在夢境與少女相遇後有壞人殺死了我: 第07章 (56)

 
「唔得！」藍藍眼神堅定，再次捉上我的手臂。
 
咬緊牙關，她把我拉往身後，站在我的身前。
 
「你……做咩？」我呆住了。
 
「今次，我唔會比人傷害你。」藍藍望我一眼，迎面指著紅毛，「有咩要傾，搵本小姐。」
 
「哧——搵你？」紅毛笑了。


 
徒然，在看不見的一堆貨物後面，響起了一連串的鋼琴聲。
 
「噔，噔、噔噔、噔、噔噔……」
 
琴音高挑，如繃緊的弦線，節拍快速，如飛舞的精靈。
 
即使看不見，也能夠想像到那手指在琴鍵上連按的纏綿。
 
連續的彈奏，一些悠揚的畫面，被輸入到腦海中，時而像冬日的陽光，時而像和煦的下午，暖洋洋著人的心窩。


 
琴聲在貸物間響起，環繞著整個區域，一時之間包圍了大家，潛入了人心的底處。
 
「噔，叮——」手指鬆起，了然結束。
 
「合——」琴蓋被蓋上。
 
一位金色前陰的男子，紳士地重新替鋼琴蓋上包紮布。
 
「本來，我只係忍唔住手，想偷偷地彈下我部18世紀由意大利貴族流傳落黎既三角撃弦古鋼琴。」


 
「估唔到，比我聽到一啲咁既對話。」金陰整整衣袖，徐徐經過貨物而現身。
 
「仲比我遇到，嗰位我以為已經冇機會再見到既少女。」他一直說，走到藍藍面前，「其實，我心入面一直都有一條刺，一直都好想為當日既事道歉。」
 
真沒想到，金陰會在這時候出現。
 
「你可唔可以接受我既道……」他想提起藍藍的手。
 
「唔接受，亦唔想見到你，你快啲走開。」藍藍拒絕得很乾脆。
 
「哈哈，鋼琴天才金陰，乜你對嗰個女仔有興趣咩？」紅毛問。
 
「未知……你係？」金陰反問。
 


「紅毛 ‧ 泰祥爵士，摩根銀行行政總裁。」紅毛按胸鞠前，作自我介紹。
 
「失禮晒。」金陰說，「我係真係對佢有啲興趣。」
 
「我有啲事想搵程強。既然係咁，不如你幫我帶走個女仔。」紅毛提出。
 
「但係……」金陰略有顧慮。
 
「依加冇人知佢仲係船上面，佢係生係死，遭到咩對待，係冇人知，更唔好講有人追究。所以……」紅毛客氣地微笑，用手請他，「悉隨尊便。」