在夢境與少女相遇後有壞人殺死了我: 第07章 (66)

大概，這個世界上，並不是每個人都像我一樣，一直有人陪在身邊。
 
一直有人，在你需要幫忙的時候，義不容辭。
 
日來晴，在大宅裡一直陪伴著我的、照顧我的、最重要的管家……
 
死了。
 
至於他的愛人，如今躺在近正門的位置，我們難以看看她的傷勢，但恐怕已經遭受同一命運。
 


「嗖——」我姆指一按，退出槍膛，檢視剩餘的子彈數目：3發。
 
「嚓。」左手一托裝回。
 
「藍藍，妳唔可以有事。」我說，堅強地站起來，「以後照顧我既重任就交比妳喇。」
 
「我唔會死，我都要幫佢地報仇。」藍藍眼神堅定地說，「但依加……我地應該點做？」
 
剛才，由於日來晴的努力，來賓都及時逃進右側門了。
 


剩餘的人，只有我、藍藍、老爸、藍母和蒙羅麗莎。
 
「紅毛，你係度做乜野？」老爸大聲問，「哩度幾時輪到你亂黎？」
 
「唔好怪我啊羅密歐伯爵，我身上比海盜綁左炸藥，限時之內唔幫手劫船，我就會被炸成肉醬。」
 
「你要怪，就怪你個仔同春郎船長啦。」紅毛苛責，「係佢地趕我同金陰落海。」
 
「你知唔知，金陰本身唔肯幫手。但就因為咁，佢比人切左左手隻中指，哩世都冇得彈琴。」
 


「依加唯一可以幫到佢既就係『錢』，所以你地遇到我已經算係好彩，如果係佢，一定殺得更狠。」
 
「不過伯爵你又唔洗擔心，我地唔會殺有錢人，富商全部都用黎做人質，用黎換贖金。」
 
「依加我黎，只係為左殺程強同藍藍。」紅毛再說，躲在門後，隨時再攻進來。
 
「你……真係痴左線。」老爸激心地說。
 
「蒙羅麗莎！我知你係度！點啊有冇掛住老公啊？」紅毛凶惡地大喝一聲，要喚醒她的可怕回憶。
 
我們望向蒙羅麗莎小姐，她早已驚惶失色，腳步軟軟地扶著桌子，才沒有跟其他人離開。
 
「依加，同我捉住程強，唔好比佢舉起把槍！」紅毛粗魯地命令。
 
「事成之後，我就放過妳，今生今世唔再搵妳，還妳自由。妳想分一啲錢都可以，總之，同我捉我佢。」


 
再次，紅毛壓著聲線警告：
 
「如果妳唔聽話，一陣妳知會點架啦，就好似之前，同再之前咁。」
 
「唔好……唔好打我，我會聽話，我會聽話。」蒙羅麗莎陷入恐慌，神色與剛才判若兩人。
 
她一步一步地走過來，藍藍想去阻止她，卻更早一步地被藍母阻止。
 
「媽媽？」藍藍擔心。
 
「我捉佢入去冷靜下，唔洗擔心媽媽。」茱麗葉女士說，要把蒙羅麗莎帶進右側門，「你地小心啲！」
 
紅毛冒出頭來，想要偷襲。
 


「啵——」我一槍，嚇得他縮回了頭。
 
剩餘子彈：2發。
 
「你試下再伸個龜頭出黎，睇下我射唔射爆佢？」我警告地問。
 
「蒙羅麗莎！」紅毛暴燥了。
 
這一刻，藍藍雙手示意，一起走向左側門。
 
「右側門嗰邊太多人，我地從左側門入去後台，引佢過黎再伏擊佢。」藍藍輕聲提議，「畢竟哩度太空曠。」
 
「好。」我馬上同意。
 
走的時候，老爸也跟了進來，要跟我們共同進退。


 
「老竇，你……」我竟然有點感動。
 
「男人老狗，唔洗講咁多。」羅密歐伯爵說，雙手持拐杖，預備打哥爾夫球。
 
「啪。」藍藍關了後台的燈，讓這裡長期黑暗。
 
「點啊，玩捉迷藏呀？」紅毛問，一步一步接近左側門。
 
屏息以待，我舉槍口對準門前……
 
卻遲遲未見紅毛出現。
 
「我先冇咁傻。」紅毛洞悉地說，「裡面一定有伏。」
 


沒有人發出聲音，就好像我們都從後台逃走了一樣。
 
「不要說話，不要焦躁，他一定會過來的。」我心想，儘管心手冒汗。
 
「喂，你地係唔出黎既話，我就姦屍架喇，難得哩度有位身材超正既金髮女僕。」紅毛笑淫淫地說，腳步聲漸遠。
 
「咦，嘩！原來頭先冇打穿動脈，佢仲有氣！」
 
「今次正呀喂！」
 
我欲跑出，卻被藍藍抓住。
 
「唔好信佢。」藍藍凝視地搖頭。
 
「可能，佢有得救呢？」我眼神想問。
 
「靚女你真係慘，竟然由得你比人摸，都冇人出黎救你。」紅毛繼續說話，並作最後通牒——
 
「真係冇人出黎既話，我就唔客氣架喇。」