在夢境與少女相遇後有壞人殺死了我: 第07章 (31)

 
「十分鐘？」她問。
 
「嗯，係呢十分鐘入面。我係一個普通人，一個普通鍾意睇星星既人。而妳，亦只係一個普通既乘客。」
 
「唔考慮過去，唔考慮十分鐘以後既事，我地活在當下一陣，好嗎？」我再問。
 
藍藍思考了一會。
 
「你要講星星既故事比我聽架喎。」她展露笑容地說。


 
「樂意之至。」我笑意地說，眨起眼淚，紳士地點一下頭。
 
 
接著，我們都躺在甲板上，仰望璀璨的繁星。
 
「見唔見到戀人星座？」我問，躺在右邊的她。
 
「真係有？我以為你呃我添。」她說，馬上認真地看。
 


天空上，有著一個星閃閃的心形框框，裡面有一對戀人正在相擁。
 
然而，隨著時間的過去，它們跟剛才有點不同。
 
心形，變得更加心形，戀人，開始擁吻了。
 
「我見到喇！」藍藍興奮地說，有點臉紅，「但佢地……係度做緊咩？」
 
「佢地其實係一對經歷多次患難，幾經辛苦先可以係埋一齊既戀人。」我開始細說星星的故事。
 


「生前，佢地遇上過戰禍，試過比家人反對，試過因小誤會而分離，各自都比其他對象追求過，但最終都係選擇同對方係埋一齊。」
 
「佢地認定對方係真愛，即使生離死別，亦永不移情，最終感動上帝，化成星星相聚。」
 
「正因為經歷過咁多事，所以，佢地特別重視兩個人係埋一齊既時刻。」我感慨起來。
 
「即使時間唔多。」
 
 
在星空下，她聽我說完了整個故事。
 
「好浪漫。」藍藍陶醉地說，眼裡帶著憧憬，「佢地依加咁都幾好丫，可以有情人終成眷屬，以後都係埋一齊。」
 
「唔知架，星星都有滅亡既一日，我地依加望到既星光，其實係由好多年前，係好遠既外太空射出。」我說，「所以依加嗰啲星球，仲係唔係度，啲星仲會閃幾耐，其實冇人知。」
 


「可能某一日，佢地其中一半會先一步消失，淨低另一半，永留太空。」我默默地說。
 
「咁……咪好慘囉？」藍藍同情地說，強忍著淚，「淨低嗰個，得返自己一個。」
 
「至少有記憶留低，可以從中回味。」我說，「到另一半都消失埋，我相信，佢地會係另一個世界，重新開始過。」
 
「好慘啊。」藍藍還是很傷感。
 
「傻豬，故事黎架咋！」我說，情緒也被感染，「不過……」
 
「如果我，同妳，分開左……」我試圖問，「你會唔會記得我？」
 
「分開左？」她問，收住鼻水。
 
「即係分隔好遠好遠。」我張大雙手。


 
「好似隔一個海咁遠？」她好奇，側身面向著我，用手墊住頭部。
 
「再遠少少。」我皺眉說。
 
「半個地球咁遠？」
 
「永遠冇得再見咁遠。」我索性說。
 
例如我死了。
 
「我諗，我唔會記得你。」她說出，思考後的答案。
 
 
「點解？」我失落地問，有點想死了算。


 
——生命中只剩下一個「頹」字。
 
「因為，我最多只會記得你個口罩。」她為難地說，不知是否在開玩笑。
 
「其實依加空氣流通，你不如除左佢？」
 
「吓，但我……」我吞吐起來，不知所措。
 
「比我睇下你。」她毅然爬近我，眼睛大大地問，「得唔得？」
 
她的接近，使得香氣漸濃，她的眼睛，勾走了我的靈魂。
 
我看著她，她看著我。
 


這個距離，我感受到她的體溫。
 
「而且你依加都冇咳啦。」她輕柔地說，手指替我撥一下頭髮。
 
對了，為什麼？
 
不可思議之間，她長長的頭髮滑下來，垂在我的臉側。
 
一根頑皮的食指，她慢慢地拉下我的口罩。