在夢境與少女相遇後有壞人殺死了我: 第05章 (6)

「唔通係魔法師情意結？因為吸血鬼學唔到魔法，所以叫半人類既仔黎試下。」他腦袋嘗試分析。
 
我揹著背包，慢慢站起，傷口逐漸恢復。
 
「我媽話，吸血鬼界，可能會因為瘟疫死左太多人，而出現血慌。以防萬一，先將我送走。」
 
「原來係咁。」他沉思著。
 
「如果吸血鬼為左搶食，而大批咁殺到黎……」他喃喃自語，「咁真係大件事，我地哩邊都要有所防範先得。」
 


「至於你要入學，」爸爸說，「恐怕好難做到，因為你一旦登記，全校都會知道我有私生子。」
 
「咁我就死梗，所以哩件事……」他面露難色地看我，尋求體諒。
 
「明既……我明架，唔洗講落去喇。」我打住他，牽強笑笑，便低頭看地。
 
早就……沒想過會順利認親。
 
「作為補償，」他嘆了一口大氣。
 


「你褲袋嗰粒S級魔法戒指，就送比你啦。」
 
「吓？」我瞪大了眼。
 
「你阿媽從我手上偷走既嗰粒戒指，係我既家傳之寶——龍紋之戒。上面鑲住嗰粒寶石，唔同市面上既一般魔法石。」
 
「佢唔會消耗完畢，魔力用完之後，一段時間會自動填滿。」
 
「我成為大魔法師之前，一直都係靠佢。」
 


「依加，就送比你啦。」
 
「你留係度既哩段時間，住宿、飲食嗰啲唔洗擔心。我可以幫你安排。」
 
爸爸說完，就轉椅，背向著我。
 
「哦。」我點頭，上前取回出生證明。
 
有點傷感，一點點的寂寞。
 
「多謝，加 ‧ 濃先生。」
 
這是一種缺乏父愛的感覺？
 
我卻好像覺得熟悉。


 
 
「人類既食物，你食唔食得？」他再開口。
 
「唔知，我未試過。」
 
「陣間我叫人送一盤比你試下。」他再度轉身，眼光閃閃地，充滿實驗精神地看著我。
 
「都可以試下既……」我說，手指刮刮臉頰。
 
「生既、熟既、肉類、蔬菜、麵包……」他連忙在紙上撰寫餐單。
 
「時間關係，房間我已經準備好。」抬起頭，他放下筆。
 
「係一間，以前我同女學生私會……私下補習既時候先會用，平時一直冇人用既、位置好隱蔽、經過都唔會有人經過既房間黎。」


 
「吓……哦。」
 
「放心，床舖等一般設備都有，最多係舊少少。」
 
說完，他揮右手，準備解除隔音魔法。
 
「等等。」我叫住他。
 
「你有野想問？」他望著我。
 
「我想問，點解你咁鍾意偷食既？」我想知道。
 
「你唔明架喇……」他轉而蒼老，「每個偷食男人既背後，總有一個不解風情既女人。」
 


「但我已經比佢落藥絕育左，以後都冇得再出軌。」他說，揮手，解除隔音魔法。
 
「藍藍，入一入黎。」他呼召，用上無比威武的聲線。
 
 
「咔嚓——」藍藍規距地走進來。
 
——站在老師的辦公桌面前，我的身旁。
 
「老師，有咩吩咐？」藍藍問。
 
「藍藍，我依加給予你一個極秘任務，此任務關乎一個偉大魔法師既性命。如果佢死左，會影響魔法界以後三十年既發展。」
 
「你務必要完成。而且，即使落入敵人手中，亦絕對不能，透露，半點，秘密。」加 ‧ 濃說。
 


藍藍嚥下口水，冒出額汗。
 
「要同……師母作對？」她問。
 
「言重。」加 ‧ 濃打住，「我只係要你帶佢去宿舍房間，負責佢係學校不為人知既生活。」
 
「係。」藍藍聽命。
 
「房間號碼Z-01，哩張係學校改建之前既地圖，跟住上面既指示，應該就會去到。」
 
「沒問題，包在藍藍身上。」藍藍說，雙手接過。
 
「加 ‧ 濃先生。雖然……我冇得入學，但可唔可以學魔法？」我舉手問，「我想試下學。」
 
「當然可以！藍藍係我地學校既優等生，有咩想學可以問佢。」加 ‧ 濃說。
 
「藍藍，完成任務之後，你操行會係A，再記優點一個。」
 
「遵命！」藍藍笑顏，左手可愛地碰上額頭敬禮。
 
「冇其他事喇，你地出返去啦。」加 ‧ 濃說，微笑送客。
 
「咔嚓——」木門關上。
 
接下來，我和藍藍就開始了尋找神秘房間之旅。