(重開) 愛，不一定要擁有才能愛: 第四章

[呀媽我返黎啦。] 我一開家門便叫了出來。
過了良久也還是沒有人回應,我想我媽應該不在家吧。
[伯母唔係屋企?]住我隔壁的翔子探頭進來,左望右望。
[係呀。等等,你又想痴餐呀?唔得!]
[唔好咁小氣得唔得姐,伯母都話冇問題啦。]

媽,你也對她太好了吧?

[唉,入黎啦。]我好不願意的説。
[Yeah!]




等她放好東西,坐好後,我裝有紳士風度的問她:[咁請問大小姐你想我煮咩比你食咁呢?]

我會煮飯這真不是騙人。 我從小就被我媽教煮餸,複雜的懂三,四道,但簡單的我基本上全部也會。甜品的話西式更是我強項,但中式的話就麻煩你另請高明吧。

[我想食車仔麵!]
[Hi你,啱啱經過樓下祥叔個檔又唔買? 廿五蚊四餸連野飲你響邊度揾?唉,所以我成日都話講智商你真係異於常人。]
[但係度食唔洗錢喎。唉,所以我成日都話講智商你真係異於常人。]

她一臉得意的反駁了我,被她這樣一說我又真的無話可説....





[唉我真係怕左你,我睇下有咩餸啦下。講明先,真係盡煮。] 我邊打開雪櫃邊對她說。
[你點煮都咁好食架啦。如果唔係我一早用左廿五蚊啦。]
被她這樣一讚我頓時沾沾自喜,說:[啍,算你識趣。]

[要咩餸?有肥牛,生菜,紅腸,冬菇......]
[肥牛紅腸!仲有墨魚丸!] 我還沒說完有甚麼食物她已經搶著説出她要吃甚麼了。
[又唔食菜?因住肥到成個魯芬咁,第時冇人要你就真係好笑。]我一邊煮她的那個車仔麵一邊取笑她。
[咁我冇人要果陣你要左我好冇?] 她的語氣聽上去並不像在說笑。
我回頭望著她,她也看著我,雙方沉默了很久。氣氛好不尷尬。
我連忙打破沉默:[做...做咩突然無啦啦講依啲姐?同埋你咁靚點會無人要姐,係咪先?] 

[咁又啱,哈哈。煮快啲啦,肚餓呀我。] 
[唔好催我啦。]

雖然我們已經回復了平常的對話。
但其實我在心裏己經回答了她的問題。

=16px如果對像是妳的話,我絕對會。

我也不知道為甚麽會有這樣的答案出了來,但即使現在我開口跟她說我也不會後悔。

=16px沒錯,只是現在。

我們接下來整個星期也是這樣,每天也一起上學放學。有時放學後更會去街邊轉角的那間Starbucks温習,因為明年我們也要考DSE,不努力一點的話很有可能向大學説再見。

[今日我買野飲?] 我對著已經找了位置的翔子説。




她點頭示好。其實我已經不用問她想喝甚麽,因為一定是超貴的green tea latte,而我每次也只是喝一杯熱朱古力。名牌咖啡店,有咖啡不喝喝熱朱古力,很奇怪吧?但沒辦法,我就是這麼奇怪的人。

[今日温咩?] 她對著剛拿到飮料的我這様説。
[我後日chem有小測,所以我要温chem。]
[開左學兩個禮拜就有小測?] 她十分驚訝的回答我。
[你知劉sir幾癲架啦,你又唔係味比佢教過。]
[你又啱,咁我温中文啦。]
[嗯。]

在温習中我不時望向她,發覺她專心用功,變做一個文靜少女的時候真的......很吸引人。或許這就是所謂的氣質吧?

[温完啦終於~] 我一邊伸著懒腰一邊說。
[咁走囉。] 這時我才意識到她原來早已收拾好東西,一直靜靜的坐着,等着我。
[你温完好耐?]
[一陣姐,行啦,7點半啦。我呀爸煮緊飯啦已經。]




[温左成三個幾鐘,後日一定掂。]
[超,懶係勁咁。]
[咁多野講,仲唔行?]

我們一邊聊一邊走,不經不覺便到家門了。

[聽日見啦,今晚Whatsapp再傾啦, bye bye!] 她開門前對我說。
[嗯,byebye。]

正當我打算開門時,我卻記起了一件重要的事。

[翔子!] 我在她關門前阻往了她。
[做咩呀,咁快唔捨得我?]
[聽日籃球隊選拔,咁張sir就叫我依個元老級人馬去打番場比賽,試下佢地嘅實力。你...會唔會好似以往咁黎睇?]
[當然會啦!點會唔去?] 




[咁聽日3點50分去籃球場睇啦,之後一齊走,我打完換完衫之後大概5點幾,校門等。]
[得啦長氣!年年都係咁架。我要食飯啦,聽日見!] 說完她便把門關上了。

明天我一定會表現得很好
因為我知道妳會看著我比賽,替我打氣,支持我。

[呀媽我返黎啦。]我一開家門便叫了出來。



<<待續>>