以最後亮平找了間小有名氣茶餐廳,而我也沒異議,便一起進去了。

[要一個茶餐C吖唔該。要雞翼同紅腸,仲有麵果度?做烏冬。] 亮平坐下午不久便叫了一個兩餸麵。
[烏冬要...] 
[加四蚊嘛,得啦!啊係,飲凍檸茶呀唔該。] 他連侍應要說甚麽也知道,可見他光顧了很多次。
[好吖。咁你呢哥哥仔?] 侍應大叔笑著問我。
[茶餐A,涷奶茶。唔該你。] 我看了看餐牌後回答他。




[得,冇問題。好快到呀下。]

[有野咪講囉。] 亮平察覺我面有難色後這樣說。
[都好。]

於是我便把自己喜歡上了翔子以及剛剛發生的事告訴亮平。盼望這個好兄弟能閞解下我。

[一早話你中意人架啦Hi,又話唔係。] 
[我真係之後先發覺倒架。]
[其實你一直都中意佢,只不過你自己唔知啫。] 他喝了口凍檸茶之後説。




[如果真係我點會唔知呀?] 我哭笑不得的問他。
[因為你一直將份感情收埋係個心倒,仲要埋得好深,深到連你自己都唔知。原因好簡單,因為你一直都係倒避。]
[避?]
[避你自己囉。因為你唔想講出口,你唔想破壞同佢之間嘅關係嘛,係咪?]

他確實一語中的,說得太對了...

[你識讀心架?] 我笑著問他。
[哈哈.咁我又真係識嘅。] 他也笑著回答我。

[咁你諗住點?追唔追佢?] 他接著問。
[我真係唔知呀,佢又好似中意左方梓仁....] 
[你都識講啦,好似姐。咁早放棄?唔似你喎。]
[佢今年肯同我過生日先算啦,睇怕佢應該都唔記得左...] 我失落地說。
[屌,負面撚。] 他生氣地說。





[咁我可以做啲咩呀?當面問佢?而家同佢表白?真係一世做佢知已?你咁勁你教我囉一係。] 
[咁你答我:你係咪真係中意佢。]
[係。] 我認真的答他。
[咁個答案咪出左黎囉。係真心中意人嘅就去馬啦。我一定撐你架。]
[好。無論結果係點,多謝你,兄弟。]
[兄弟之間,唔洗樣樣野都多謝前多謝後嘅。] 

之後我倆便笑了起來,更在不經不覺間吃光了我們的食物。

付賬之後,我便決定跟亮平一起走到地鐵站,反正我也是順路的。

[喂,你溝個張雅婷溝成點姐。] 途中我這樣問他。
他聽到後一臉得意但卻沒有説話。





[點呀喂。]
他拿出手機,開了個Whatsapp給我看。
內容全是語音訊息。

[係有料嘅平爺。] 我豎起姆指對著他說。
[你仲有料啦,翔子同?悠全校最掂果兩個你skype.whatsapp,IG全部有。又voice text又facetime,。我?得閒吹幾下水渣Hi。] 他笑著說。
[咁我又真係幾幸福嘅。]  我的嘴角漸漸向上揚。
[妖,花心撚。我到啦,聽日見啦傻仔。] 
[得啦得啦。你走啦好嗎,我真係唔想搞大佢呀喂。]
[記得主動啲呀。]

我點頭示好,他也對我揮手,然後轉身離開。

看著他的背影,不禁想....






人生裏有一個能跟你談心,玩樂的好兄弟,是一件何等美好的事呢....

有時候,這一份兄弟情,比世上任何東西也更堅固。


<<待續>>